LUKA 8:32 - Lacid Common Language Bible

³² Hau: uri vu, joem moo" dajoem gi bouggung tho' moo boid zoo: go nyid. Yu joem gi hau: vu, joem moo vang wa da" akhang"- Yesu ri mho' toung" pain nyang: gi nyangnu" ri akhang" byid.

LUKA 8:32 교차 참조

1 KHOKHAM 22:22

Aseing gi ‹Khasu" mhoid" jhoem" wa› ga: myid: bye:. Venyi: gi ‹Ngoo yhe: wigi Ahab da" lapi: yi dangain" ri yhe: mhoug wa› ga: tid. Aseing gi ‹Nyang: ri yhe: mhoid" jhoem" we'. Nang oung: doid wa›» ga: tid.

YOBA 1:10

Nang gi nyang: yo' nya: yhoem: byu yiri yo' nyang: yo" seing: to" zi ja: khang" ri goem loem byid: da:. Nyang: koid da" moo" ja: khang" moo" moo nang mainkaid byid: lho: damung" goin" ri yo" doo" zho" da" nu: joem nyang: ri byid: to" da:.

YOBA 1:12

Aseing gi Satan ri «Nghoid bye:. Nyang: yo" da" zi ja: khang" moo" gi re" yoem: so' khoug: moo nghoid da:. Nghoid loug we' Yoba nyang: rigi nang dam ayo" tab nhang: wa» ga: tid da:. Houg: lho: Satan we' to' lo" byug da:.

YOBA 2:6

Houg: yoomo Aseing gi Satan ri «Nghoid bye:. Nyang: gi re" yoem: so' akhoug: moo nghoid da:. Nghoid loug we' nyang: ri nang age said pyam wa» ga: tid da:.

COUNG" NGHEI 62:11

Aseing gi phung" yoeb yoem: so' bo nyid da" khyoo: ri nyha" Mangsoo tid nyid ziri ngoo myoo" sho' lheung: shau" gyo: loo bye:.

ESAIA 65:4

Shid: bye: bang: da" soobyoo joem ri dang: myid: yhe: myid: wa shid re" nyangnu" myen" ri lug oug yo' loeb khyoo: yhe: boem. Nyangnu" gi vu, shoo" zo: wigi tarha" tungbau yu phara" ri ngei" byid: da" shoo" poo" yeing ri shug ago".

ESAIA 66:3

«Byu yi nyangnu" vho: ngei khyo" koid ago". Nyangnu" gi xoin" khyo" nu: loo: said loug we' xangsu: byu ri xoin" khyo" ngei" byid: loug we' nyangnu" yang nu" ri xoin" ngei" byid: loug we' Lakhuid" leung zeung: jab ceing ngei" byid: nghoid loug we' nyangnu" shivoo: xoin" anghoid lang" vu, suid" ngei" byid: loug we' nyangnu" shoem: nam pyo: ja: nghe' ngei" byid: nghoid loug we' yu phara" soolhoo: ri akyu" mho' loug we' dangain" gi nyangnu" shid re" dayhang: ti" `za: nghoid da:. Nyangnu" aco' ajhoid moo" khyo" no' jang" moo pyo: khyoo: ri sho: ago".

XOIN" NGEI" 11:7

Vu, shoo" azoo: goo". Hau: joem ri ayung" alho' khyo" myid soin: ca" da:. Hau: joem gi khyid: seing" go, nghoid loug we' voem: adoem tau" rhi" nghoid da:.

MATHE 7:6

«Gyeungshang: da" ziri lakhuid" joem ri abyid: goo. Nanu" da" vhu" shid ri vu, joem da" shid khoin" moo ashe: pyam' too" goo"- houg: su" anghoid lang" vu, joem gi nang: nhe" pyam' wa. Lakhuid" joem gi lo tau" ngaid boem wa.

LUKA 8:31

Yu joem gi nyangnu" ri no, thang da" duang: khoug: moo akoin" khyo kaid ga: toung" pain: ago".

LUKA 8:33

Yu joem gi hau: byu jang" mo thu' lo" lho: Vu, joem jang" moo vang lo. Houg: lang" vu, joem moo" dangain" gi dung" bung tho' mo wigi dalheing: dam gyid thoem" moo byam vang lho: noeb shid: pyam boem.

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

Pang Shug 20:7

Hau zain nyid dakhyeing" lid loo" lang" gi satan ri thung: mo doem nhang: kaid' zi shau" wa zi nghoid wigi