LUKA 7:42 - Lacid Common Language Bible

⁴² Nya: eig yug gi jhen: ayo" xab loo: yoomo jhen: seing: gi hau: eig yug goin" da" jhen: ri khyoid pyam byid: bye. Hau: eig yug mo kha: yug gi jhen: seing: ri je jheddab wa lha"» ga: myid:.

LUKA 7:42 교차 참조

2 SAMUELA 14:13

Myiyi: myhi' gi nyang: ri «Ciwim yoomo Mangsoo byumyu" yiri houg: yhang: te" shoid da" moo" zoo" nang koid la". Gootu: mungdain: khyoo: khaid pyam da" re" zoo: ri doem tau" loo wa akhang" abyid: nghoid yoomo nanyang: tid ziyo' dayhang: ti" nang dang: phyed bye:.

COUNG" NGHEI 103:3

Nyang: gi nga" yooboo dangain" khyoid pyam byid: bye:- Nga" noophyoo" dangain" ri we' noo ge loo nhang: bye:.

ESAIA 43:25

Nghoid loug we' ngoo gi re" yooboo joem ri khyoid byid: da" su: Mangsoo: nghoid. Ngoo ga: su: nghoid yoomo he: ziri ngoo koid da:. Ngoo gi re" yooboo joem ri thougtheung zei: ci: wa zi anghoid.

ESAIA 44:22

Ngoo gi re" yooboo ri jhoemmoug" ri yo' dakhyoo" ti" shoem" pyam wa. Nga" jhang doem tau" loo we' ngoo gi nang ri khyoid yu su: nghoid» ga: tid da:.

MATHE 18:27

Khokham" gi nyang: ri nheig yu" khyeig yoomo nya: jhen: joem dangain" ri lhid" xoem" pug mo kho" pyam byid: lho: lhoid pyoid kaid bye.

MATHE 18:34

khokham" gi nheig gye" yu" yo: wigi hau: da" deizoo: ri we' jhen: abain xab' xab' gi thung: moo lhung to".»

MATHE 6:12

Subi" ngoonu" ri shoid' da" yooboo- ngoonu" khyoid pyam' byid: yhangti"- ngoonu" da" yooboo ri we' khyoid pyam' byid: we'.

LUKA 7:43

Simun gi «ngei je myo: khyoid pyam byid: su gi je jheddab wa» ga: tid. Yesu gi «nang myid soin khyoo: gi jo» ga: tid.

Roma 3:24

Xangsu: byu yi ri yooboo mo loid' byoin loo: nhang: da" Khristu Yesu khyo" Mangsoo: gi ce: phoug" asang: da" jeju" jhung: shug khyo" wigi xangsu: byu yi ri deing byeung" mo ga: lhoem: kham: yu bye.

Roma 5:6

ngoonu" gi nheig nhei: yoo ayoo" wim nyid da u" ri Khristu gi Mangsoo: khyen: to" ayo, akhyeing: moo akhyeing" ashoeb' mo da" shid' re" shid: kham bye.

GALATI 3:10

Hau: toung: to" da" tarha" cang pyeung da" khyoo: ri myid loem nyid mo, hang" nghoid loug we' tarha" dang: phyed' da" akhoug: moo boo mo, nghoid nyid Khasu" wim gari jhoem: mungdang: gi hau: tarha" moo lhid" too" matoo" yo' dakhyoo" ti"- khanham we' ayo" cang pyeing bang: hang" nghoid loug- tarha" dang phyed' zi shau" wa,, ga: lhid" to".

Ephesu 1:7

Khasu" wim gari Khristu gi xoin" du: khyo" shid: kham: ziyo' ngoonu" ri loid byoin, loo" nhang: bye- hau: zigi ngoonu" da" youg: noo yooboo ri khyoid pyam byid: wa da" khyoo: nghoid- nyang: ngoonu" ri hid: yhi' agoin ayu: byid: to" da" Mangso jeju" gi khayhi' gyi: sheung: jo, bye: lha". Nya: da" phajhi" juyhi: khyo" we' nheigloem: phajhi" dangain" yo we'.

Ephesu 4:32

Hougsu" koid wa da" gung khoo: gi nanu" nyang: cang" nyang: nheig khyeig go" khyoo: nheigloem: nu" nham, ziri toin" shid go" nyid wigi Mangsoo gi Khristu khyo" wigi nanu" da" yooboo ri khyoid pyam byid: bye: ziyo' dakhyoo" ti"- nanu" we' nyang: cang" nya: da" yooboo ri khyoid pyam' byid: go" nyid ge'.

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.