LUKA 8:15 - Lacid Common Language Bible

¹⁵ Jen" bo da" myidjang: gi moo gyoo" lo" da" amyoug koem gi Mungdang: ri shaug" gyoo: lang" tam" gyoo: nau da" nheigloem: yo"- geing: geing: teing teing kham: yu loem" jeing" wigi Ashi" zei: loo sho' koid: da" byu yi ri tid nau da" zi nghoid.

LUKA 8:15 교차 참조

COUNG" NGHEI 119:11

Ngoo gi re" da" tarha" ri nga" nheigloem: ung: khoug: moo kaid to" khyoo: gi nang ri ngoo yooboo azang" koid wa shid re" nghoid.

COUNG" NGHEI 51:10

O" Mangsoo we"- nga" da" akhoug: moo: younglho' da" nheigloem: ri phain" so: byid: lho: nheigloem: zung" khyoo: yo' soozoo: aseig ri nga" da" akhoug: moo: kaid byid: we'.

DANG: ZHOEM 3:1

Nga" zoo: we"- ngoo nang ri tid kyo" da" dang: ri ato" myhid- nang cang zei: loo" wa shid re" ngoo akhyoo" shed to" dang: ri:-khanham we' daboin: so" nyid we'.

YEREMIA 15:16

Nang ngoo ri dang: tid wigi ngoo gi dang: khoin" khang" moo" ri tam" gyoo: bye:. Myhang: thang Aseing Mangsoo we"- ngoo gi nang wigi seing: su: nghoid. Houglho: re" dang: khoin" joem gi nga" nheigloem: khoug: moo: gau yi ngei pyo: ziyo' bo jo, da:.

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

YEREMIA 32:29

Nghe' pyam goo" wa. Nyangnu" gi hau: ziri yhoemkhung: dang moo Bala ri shoem: nam pyo: ja: nghe' ngei" byid: da" khyo" wigi we' gootu: yu phara" soolhoo: joem ri zabyid yhid: xoin" foid shoin" byid: da" khyo" wigi we' byu yi wigi ngoo ri nheig joem: yoo: nhang: boem da" yhoem: joem yo' dage" nghe' pyam goo" wa.

MATHE 24:13

Nghoidloug we' lo" thang bidnyid ju" sho' zeung: kham: nyid su: gi khyoid yu zi shau" wa nghoid.

LUKA 11:28

Houg: nghoid loug Yesu gi Mangso da" mungdang: ri shau" gyo: lho: cang loo" su: gi hau: tho' re je ngei: pyo: ga: tid.

LUKA 6:45

Gi su: gi ge da" ziyoo yo"- byeung" shoin: da" nheigloem: boin" khoug: mo ge da" ziri za: thoid shug se. Akhyeing" ashoeb su: gi akhyeing" ashoeb ziyo' byeung" jo, da" nheigloem: boin" khoug: mo age da" zi joem ri za: te: thoid shug se' nyid, ci: yoomo gari nheigloem: khoug: moo byeung" jo, da" ziri nhoid moo tid thu' ri" si' yoomo nghoid.

LUKA 8:14

Zu: kyen: byab moo gyoo" lo" da" myoug shi" gi Mungdang: ri shau" gyo: lho: myid myoo: ungloug da" khyoo:- yoo" zoo: yoo" shug da" khyoo:- gung shoo" nyam khyo: ze wigi nghoeb foeb pyam yoomo mo, da" ashi" ayo" zei:- mo, ri tid nau zi nghoid.

LUKA 8:16

Myikug ri tab lho: wigi Lain" ceing: zhoung" lhoung:- anghoid lang" yhoeb, cuang gyid" moo kaid to" zigi hang" we' akoid: yu. Yab moo vang loo mo, myo, myang wa shid' re" myikug ke" jang: moo za: dete: lhoung ke" to" boem.

YOHAN 14:15

Nanu" ngoori jheddab nghoid rigi Nga" tarha" ri phau" cang goo" wa nghoid.

YOHAN 15:10

Ngoo gi nga" pho, amyein g" ri tam gyo: wigi nya jheddab jang moo nyid nyid yhang ti"- nanu nga amyeing" tam gyo rigi nanu" we' nga" jheddab jang" moo nyid nyid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

Roma 6:22

Nghoidloug we' akhid" nanu" gi yoobo da" lo, khoug: mo, loid byoin thu' lo lho: - Mangso: da: join yi bue" lo loem bye. Nanu" yo" yu da" akyu" gi Aseing: da" shid' re" nyang: nya: kangso' dei khyoo: bain" sho' xoin" to' pyam' bye yoomo lo" thang moo gi apyaid' ato: kangso' akyu" yo" yu wa khyoo: nghoid bye.

Roma 7:18

Xangsu: byu nghoid da" ngoo moo ge da" moo" ri yo" zei: wa da" yoem: so' abo zi ngoo se'. Khasu" wim ga ri ngoo moo ge da" moo" ri zei wa da" amyeing" boo nghoid loug we' yo" zei: wa yoem: so' aboo.

Roma 7:4

Nga: mang: nhung" yi we" - he: da" khyoo: gi nanu" yo" we' sen: nyid. Nanu" gi Khristu da" gung doem nghoid wigi Moshe tarha" khoug: moo nyid da" pyaid she: lhei" pyam' phyed' boem bye. Mangsoo: moozoo" moo- akyu" bo da" dei zoo: yi bui" loo wa shid' re" nanu" gi shid: jang" mo doem dei to'' lo da" nya: byu yi nghoid boem bye.

Roma 8:25

Nghoidloug we' ngoonu" gi amyang yu shi" da" zi ri - loem" jeung" nheig byu nyid nghoid ri gi hau da zi ri nheigloem: sheing" sheing" lang" nyid.

1Korinthians 7:19

Byu dayug athang: yham" ci: ayham" ci: ein: zigi: ce" akhyag anghoid. Mangso amyeing" tarha" ri cang yhe: loo" wa ziza: akhyag: da nghoid.

Ephesu 2:8

Khasu" wim gari loem" jeung" khyoo: yoomo nanu" gi Mangso da" jeju" khyo" za: khyoid khyi: yu zi shau" khyoo: nghoid. Hau: zigi nanu" yoem: kaid' yoomo yo" yu da" akyu" anghoid - hang" we' phau: khuang jang: ajo, baja"- Mangso da" jeju" jhung: shug za: danghoid.

TARHA" TID POIN" 30:6

Nanu" Aseing Mangsoo gi nanu" yo' nanu" amyed ashen yiri se' tam" gyo: da" nheigloem: kaid byid: wa. Houg: lang" nanu" gi nanu" nheigloem: dangain" ziyo' nyang: ri jheddab lho: hau: mung" moo yo" xo' nyid loo wa.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

KOLOSE 1:6

Nanu" gi Mangso jeju" khyo" xang: shed" shau" gyo: yu da" bidnyid mo wigi hau: jeju" gi gyeing" nyang: se' gyo: kham' zoo: bye: ziyo' dakhyoo" ti"- hau: ngei bu: lu dang: gi nanu" jang" moo ju" loo bye- houg: yo' dakhyoo" ti"- hau" ngei bu: lu dang: gi ashi" myoo" sho' zei lo lho: mougmyid gyab, goin" jang" moo byo sain" loo" bye.

HEBRE 10:36

Mangsoo myid vho: khyoo: ri cang zei: wa ziyo' nya: da" dang: soo" khoin" joem yo' dakhyoo" ti"- akyu" yo" kham: yu boem sho' nanu" gi gyi: sheung: nheigloem: yo' zeung: kham, ca" nyid boem.

HEBRE 2:1

Houg su" nghoid yoomo ngoonu" gi khyoo: avhang: loo" baja"-ngoonu" nyang: shaug" gyoo: bye: da" hau deungmain" da" khyoo: moo je" wigi gyed gyed pu" lhang" too' shang.

YAKU 1:4

Nanu" gi ci: we' ca" yo khyoo: aboo loo sho' joeb, byeung" jo, baja" - nanu" da" kham, zeung: khyoo: gi nanu" rikhyoo: thang sho' moo oung: doid khyo" shu" vhu" goem nhang: nyid ge'.

1YOHAN 2:3

Nyang: byid: to" da" amyeing" dang: ri ngoonu" tam" gyo: lho: cang lo" boem nghoid rigi ngoonu" gi nyang: ri si' bang: nghoid da" khyoo: ri khyag nyang: yo" se' yu boem wam: bye.