LUKA 8:43 - Lacid Common Language Bible

⁴³ Hau: phung: moo myiyi: myhi, dayug gi daxe: eig zain goin"- suid" shoin: da" noo bo ci: su: nghoid. Nyang: moo yo" jo, da" ngei sheing: jo, nhoo" bain sho' moocid" ze: yu" bye. Nghoidloug we' kha" moocid" Doug Tha we' nya: noo ayo" ze: gi byid.

LUKA 8:43 교차 참조

2 KHOKHAM MHOOMYID: 16:12

Asa gi: khokham koid zi soem' xe: goug: zain ein: zain moo khyid: xoo: sho' no wigi khyid: gyau: lo" byug da:. Nghoid loug we' nyang: gi pang" yu wa shid re" Aseing jhang aphug loo" loo: za: macid" sara: jhang yhe: da:.

YOBA 13:4

Nang gi nang ase' ziri mhau' da" dang: yo' shoem" boem" pyam da:. Nang gi hang" ri we' ayo" byang" ge da" macid" sara: yo' du da:.

COUNG" NGHEI 108:12

Gyivoo phoo ri lhoem: thoug shang" wa shid re" ngoonu" ri pang" yu we' byu yi da" pang" thoug khyoo: gi akoem: za: danghoid nyid.

ESAIA 2:22

Shid: se' da" byu yiri amyed loem loo: goo"- nyangnu" ci phoug" dab ago" la".

MARKU 12:44

Khasuwim gari nyangnu" gi nyangnu" agoin ayoo yo" jang" mo jain" da" gu: ri re" kaid ago". Nghoid loug we' he: coung" moo" myhi, koem gi nyang: asho" ajhen: damyoung shoo" nghoid loug we' yo" gu: dangain"- nyang: zoo: zi dangain" re" kaid pyam abye:- ga: tid.

MARKU 9:18

Hau: yu vang zhung: khang" moo"- myid jang: moo baid lheung: kaid lho: nhoid mo nyoeb du: athei" thei" thu' wigi zei kyeug lho: gunggoin" goin" kyoung: thain: loo" loo" wim nyid. Hau: yu ri khaid, thu' byid: wa shid re" re" cangzoo: yi ri ngoo mho' nghoid loug we' nyangnu" ayo" khaid thu' byid: boem nghoid da:.

LUKA 13:16

Abraham da" nya: myiyi: zoo: nghoid su:- he: yug gi daxe: shed' zain satan shen" yhen tei" to" zi shau" nyid. Dougno: Bidnyid ri hau: tei" mo age loid kaid la"» ga: tid.

LUKA 8:27

Yesu gi gyid yam moo do, lo" ri voo moo" mo, Yu joem vang ci: da" voo byu dayug gi nyang: jhang re" shau. Hau: yug moo yu joem vang ci: zigi gye" myang" bye. Nyang: gi byimi avoid- yhoem: moo we' anyid nghoid loug we' Loeb boug mo lug ug khoug: moo za: cang nyid yen.

LUKA 8:42

Khasu" wim gari daxe: eig zain ju" bye: da" nya: zooti" myiyi: zoo: gi no shid: lo" nyid yoomo nghoid. Yesu gi nyang: yo" dage" cang lo" da" uri Byu myoo" sho' mo, we' nya: da" ayam, aqei: moo bo jhen" jhab' lo boem.

LUKA 8:44

Hau: da" myiyi: myhi, gi Yesu da" nung thang moo tab tab cang yhe: lho: Yesu da" byi: mo bain: byou thang: moo shau" tain" kaid- houg: lang" jang: yau, nyid da" suid" kain" loo" khari" bye.

YOHAN 9:1

Yesu khyoo: so" lo" nyid da" uri nya: myhi' ung: khoug: mo, myo, amyang da" su: dayug ri shau" myang.

YOHAN 9:21

Nghoidloug we' khasu: wigi myo, myang lo zi ngoonu" asi. Nyang: ri hang" wigi myo, myang loo: nhang: zi ngoonu" asi. Nyang: gi nheig boo bye. Nyang: ri myid: yu" ge'. nya: khyoo: ri nyang: yo" tid kyoo" wa ga: phoid: kyo" boem.

ACTS 3:2

Young" lho, ga: myeung da" khoem" duang: moo khu: jang" mo nyang: khyid: yoin" su: dayug nyid. Hau: khyid: yoin" su: ri noku yhoem: moo" khyoo: vang yhe: loo" mo", jang" mo ngei mho' zoo: baja" ga: - khoem" duang: yam, moo nyid" khang" moo" yhe: dang nyhed: too" too" koid boem.

ACTS 4:22

He: da" mau" pho" alhoo: again khyo" yo" ze, yang" zain loo nhang: su: da" apyaid' gi myed: xi: zain' jain" koo: boo bye: su: nghoid.