LUKA 7:21 - Lacid Common Language Bible

²¹ Hau: uri Aseing Yesu gi Byu yi da" noophyoo" joem ri ge loo" nhang. Yu join: joem ri khaid thu' pyam byid. Myo, amyang mo, ri myang loo: nhang.

LUKA 7:21 교차 참조

1 KHOKHAM 8:37

«Hau: meing: moo phang" khoug gyo" uri anghoid lang" lang: yoem" gyo" anghoid lang" lid ngi" wigi lhu: shoin' pyam da" gug shi" mei: shi" anghoid lang" jhenkhyeug phung: moo" dang: yen" anghoid lang" re" byumyu" yiri nyangnu" gyivoo wigi zain: lo uri anghoid lang" noo phyoo" shoug" uri anghoid lang" nyangnu" no nyid uri

XOIN" NGEI" 14:48

Yhoem: ri byilaid yo' doem nyheing pho: pyam thang: khainjung yhe: yu" uri mhoug" jung" atoo' loo: yoomo nyang: gi hau: yhoem: ri thung" khyo" younglho' bye: ein: tid fu" wa zi nghoid. Ciwim gari mhoug" jung" ri bain sho' yu pyam bye: da:.

MATHE 4:23

Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

MARKU 3:10

Khasu" wim ga: ri byu myoo" sho' ri ge loo" nhang: yoomo nyang: ri shau" tain" sho' ga: nyang: jang" moo noo mo, dangain" jhen" go" nyid.

MARKU 5:29

Yesu da" byisheing: moo nya: lo, wigi yhe: tain" kaid- houg: lang" nyang: suid" shoin: nyid zi doem byug ziyo' nya: kham' zo: nyid noo ge lo" byug bye.

MARKU 5:34

Yesu gi nyang: ri nga" zoo: we" re" loem" jeung" zigi nang ri gi byid: bye- yug yoo tung" loo" re'- nang kham, zo: nyid noo ge shang loo" baja"- ga: tid kaid.

LUKA 7:20

Hau: eig yug gi Yesu jang" moo ju" yhe: lho: Aseing: gi ju" gyoo" loo wa ga: da" Aseing: nyang: nghoid bye la". anghoid lang" ngoonu" gi-gootu: dayug ri lang" nyid shi" wa la". hid: su" myid: yu" wa shid' re" Babtisma sara: Yohan myid: nhang: kaid ga: yhe: tid ago".

HEBRE 12:6

Khasu" wim gari Mangsoo gi nyang: jheddab da" bang: hang" ri we' jhoug" byid: mhoo, byid: wigi Nya: zoo: khyo" lhoem: kham: yu bang: dangain" ri shen" yhen se' nyid ga: wigi nyangnu" ri nya: zoo yi khyo" soin: lho: yoem: byid: tid sang: nyid da" dang: khoin" joem ri nanu" gi to" myhed' pyam' boem goo" bye: la".