LUKA 7:29 - Lacid Common Language Bible

²⁹ Kheing" khyu: zoo: mo, yo" dage" byu phung: moo" yi gi Yesu da" mungdang: ri shaug" gyoo: lang" Mangso da" deingmain" khyoo: ri coung" nghei byid: boem ago". Khasu" wim gari nyangnu" gi Yohan jang" mo Babtisma ri kham: yu mo, nghoid yoomo nghoid bye.

LUKA 7:29 교차 참조

COUNG" NGHEI 51:4

Ngoo gi nang ri yooboo koid shoid bye:- nang ri za: shoid bye:. Nang myid yu" da" akhyeing" ashoeb khyoo: ri ngoo zei: shoid pyam bye:. Houg: yoomo ngoo ri tarha" dang: phyed khyoo: moo nang gi deungbyeung" nyid da:.

MATHE 5:46

Na nu" ri jheddab mo, ri za: jheddab nghoid rigi nanu" ce: akyu" boo wa lha". Kheing" khyu: zoo: mo, we' houg: su" koid: boem bye anghoid goo" la".

LUKA 20:6

Houg: su" anghoid lang" gi Byu yi da" amyeing" akhang" khyo" koid:- ein: tid nghoid ri yen gi Byu myoo" sho' mo, gi Yohan ri Lapi: dayug khyo" loem" jeing" to" boem yoomo ngoonu" ri luggo yo' du" boem wa nghoid. Nyhang" khasu" sang: wa lha"» ga: nyang: cang" nyang: sham: ngeig go" nyid.

LUKA 3:12

Kheing" khyu: zoo: mo, gi babtisma kham: yu wa ga: ju" re" boem. Nyangnu" gi sara: we"- ngoonu" gi khasu" se' koid: loo: wa lha" ga: re" myed: boem.

LUKA 7:28

Myiyi: mo khu: lo da" byu dangain"- Yohan tho' moo je gyi: zigi dayug we' aboo loo ein: ngoo nanu" ri tid. Nghoidloug we' Mangsoo Mangsoo mungdain: moo gye" nge thang su: gi Yohan tho' moo je gyi: ga: tid kyo.

LUKA 7:35

Nghoidloug we' Mangso da" nyain: phajhi" ri kham: yu mo, dangain" gi hau: nyain phajhi" gi deingmain" da" khyoo: ri toin" shid nyid ga: tid.

ACTS 18:25

Nyang: gi Aseing: khyoo: ri jhau" yu ca" nyid su: nghoid yoomo Yesu da" khyoo: yo' sen: lho: wigi akhyoo" joo joo kang: lung bu tung"- jhoug" byid: su: nghoid. Nghoid loug we' nyang: gi Yohan da" Babtisma khyoo: ri za: si' su: nghoid,

ACTS 19:3

" Houg: Lang" Polu gi houg: ri nanu" ce: noem Babtisma kham: yu go" la"» ga: myed:." Nyang: nu" gi Yohan da" Babtisma ri kham: yu - ga: tid boem.

Roma 10:3

Nyanu" gi - Mangso: da shid' khoin" moo deingbyeing" lo wa da akhyoo" ri asi yoomo hau: khyoo" moo acang loo za: nyang: nyang: myid soin: nyheing koid' to" da khyoo: ri cang lo" boem. Houg: yoomo nyanu" gi - Mangsoo: nyheing to" deingbyeing" khyoo: moo acang boem.

Pang Shug 15:3

Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.

Pang Shug 16:5

Houg: lang" gyid ri vhoeb, khang" da" moug: lagyoo: gi nang koid da" dang: phyed khyoo: gi deing nyeung" da" khyoo: nghoid- nang gi akhid" pyaid lid loo" bye: apyaid' moo nyid nyid da" gyeungshang: su: gi nang kyeing" za: nghoid- ga: tid.

TARHA" AGYI 1:7

Adonibezeg gi «Khyid: moo" cam" lo, moo" cam" joem ri phyed pyam byid: shau" boem da" khokham nyhed xi: yug gi nga" zoobui" gyid" mo zooshoin: ri cang koid: zo: ago". Akhid" Mangsoo gi ngoo nyangnu" ri koid lo khyo" ngoo ri we' koid abye:» ga: tid da:. Nyang: gi Yerusalem khyoo: shu" loo" shau" wigi houg: moo shid: byug bye:.