LUKA 7:16 - Lacid Common Language Bible

¹⁶ Nyang: nu" dangain" mo, gi gyoug phau" lho: Mang" soo: ri caung" boem ngoonu" moo lapi: zeung dayug thu' loo: bye" ga: Mangsoo gi nya: da" byu phung: ri khyoid yu wa ju" ri" bye ga: tid boem.

LUKA 7:16 교차 참조

COUNG" NGHEI 65:9

Nang gi myidjang shid re" moug: ri voo nhang: khyo" wigi myid jang: ri yu" goin coung: nyid khyoo: ri toin" shed nyid. Nang gi hau: ziri yo" loo de, loo nhang: ziyo' myid xu: ri byeung" deung loo nhang:. Gyidzoo gyidzeing joem ri nang byeung" jo, nhang: wigi myidjang moo gug zoo: meiloem: joem yo' nang youg byeung" jo, nhang:. Hau: gu: gi nang nyheung to" ziza: nghoid nyid.

THU' LO" MOUGSOUG" 4:31

Nyangnu" loem khau: bye: ziyo' Aseing nyangnu" jhang re" lho: nyangnu" da" yau: khe" kyi" khyeug khyoo: ri re" yu" ga: zi shoug" gyoo: lang" nyangnu" goeb pid wigi noku boem bye:.

YEREMIA 33:9

Yerusalem gi ngei bu khyoo:- ngi: shab khyoo:- nga" gang mo phau: khyoo: joem da" ajhung: bue" loo wa. Mougmyid dang moo nyid boem da" byumyu" khang" moo" gi Yerusalem byu yi shid re" ngoo koid byid: da" ge da" moo" zoo" joem yo' ngo wigi voomoo" ri nyid gi yab gi nhang: da" khyoo: joem yo' sen: wigi nyangnu" shoug" gyoo: lang" gyoug wigi ko' ko' nain" loo goo" wa» ga: tid da:.

MATHE 15:31

Houg: yoomo dang: ase tid mo, gi dang: se tid lo:- Gung yoin" mo, gi yangzain: lo- khyid: gyoug: mo, gi khyoo: yo" so" zi myo, amyang lo: mo, gi myo, doem myang ziyo'- Israela da" Mangsoo ri coung" byid: boem yoomo byu phung: moo" yi gi gye" yu" mau" nyid boem.

MATHE 21:11

Byu phung: moo" yi gi «He: yug gi Galile mung" Nazared voo mo Yesu ga: da" Lapi: nghoid» ga: tid go" nyid.

MATHE 28:8

Myiyi: eig yug we gyoug dain nghoid loug we' gye" gau yi ngei pyo: ziyo'- loeb mo wigi nya: cangzoo: yi re' hau: ludang: lo" tid kyoo" wa ga: hain hain zheung: gei lo".

MATHE 9:8

Hau: khyoo: ri myang da" mung" byu yi gi gyoug phau" nyid boem wigi xangsu: byu yi ri hid yhangte" da" akhang" byid: da" Mangsoo ri vho: ngei nyid boem.

LUKA 1:65

Yhoem: kyoo" cang" yi gi gye" gyoug nyid boem- hid: su" bue" lo da" moo" gi Yuda mung" goin" jang" moo fu" ju" loo" bye.

LUKA 1:68

Israela da" Mangsoo ri coung" nghei nyid ge' Aseing: gi nya: Byumyu" jang" moo gyoo" lo lho: nyangnu" ri loid byoin nang bye.

LUKA 19:44

Nyangnu" gi nang ri we' re" da" vang khoug: moo nyid da: byu dangain" mo, ri we' lhu: phyo' sain" pyam boem wa. Lug daloem: tho' moo daloem: lang" aki" loo: wa, ce: noem wim la"» ga: ri Nang gi nanyang: ri khyoid yu wa da" Mangsoo gyoo" lo da ayo, ri nang asi yoomo nghoid ga: tid.

LUKA 2:20

Yang zung" mo, koem gi Mouglagyoo: yi toin" shid' ziyo' dakhyoo" ti"- shau" gyo: shau" myang yoomo Mangso da" myonhoo: phung: yoeb ri coung" nghei myed: lho: doem lo" ago".

LUKA 24:19

Nyang: Yesu gi «ce: noem moo" bue" lha"» ga: doem myid: Hau: eig yug gi Nazared mo Yesu yo" sen: da" moo" nghoid ga: tid kyo. Hau: yug gi Mangsoo yo" byu dangain" mo, da" shid' khoin" moo lo, moozoo" yoem: boo su:- nhoid tid sang: ziyo' dakhyoo" ti" koinsu nghoid.

LUKA 5:26

Byu dangain" mo, gi soo" soo" gyoug dain yu" mau" boem wigi Mau" pho" moo" khid" nyid ngoonu" myang bye ga: tid go" lho: Mangso ri coung" byid: boem.

LUKA 5:8

Hau: khyoo: Simun Peteru myang lang" gi Yesu da" khyid: yang: moo goeb no" lho: Aseing Yesu we"- ngoo gi yooboo shoid vhang: su: nghoid. Nga" jang" mo thu' loo" we' ga: mho' tid.

LUKA 7:15

Shid mang gi to' zhoung: lho: dang: tid nyid. Hau: thang: ri Yesu gi nya: yhed ri ab byid:.

LUKA 7:39

Yesu ri khe: da" Pharishe phoo gi myiyi: houg: su" koid: ziri myang lang" He: yug gi Lapi: nghoid rigi lho: nya: khyid: moo zei: da" myiyi: gi hang" nghoid zi we' ce: noem yoobo shoid su: nghoid zi we' si' wam: bye ga: myid nyid.

LUKA 8:37

Hau: da" uri Gerase moug: mo byu dangain" mo gi gye" gyoug dain mau" nyid boem yoomo Yesu ri nyangnu" da" moug: mo myab myab doem thu' loo" wa shid' re" toung" pain: nyid ago". Houg: lang" Yesu gi lhid' tho' moo do, lo" lho: hau: moug: mo thu' lo.

LUKA 9:19

Nyang: nu" phoug tu" boem zigi dayham" gi nang ri Babtisma byid: su: Yohan nghoid ga: nyangnu" phoug tid nyid ago- dayham" gi goonham, mo, lapi: dayug yug doem dei lo zi nghoid ga: tid nyid ago- ga: tid nyid boem.

YOHAN 1:21

Houg rigi nang hang" nghoid- Elia nghoid la"» ga: myed: ‹‹Yohan gi ngoo Elia anghoid ga: tid.» Nyangnu" gi nang gi Lapi: nghoid la"» ga: doem myid: lang" Yohan gi ‹‹Ngoo gi hau: da" lapi: we anghoid ga: tid.»

YOHAN 1:25

Nang Meshia we anghoid- Elia we anghoid- Mangso: da" lapi: phoophoo we anghoid rigi Ce: noem koid; wigi Babtisma kham: byid: yen" lha"» ga: zheing: myid: boem.

YOHAN 4:19

‹‹Ngoo yu" ri nang gi Lapi: dayug nghoid zi myang si' bye: ga:›› myiyi: myhi, tid.

YOHAN 6:14

Hid: su" Yesu zei: shug da" mau" pho" moozoo" ri myang mo, gi He: yug gi moug myid moo gyoo" loo wa ga: da" Lapi: amain" yang: nghoid bye ga: tid boem.

YOHAN 9:17

Houg: yoomo Pharishe yi gi Myo, amyang nyid led: loo su: ri nang ri myo, myang loo nhang: su: gi kha yhang te" su: nghoid ga: doem zheing: myid: sho: boem. ‹‹Hau: yug gi lapi: dayug nghoid ga: doem phoid: kyo.»

ACTS 5:5

Anani gi he: da" dang: ri shaug" gyoo: yo' dage" dalheing: dam shid: leung loo" khare" khyoo: ri shaug" gyoo: mo, gi gye" gyo: gyoug nyid boem ago".

ACTS 7:37

Mangsoo gi ngoori nhang: kaid ziyo' dakhyoo" ti" Lapi: dayug ri nanu" jhang khyoo: nhang: kaid byid: wa nghoid. Nyang: gi nanu" byumyu" mo nghoid wa ga: tid su: gi Moshe nyang nghoid bye.

GALATI 1:24

Houg su" nghoid yoomo nyangnu" gi nga" khyoo: gang mo Mangsoo ri coung" nghei nyid boem ago".

TARHA" TID POIN" 18:15

Hau: gungthid nyang: gi ngoo yhang: te" lapi: dayug ri nanu" nya: byu yi mo nhang: kaid byid: loo wa. Houg: lho: nanu" gi nya: dang: tam" gyoo: byid: ca" wa.