LUKA 7:25 - Lacid Common Language Bible

²⁵ Houg: su" anghoid lang" gi byi yung" lhoo" yung" void ci: su: ri yu" wa ein: go" la". Byi: gi mi gi void ci: mo, gi zoug: khokham" yhoem: moo danyid boem.

LUKA 7:25 교차 참조

2 SAMUELA 19:35

Ngoo gi shid xi: zain byeung" bye:. Myid pyo: khyoo: gootu: yo" byid: loo wa zi anghoid. Cizoo: cishug nghoid loug ngham" thui: agyoo: loo:. Ngoo gi aseing: khokham shid re" yoovoin lid: nhang: zi danghoid wa.

1 KHOKHAM 10:5

Nyang: gi Sholumon da" zoobui" moo jung to" da" zoo: shug ri we' nya: moo" voin bang: da" yhoem: joem ri we' nya: khokham kho" mo moo" voin bang: yo' nyangnu" void ci: da" byimi joem ri we' nya: zoo: shug pui" moo nya: shid re" dei byid: nyid da" dei zoo: yiri we' wigi Noku Yhoem: Moo" khoug: moo nyang: ngei" byid: da" xoin" joem ri we' myang bye:. Hau: joem gi nyang: ri so' byug loo" sho' mau" hang" nhang: bye:

2 KHOKHAM 1:8

Nyangnu" gi «Gougnyhoug shooyid yo' koid da" byi: sheing" void ci: wigi shooyid phyid" cu" cu" ci: da:» ga: tid. Khokham phoo gi «Elia nghoid da» ga: tid da:.

ESTHA 1:11

Nyang: gi khokham myhi' Vashti ri nya: bidmug zhung" pyam wigi ri" wa shid re" nyangnu" ri amyeing" byid: da:. Khokham myhi' gye" young" da" myiyi dayug nghoid wigi nya: da" young" ziri khokham pho gi nya: gyizoug: yi yo' being" voo yi dangain" ri ci: shug nau da:.

ESTHA 1:3

Nyang: khokham bue" zi soem" zain ein: zain ri nyang: gi nya: gyizoug: yi yo' moo" pyo: vhoebkhang" zoug: yi dangain" ri zoo: shug soin' wigi pui" koid byid: da:. Persi gyidab joem yo' Media gyidab joem we' hau: mung" du joem mo mung" zoug: yi nheigboo ludaid yi yo' dage" houg moo re" ju" nyid boem ago".

ESTHA 4:2

Jid: moo" byimi void bang: hang" ri we' vang khoug: khyoo: avang nhang: yoomo nyang: we' avang yhi: nghoid da:.

ESTHA 5:1

Zooshug jang" zi soem" nyid" ein: nyid" ri Estha gi khokham myhi' byimi ri void ci: lho: khokham zhungtang jo, da" yab yo' veing" veing" khokham vang khoug: moo yhe: yab jo, da:. Khokham phoo gi vang khoem" duang: yo' veing" veing" da" yab khoug: mo khokham zhungtang moo zhung: jo, da:.

ESTHA 8:15

Modekhai gi khokham byisheing: moug: nyhoug yo' aphyu: lheig zi void- khalham" void zin: yung" pain" gi yo' khyoeb da" adang byi: void- sheing: bid moug yi yi ga: zi zhung" lho: khokham kho" mo thu lo" da:. Hau: thang: Susa voomoo" zeing da" fu" moo" khyoo: moo gau yi ngei pyo: ziyo' nyhoo: thui: byeung" byug da:.

ESAIA 59:17

Nyang: gi tarha" deingmain" ziri gyi zuang adang byi: yhang: ti" void wigi khyoid yu da" yoem: so' ri joto' mug yhang: ti" zhung" wa. Nyang: gi moo" joem ri joo sho' koid wa yo' shoid da" khyo" yau: khe" kyi" khyeug kham zoo: nyid boem da" bang: shid re" yooboo dam byid: wa yo' latoo: phug byid: wa gye" myid pyo: ziri nyang: nya: gung moo void ci: wa.

MATHE 11:8

Houg: su" anghoid lang" gi ce: noem ri yu" wa ein: yhi: go"- yhui yhui wim da" byimi void ci: su ri yu" wa ein: yhi: go" lha". yhui, yhui wim da" byimi void to" su gi kho kham" yhoem: moo dalhung nyid.

MATHE 3:4

Hau: Yohan koem gi gola-ug moug" yo' yo, da" byimi void lho: shooyid bicu" cu" ci:- nya: da" zoo: noem gi siyoo mo jhen" khyeig nyoug yo' byoo: yhid: nghoid nyid.

MATHE 6:29

Nghoidloug ngoo nanu" ri tid da" zigi Sholumon lang" gi nya: myonhoo: ngilang: dangain" moo bain: dakyang: yo" lhang" amoin: yi.

LUKA 16:19

Goonham, dalheing: ri nyang: gi nyid" khang" moo" phoug" dab thang da" mi, byi: ri void ci: lho: nyid di nyid ge nyid.

LUKA 7:24

Yohan da" cangzoo: yi gi Aseing: jang" mo thu' loo" lang" Yesu gi Yohan da" khyoo: yo' sen: lho: byu phung: yi ri nanu" gi ce: noem ri yu" wa ein: wigi dain pyoid yoo khyoo: yhi: go" lha". lid' hau lhei, nyid da" jam pheing" gam ri yu" wa shid' re" nghoid go" la".

LUKA 7:26

Ngoo ri tid kyoo" we' Lapi: ri yu" wa shid' re" nghoid go" la". Nghoidbye nghoid loug we' Lapi: tho' moo je gyi: su: ri yu" wa shid' re" nghoid bye.