LUKA 7:22 - Lacid Common Language Bible

²² Nyang: tid zigi Nanu" myang yu" khyoo:- shau" gyo: da" khyoo: dangain" Yohan ri lo" tid kyoo" ge'. Myo, amyang mo, gi myo, doem myang lo. Khyid: gyoug: mo, gi khyoo: doem yo" so" lo. Manggam: dab mo, gyeungshang: lo. Nujed mo, nukhyab doem shau" gyo:- shid bye mo, doem dei lo. Sho" jhen: mo, lu dang: gi shau" gyo: lo.

LUKA 7:22 교차 참조

YOBA 29:15

Ngoo gi myo, jid bang: shid re" myojid" khyid: gyoug: bang: shid re" khyid: nghoid.

COUNG" NGHEI 146:8

Myo, jed su: ri myo, myang loo nhang:- nyang: gi: leung jo, mo, ri lang: tu: kaid lho: nya: deing byeung byu yiri jheddab nyid.

ESAIA 42:16

«Ngoo gi nga" byumyu" myo, jed bang: ri nyangnu" khanham we' aso" yu" boem da" khyoo: joem khyoo: shu" loo" wa. Ngoo gi nyangnu" da" moug: coid ri bidbang bui" nhang: wigi akhyi" akhyoid da" kyoem: khoug: ri nyangnu" shidkhoin" mo khyoo: jhoid bui" nhang: wa. He: zigi nga" dang: soo" joem nghoid wigi ngoo gi hau: ziri ato" myid loosho' cang koid wa.

ESAIA 43:8

Mangsoo tid zigi «Nga" byumyu" yiri tarha" yung" khyoo: zheing" yu bye:. Nyangnu" gi myojid" dab nghoid loug we' yang nu" myo, jid, nghoid ago". nyangnu" gi nukhyab dab nghoid loug we' nyangnu" nujid, nghoid ago".

YEREMIA 31:8

Nyangnu" gi nyangnu" ri mougzhung: shoid mo shu" lo wigi moug: thang myid thang mo nyangnu" ri ngoo zheing" yu wa. Myo, jed khyid: gyoug: bang:- zoo: voin bang: yo' zoo: khu: wa jhang bang: gi Nyangnu" yo' dage" ju" lo loo goo" wa. Nyangnu" gi byumyu" zeing khyo" doem lo boem goo" wa.

ZEPHANI 3:12

Ngoo gi hau: joyoo moo nheigloem: khyo' wigi nu" nham' mo, ri nyid deing nhang: wa zi nghoid. Nyangnu" gi Aseing da" myeing moo khoug: nghi: wa shid re" sho: yen" bang: nghoid.

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

MATHE 21:14

Mangso yhoem: moo" moo myo, amyang mo, yo"- khyid: agi mo, ge:- Aseing jang" moo ju" re" boem. Aseing gi nyangnu" da" noophyoo" ri ge loo" nhang.

LUKA 4:18

Mangso da" Venyi: gi nya: tho' moo ju" ri" bye. Sho" jhen: mo, ri lu dang: gi kho" kyoo" wa shid' re" ngoori khyen: yu bye. Thung loung" jo, mo, ri pyoin kaid wa ziyo'- myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'

LUKA 7:21

Hau: uri Aseing Yesu gi Byu yi da" noophyoo" joem ri ge loo" nhang. Yu join: joem ri khaid thu' pyam byid. Myo, amyang mo, ri myang loo: nhang.

LUKA 7:23

Ngoori aloem" shoid su: gi ngi lhoo wa" ga: wigi Yohan da" cangzoo: yi ri phed: kyo.

YOHAN 1:46

Nathanela gi Nazared voo mo zi gi daja: ja: thu' yu" la"» ga: myid. ‹‹Philib gi re" we' yu" we' ga: tid.»

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

ACTS 8:7

Akhyeung" yu, vang ci: da" byu yi myoo" sho' mo yu joem gi yoid nyho: lho: phang: thu lo" boem ago' ajoem: shid: mo, myoo" sho' yo' Khyid: yoin" mo, myoo" sho' bang: we' ge lo" boem ago".

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.