LUKA 7:47 - Lacid Common Language Bible

⁴⁷ Houg: su" yooboo mo loid lo" zigi Nya: da" gyi: thang jheddab nheigloem: gi sagse: kham: nyid. Yooboo dajhi' za: te: loid loo" su: gi dajhi' date: se' jheddab» ga: tid.

LUKA 7:47 교차 참조

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

EZEKIEL 16:63

Ngoo gi nang koid shoid lid: lo da" shoid moo" dangain" ri yooboo khyoid pyam byid: wa. Nghoid loug we' nang gi hau: joem ri myid boin: wigi re" nhoid ri ayo" foo' loo: sho' myid sho' loo wa» yoem: moo" bo Aseing tid too" bye:.

MIKHA 7:19

Nang gi ngoonu" ri dalheing: doem nheig khyeug yu shi" wa zi nghoid. Nang gi ngoonu" da" yooboo joem ri khyid: yang: moo nang nhe" pyam wigi panglai: thoem" kang khyoo: du" kaid pyam byid: wa nghoid.

MATHE 10:37

«Hang" nghoid loug- ngoori jheddab da" tho' moo nya: myhi' nya: phoo ri je jhed' dab, rigi hau: yug gi ngoo yo" amoin: yi. Hang" nghoid loug- ngoori jheddab da" tho' moo nya: zoo: yi ri je jheddab nghoid rigi hau: yug gi ngoo yo" amoin: yi.

LUKA 7:39

Yesu ri khe: da" Pharishe phoo gi myiyi: houg: su" koid: ziri myang lang" He: yug gi Lapi: nghoid rigi lho: nya: khyid: moo zei: da" myiyi: gi hang" nghoid zi we' ce: noem yoobo shoid su: nghoid zi we' si' wam: bye ga: myid nyid.

LUKA 7:46

Nang gi nga" vhuloem moo vhu" xu: ajoid byid. Nyang: gi nga" khyid: moo nam, pyo: xu: joid byid: bye. Houg: yoomo nang ri ngoo tid zigi he: myiyi: gi yooboo myoo" sho' mo loid loo" bye.

LUKA 7:48

Hau: thang: ri Yesu gi myiyi: ri «Re" yooboo khyoid pyam byid: bye» ga: tid.

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

Roma 5:20

Shoid' vhang: moozoo" je myo: loo wa shid' re" Moshe tarha" gi ju" vang loo bye. Nghoidloug we' yooboo myo: lo joyoo mo Mangso: jeju" gi je myo: loo bye.

2~KORINTHU 5:14

Ngoonu" ri Khristu da" jheddab nheig loem: yo' vhoeb khang" too" bye. Khasu" wim gari byu dayug gi dangain" mo, shid re" shid: kham: bye: ziri ngoonu" nheig shid: nheig deug boem bye. Hougsu" wigi hau: khyoo: gi nyang: shid: kham: bye: jang" moo dangain" mo, bo shid" lklham bye: ga: da" dang kang: nghoid nyid.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

Ephesu 6:24

Khanham we' abei: ashaem: da" jheddab nheigloem: yo' ngoonu" da" Aseing Yesu ri jheddab nyid bang: dangain" mo jhangk moo Mangso da" jeju" gi dajo, jo, baja" o".

PHILIPI 1:9

Hau" tho' moo nanu" da" jheddab nheigloem: gi je" gyi: sheung: lo wigi se' yeung jang" moo joeb, byeung" da" dang: phyed' dang: kho' da" yoem: vhoo: yoo" goo" baja"- nanu" shid re" ngoo akyu" mho' nyid.

1 TIMOTHI 1:14

Yha" Aseing: gi nya: da" athang agoin da" jeju" ri nga" tho' moo foid, gyoin: byid: wigi Khristu yo' dadeing: daloem: za: bue" lo" lho: kangso' shau" dei nyid yoomo ngoonu" yo" yu eung: da" loem" jeung" khyoo: yo' jheddab nheigloem: ngoori byid: too" bye.

1YOHAN 1:7

Nghoid loug- nyang: gi bidbang moo nyid nyid yhang: ti"- ngoonu" we' bidbang moo kangso' dei so" yen" boem nghoid rigi ngoonu" dayug yo' dayug nyang: cang"- zoem" khau: nyid mo, nghoid boem ziyo' nya: zoo: Yesu da" suid" gi ngoonu" mo youg: noo yooboo dangain" ziri yo" cid" yung" cid" shang: pyam' byid: bye.

1YOHAN 3:18

Nga" zoo: yi we"- ngoonu" jheddab da" khyoo gi nhoid' yhoo: khoin" thui: yo' za: anghoid- moozoo" yo' yo" toin" shid da" jheddab nheigloem: nghoid ca.

1YOHAN 5:3

Khasu" wim gari Mangso amyeing" tarha" ri cang zei: lo" khyoo: gi nyang: ri jheddab ein: da" khyoo: nghoid nyid. Nya: amyeing" tarha" gi ngoonu" shid' re" cang yau: nyid zi anghoid.