LUKA 8:13 - Lacid Common Language Bible

¹³ Lug phoug tho' moo gyoo" lo" da" myoug shi" gi Mungdang: ri shau" gyo: da: uri gau yi ziyo' kham: yu mo, ri tid nau. Nghoidloug we' nyangnu" da" nheigloem: khoug: moo mungdang: agyi: ayo" cen,- dayo, daboin: za: jham" ca: yu" da" yau khe: kyen" nhoung: khyoo: doem thoung" shau" lang" hau: yug gi doem fain" phoug: lo.

LUKA 8:13 교차 참조

YOBA 19:28

«Nyang: ri ngoonu" khasu" yo" shen" yhen wa la" ga: tid wigi nanu" gi ngoo ri khaid zain: wa akhyoo" sho: nyid ago".

DANG: ZHOEM 12:12

Akhyeing" ashoeb, bang: dangain" mo, vho: ngei nyid khyoo: gi akhyeing" ashoeb, da" moo" zei: zi za: nghoid boem loug we' deing: byeung" da" byu yi koem gi geing: geing: teing teing dayab, jo, boem ago".

DANG: ZHOEM 12:3

Akhyeung" da" khyoo: gi gau: nyu: da" khyoo: ri ayo" byid- nghoid loug we' deing: byeung" da" byu yi koem gi geing: geing: teing teing yo" yab jo, boem wa zi nghoid.

ESAIA 58:2

Nyangnu" gi ngoo ri nyid" khang" moo" noku wigi nyangnu" nga" khyoo: ri si' nau ziyo' nga" tarha" joem ri cang nyid ga: tid nyid boem. Nyangnu" gi nyangnu" ri deungmain" tarha" joem ri za: ngoo ri byid: nhang: nau wigi nyangnu" ngoo ri noku jang" moo pyo: khyoo: sho: zi nghoid» ga: tid nyid ago".

EZEKIEL 33:32

Nyangnu" shid re" nang gi jheddab jikhoin" joem khoin" da" shapyoo: su: anghoid lang" teing baid su: tho' ci: ajain" nghoid da:. Nyangnu" gi re" dang: dangain" ziri tam" gyo: wigi hau: gu: mo dakhoin" ri we' aphoug" cang nghoid da:.

HOSEA 6:4

Nghoid loug we' Aseing gi «Israela yo' Yuda we" Ngoo gi nanu" yo' ci sen: la". Ngoo ri nanu" wigi jheddab zigi nab soin: mo lang" khyoem' yo' dakhyo" myab myab bei: byug wa. Hau: zigi nyid" ri no' mo byug lo" da" nghain: yo' du: da:.

MARKU 6:20

Khasu" wim ga: ri Yohan gi deungmain" ziyo' gyeungshang: byu dayug nghoid ziri Herod se' lho: nyang: ri gyoug phau" ziyo' yu" goem byid: nyid. Yohan da" mungdang: shaug" gyoo: khang" moo"- nya: nheigloem: moo gyi" sho' nheigloem: amyen nghoid loug ri we' nya: mungdang: ri ngeibu: tung" za: tam" gyoo: nau nyid.

LUKA 8:12

Khyoo: gung moo gyo" da" myoug shi" gi Mungdang: shaug" gyoo: mo, ri tid nau zi nghoid nghoid loug we' yu satan gi houg: bang: khyoid yu zi shau" wa avhoo: yoomo nyangnu" da" nheigloem: khoug: mo mungdang: ri re" yu pyam byid.

LUKA 8:14

Zu: kyen: byab moo gyoo" lo" da" myoug shi" gi Mungdang: ri shau" gyo: lho: myid myoo: ungloug da" khyoo:- yoo" zoo: yoo" shug da" khyoo:- gung shoo" nyam khyo: ze wigi nghoeb foeb pyam yoomo mo, da" ashi" ayo" zei:- mo, ri tid nau zi nghoid.

YOHAN 15:2

Ngoo moo ashi" azei: da" akung: ako' dangain" ri nyang: cu: khyo, pyam lho: ashi" zei: da" akung: ako'' ri koem gi je zei: baja" ga: kyid shang: to.

YOHAN 15:6

Ngoo yo" axo' to" su: gi nghi: zain khyoo: cu: khyo, pyam wigi kyoug main lo" da" seig kung: yo" du wa. Byu yi gi hau akung ako joem ri cang sho: zheing" yu lho: myi: moo du kaid wigi nyang: gi nghe" joem: pyam wa..

YOHAN 5:35

Yohan gi myiyham: dab lho: bang nyid da" myibung: yhangti" nghoid nyid yoomo nanu" gi nya: da" bidbang khoug: moo daso' za: te: pyoo: nau boem.

1Korinthians 13:2

Ngoo gi lapi: se' pe: ziyo'- no, da" dang: kang dangain" ziri- se' myab, thang da" phajhi" aja" ja: yo' joeb, byeung" lho: wigi- boem, ri yo" doin: shu" pyam sho' da"- loem" jeung" emyid, boo nghoid loug we'- jheddab da" nheigloem: abo rigi: ngoo ci" we' anghoid.

1Korinthians 15:2

Hau: ngei bu: lu dang: ein: zigi: ngoo nanu" ri kho" kyo" yu" bye: da" mungdang: nghoid. Nanu" gi hau: ngei bu: lu dang: moo: geung: geung: teing teing nghe: khau: nyid boem nghoid rigi- nanu" khyoid yu zi shau" boem wa nghoid. Hougsu" anghoid rigi- nanu" da" loem" jeung khyoo: gi amyed, afoo" loem" jeung" pyam zi za: danghoid wa.

GALATI 3:1

Akoo" apyoid' da" Galati byu yi we"- pyang" zeing tho' moo Yesu Khristu shid: Kham: bye: da" khyoo: ri nanu" da" myonhoo: moo bang bang yo" myang sho' ngoo tid shid kyoo" bye: ri-nanu" ri hang" wigi mhoug cid" zho" lho: jhu, phyo' zi shau" go" la".

GALATI 3:4

Nanu" nya: kham, zo: lid loo bye: da" jeju" aja: ja: ri akoem: za: dakham, zo: pyam' go" la". Gyeing" nyang: houg: su" thoung" shau" lo da" khyoo: gi nanu" shid re" akoem: ayo" bui".

Ephesu 3:17

Hau: lho: loem" jeung" khyoo: khyo" Khristu gi nanu" da" nheigloem: ung: khoug: joem moo nyang: nyid nyid' wa ziyo' jheddab da" emyid moo agyi: zug lho: ayang: ri zhoug too" wa shid mo ngoo akyu" mho' nyid.

KOLOSE 1:23

Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.

KOLOSE 2:7

Jhau" mho' ziri kham: yu bye: ziyo' dakhyoo" ti"- nyang: moo agyi: no" no, cen, lho: nyang: moo yha" da" kangso' dei khyoo: qei" to" wigi nanu" da" loem" jeung" khyoo: ri je" geung: teung jo, nhang: ge'. jeju" ri coung" nghei myid' nanu" moo byeung" jo, baja".

1THESALONI 3:5

Ngoo gi xo' lho: atho' lang" nyid loo: yoomo nanu" da" loem" jeung" khyoo: khasu" bue" nyid da" khyoo: ri se' yu wa shid re" Timothi ri ngoo nhang: kaid' bye- gyeing" nyang: nanu" gi yu zhadain gung" lau" jang" moo bo cang lo" byug boem wigi ngoonu" da" yoem: kaid' loo bye: khyoo: joem gi akoem: be: be: abue" loo" nhang: noug.

1 TIMOTHI 1:19

Hau: tho' moo gootu: nang moo loem" jeung" khyoo: yo' gyeungshang: da" boin: gyeing: se' nheigloem: bo jo, baja"- byu dayham" bang: gi houg: yhang: te"- gyeungshang: boin: soo" se' da" nheigloem: soozoo: wigi tid poin" tid kyeung ziri atam" gyo: boem yoomo nyangnu" da" loem" jeung" nheigloem: ri lhu: phyo' pyam' boem ago".

HEBRE 10:39

Ngoonu" gi doem tau" zoid phang: lo" da" byu yi anghoid loo: za: loem" jeung" lho: khyoid yu shau" da" byu yi nghoid nyid boem bye.

YAKU 2:26

Houg: yo' dakhyoo" ti"- gungdu: mookang: so' aboo lang" gi shid: mang nghoid nyid yhang: ti"- moozoo" abo da" loem" jeung" khyoo: we' shid: mang nghoid nyid.

2PETRU 2:20

Byu yi gi ngoonu" da" khyoid yu Aseing Yesu Khristu ri se' wigi moug: myed mo aco' ajhoid da" yoem: vhoo" khoug: mo loid lo" thang: ri hau: aco' ajhoid khyo: wigi doem oung: pyam zi shau" nghoid rigi Houg: bang: da thang: mo bue" lo akhyoo" gi-xang: she" tho' moo je" yau: loo" wa bye.

2PETRU 2:22

Lakhuid" gi nyang: doug boem to" zi doem geug zo:- Hau: lho: vu, gi bain cid" byid: thang: ri thoem" boeb, moo doem lhu" nyid. ga: da" dang: zhoem gi nanu" shid re" deung" nyid zi nghoid.

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.

YUDA 1:12

Nyang: nu" gi sho' asi ngei yid' thu: boem lho: zoo: pyoo: shug pyo: zoorre"- nanu' da" zoem" khau, myen" xoin: zo: pui" moo aco' ajhoid' bui" nhang: bye. Nyang: nu" gi nyang: nya: da" akyu" ri te: sho: nyid mo, nghoid boem ago". Nyang: nu" gi moug: gyid' abo da" lid wigi hau' tang" lo" da" jhoem" moug" yo' date: du nyid boem. Nyang: nu" gi; xung" kain" thoin" moo ashi" azei: yoomo agyi: mo wigi poid' said' to" da" seig kyug gam yo' du nyid ago".