LUKA 8:24 - Lacid Common Language Bible

²⁴ Nyangnu" gi Yesu ri nhau" lho: Aseing: we"- Aseing: we"- ngoonu" shid: boem wam: bye myang ga: tid boem. Yesu gi to' re" lho: lid yo' being: mhoid ri amyeing" khyo' toem pyam houg: lang" uglid' yo' being: mhoid gi sam: zoo: tam" loo" bye.

LUKA 8:24 교차 참조

COUNG" NGHEI 65:7

Nang gi panglai: beung: mhoid baid myheung da" thui: yo' gyid ji: zoo" yi da" myeung fu: thui: ri tam" loo" nhang: nyid. Nang gi mung" byu yi da" myeung fu: thui: ri tam" loo" nhang: nyid.

ESAIA 50:2

Ngoo nyangnu" ri khyoid yu wa nyangnu" jhang yhe: uri nga" byu yigi hau: ziri ciwim wigi aphug tid boem la". Ngoo nyangnu" ri khe: uri nyangnu" ciwim atu" boem go" la". Ngoo gi nyangnu" ri khyoid yu wa yoem: sung neing: yug nghoid rhe". Gyid ayoo" yoomo houg moo nyid boem da" wimdo, joem shid: wa shid re" ngoo gi amyeing" dang: wigi panglai: ri yo" kain" hei' loo" nhang: lho: gyid lang ri dain" pyoid yoo yo" koid pyam da:.

YEREMIA 5:22

Ngoo gi Aseing nghoid. Nanu" gi ngoo ri ciwim agyug go" la". Nga" shidkhoin" moo ciwim yoomo nanu" ko' ko' anain" boem la". Ngoo gi panglai: da" mougkyoo" khyo" midcoo: doem: ri to" too" byid: bye:. Hau: ziri ayo" ge lid: phyid yhe: da" apyaid atoo: moo geing: teing bye: mougkyoo" nghoid da:. Panglai: gyid boug joem to' ri too' wa nghoid loug we' hau: zigi hau: mougkyoo" mo ayo" lid: nghoid da:. Being: lhung" joem myeing ri myeing wa nghoid loug we' hau: joem gi ayo" lid: phyed goo" wa.

NAHUM 1:4

Nyang: gi panglai: ri amyeing" byid: kaid lang" hau: zigi kain" loo" khare" lho: nyang: gi gyid moo" lang joem ri we' kain" loo" nhang: bye:. Bashan janggyoin: we' nyhau" kyug lo"- Kharmela boem we' kyug moid" lo" lho: Lebanon da" bain: boo" joem we' nyhau" shu: gyo" byug boem bye:.

MATHE 14:30

Nghoidloug we' ug lid ri myang lang" gi nyang: gyoug lo wigi gyid khoug: moo noeb vang lo" nyid da" uri «Aseing we"- khyoid yu shi" we' o"» ga: yoid nyho.

MATHE 8:25

Houg: yoomo Aseing ri yhe: nhau" boem. Nyangnu" gi «Aseing we"- khyoid' yu we' o"- ngoonu" bain joem: lo" nyid boem bye» ga: coem tid boem.

MARKU 4:39

Yesu gi to' re" lho: ug lid ri sam: zoo: nyid we' ga: amyeung" byid:- beung: mhoid ri we' tam" loo: we' ga: tid kaid. Houg: lang" ug lid no: lo" lho: gye" myenjham" tam" lo" bye.

LUKA 4:35

Aseing Yesu gi sam" zoo: nyid we' Nya: ung: khoug: mo: thu' loo" re" ga: tid. Agyeing" ashang: da" yu gi hau: yug ri sube" mo, phung: gung moo theing lheing: kaid. Hau: thang: ri ce: jamjau abyid: loo:- nya: da" ung: khoug: mo thu' loo" bye.

LUKA 4:39

Houg: yoomo cangzoo: yi gi hau: khyoo: Yesu ri tid kyo" boem. Yesu gi hau: myiyi: myhi, da" ayam moo yab jo, lho: he: noophyoo" ge loo" re'- ga: amyeing" byid: kaid. Hau: myiyi: myhi, gi noo ge lo" lho: houg: jang: to wigi Yesu yo" cangzoo: yi ri zoo: noem dei zho.

LUKA 5:5

Simun gi Aseing: we" hid: moo gi ngoonu" damyen goin" yoem: kaid kuang nghoid loug we' ngoo: dadu: we' ayo" boem. Nghoidsho' loug we' Aseing: tid zi yo' dakhyoo" ti"- goin joem ri ngoo khyoo wa" ga: tid.

LUKA 8:25

Houg: lang" nyang: gi Nanu" loem" jeing" nheigloem: gi khare"- ga: cangzoo: yi ri myed. Nghoidloug we' nyangnu" nyang: gi gyoug mau" zoore"-He: yug gi hang" nghoid lug lha"- lid yo" being: mhoid we' nyang: amyeing" byid: lang" gi tam" gyoo: nhung: lha"» ga: nyang cang nyang- tid boem.