LUKA 8:44 - Lacid Common Language Bible

⁴⁴ Hau: da" myiyi: myhi, gi Yesu da" nung thang moo tab tab cang yhe: lho: Yesu da" byi: mo bain: byou thang: moo shau" tain" kaid- houg: lang" jang: yau, nyid da" suid" kain" loo" khari" bye.

LUKA 8:44 교차 참조

THU' LO" MOUGSOUG" 15:26

Nyang: gi «Ngoo jo ein: koid ziri nanu" phau" myang: wigi nga" amyeing" dang: ri cang yhe: nghoid rigi ngoo nanu" ri Egutu byumyu" yiri tab byid: da" noophyoo" joem yhang: ti" yooboo dam abyid: wa nghoid. Ngoo nanu" ri noophyoo" mo gi nhang: da" Aseing nghoid» ga: tid.

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

MATHE 20:34

Aseing Yesu gi nyangnu" ri nheig yu khyeig yoomo nyangnu" da" myojid" moo lo, wigi zheung: tain" byid: lang" dalheing: dam nya: eig yug myo, doem myang lo lho: Yesu thang: moo jha" cang lo" ago".

MATHE 8:3

Nyang: gi lo, tu: lho: nyang: ri zang" tain" wigi «ngoo nau- ge san loo" we'» ga: tid. Houg: lang" hau: youg da" manggam: noo gi ge lo" byug bye.

MATHE 9:20

Houg: lang" yu" ge'. daxe: eig zain suid" shoin: no da" myi yi: dayug Aseing jang" moo jhen" re" lho: nya: byi: mo bain: byug thang: moo re" shau" tain".

MARKU 6:56

Houg: yoomo Yesu vang yhe: da" voo zeing voo zoo: mo mo, fu" moo" khyoo: yam cang noo phyoo" shau" mo, ri re" shu" lheung: yoin" to" wigi noo mo, we' nya: byi: sheing thang: moo khyalhang" shau" tain" nhang: wa shid' re" mho' nyid ago". Nya: byi: sheing thang: moo shau' tain" yu mo, dangain" gi noophyoo" ge shang lo" byug boem da.

LUKA 13:13

Nya: da" vhu" loem tho' moo Yesu da" lo, ki" byid: lang" nyang: gi dalheing: dam phyid" doem: yo" dain: lo" lho: Mangso jeju" ri coung" nghei nyid.

LUKA 7:38

Yesu da" nung thang khyid: yang: moo re" ngau nyid. Nya: da" ngoug byid gi Yesu da" khyid: moo gyo" nyid lang" nya: xam: wigi soid pyam byid. Hau: lho: hau: myiyi: gi Yesu da" khyid: moo boobug boug lho: nam, pyo: xu: joid byid: nyid.

LUKA 8:43

Hau: phung: moo myiyi: myhi, dayug gi daxe: eig zain goin"- suid" shoin: da" noo bo ci: su: nghoid. Nyang: moo yo" jo, da" ngei sheing: jo, nhoo" bain sho' moocid" ze: yu" bye. Nghoidloug we' kha" moocid" Doug Tha we' nya: noo ayo" ze: gi byid.

LUKA 8:45

Aseing Yesu gi ngoori zang" su: gi hang" nghoid ga: myid. Nyangnu" hang" we' azang" tain" ga: hi: go" nyid da" uri Peteru gi Aseing: we' byu phung: moo" gi nang ri nyhen" pu, go" nyid.

YOHAN 5:13

Nghoidloug we' noo ge loo nhang: shoung" su: gi Yesu khayug: nghoid ziri nyang asi- khasu" wim gari Aseing Yesu gi hau: byu phung: moo" mo yho' thu' lo" byug yoomo nghoid.

ACTS 19:12

Polu ci: da" phajed' yo' pain" phyid" cu" joem rilang"- noo phyoo" shau" mo, yo' yu vang jo, mo, jhang khyoo: ci: yhe: lo" ri noo phyoo" shau" bang: gi ge, sain, lo wigi yu joem we' nyangnu" vang nyid mo, jang" mo phang: thu' lo" boem ago".

ACTS 5:15

Petru lid lo" da" uri noo, phyoo" shau" bang: dayham" gi nya: yoeb, byoo, moo khyalhang" shau" zang" baja" ga- noo, phyoo" shau" mo, ri fu" moo" khyoo: dang thu' re" lho: yhoeb, yoo tho' moo pheing" thain: tho' moo re" lhang: to" boem ago". Nyang: nu" houg: su" koid boem zigi lagyoo: yi da" ge, lo, moo" ashi" joem nghoid.

TARHA" TID POIN" 22:12

Re" byimi myid: khyoug: goin" jang" moo bain: byoug khyoeb tab too" we'.