LUKA 7:14 - Lacid Common Language Bible

¹⁴ Hau: thang: ri ayam moo yhe: lho: mang dangzuang moo lo, wigi yhe: tain" byid. Houg: lang" mang dang mo gi yab jo. Yesu gi zooyam phoo we"- to' we' nang ri ngoo nang ri tid.

LUKA 7:14 교차 참조

1 KHOKHAM 17:21

Hau: thang: Elia gi yuggi zo: atho' moo: soem" lheing: goeb nghoeb wigi «O" nga" Aseing Mangsoo we"- he: zooshang: ri kangso' doem kaid byid: we' o"» ga: mho' bye:.

1 KHOKHAM 17:22

Aseing Elia mho' thui: ri tam" gyoo: byid: wigi zooshang: so' doem she: lo ziyo' dei loo bye:.

YOBA 14:12

Byu shid: lo" wigi khanham we' adoem to' loo nghoid da:. Mougkhung: dageing: teing jo, jo, gi nyangnu" adoem to' loo loo wa. nyangnu" yhoeb jo, jang" moo khanham we' lhu: zhuang" zi ashau" loo wa.

YOBA 14:14

Byu dayug shid: lo" ri nyang: yo' doem dei loo wa la". Nghoid loug we' ngoo gi je ge da" ayo, ri lang" nyid wa. He: yau: khi" ayo, lid loo" sho' lang" nyid wa.

COUNG" NGHEI 33:9

Nya: mungdang: khyo" wigi mougmyid bue" loo bye:. Nya: amyeing" khyo" wigi jo, moo: jo, po thu' loo bye:.

ESAIA 26:19

Ngoonu" byumyu" mo shid: bye: mo, gi doem dei loo wa. Nyangnu" manggung joem gi kangso doem bo loo wa. Nyangnu" loeb boug joem moo yhoeb jo, bang: dangain" gi boin: gyeing: to' re" wigi gau yi jikhoin" khoin" loo goo" wa. Nghain: joem gi myidgung ri jhu' nhang: ziyo' dayhang: ti" Aseing gi goonham' mo shid: jo, bang: ri doem dei loo nhang: wa.

MARKU 5:41

Nyang: gi hau: zoo shang lo, moo zei; lho: Talithakumi ga: tid- hau; zigi; zoomyi: zoo: we" ngoo nang ri tid ba- too' we' ga: tid zi da" dang: kang: nghoid.

LUKA 7:13

Aseing: gi hau: myiyi: myhi, ri myang lang" nheig yu" khyeig yoomo angoug ga: nyang: ri tid.

LUKA 7:15

Shid mang gi to' zhoung: lho: dang: tid nyid. Hau: thang: ri Yesu gi nya: yhed ri ab byid:.

LUKA 7:17

Yesu da" lu dang: gi Yuda mung" dangain" yo,- ayam aqei: mung" moo we' fu" ju" lo" boem bye.

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

YOHAN 5:21

Nya: phoo gi byu shid: ri doem dei loo nhang: lho: kangso' byid: yhangti"- Nya: zoo: we' nyang: vho: ngei bang: ri kangso' byid: wa zi nghoid.

YOHAN 5:25

Deing" deing Nanu" ri ngoo tid ba"- shid: jo, mo, gi Mangso nya: zoo: da" thui: ri shaug" gyoo: lang" Kangso' doem dei loo wa. Hau: ayo, gi akhid" nyang: ju" jo, bye.

Roma 4:17

Ngoo gi nang ri byumyu" myoo" sho' mo da" nya: phoo bui" nhang: bye: ga: jhoem: mungdang: moo tid to" ziyo' dakhyoo" ti" nghoid.Hougsu" Mangsoo: dang: soo" khoin" too" yoomo - Hauda dang: soo" khoin" gi deing nyid. Mangsoo: gi Abraham loem" jeung" da" Mangsoo: shid' mo doem dei loo nhang: da" Mangsoo yo' xang: shid" ri ci: ajo, jang" moo jo, loo nhang: wa shid' re" amyeing" byid da" Mangsoo: nghoid.

Ephesu 5:12

(Khasu" wim gari nyangnu" amyang afu' gau" koid da" moozoo" joem ri khyag tid thu shang ein: rigi tid thu' wa zi lang" gye" sho' cang bo da" moozoo" nghoid nyid.)