LUKA 7:12 - Lacid Common Language Bible

¹² Voo khoem" moo" duang: nam, moo Yesu ju" lo" ri byu yi gi cougmoo" myhi, dayug kyeing" da" yuggi zoo: da" mang ri myhoeb wa shid' re" dang phoug go" thu, ri" lang. Hau: cougmoo" myhi, yo" dage" voo byu yi gi bo de" kaid re" boem.

LUKA 7:12 교차 참조

APOEM AYANG: 22:12

«Zooshang: ri azang" thung"- nyang: ri ci: we' akoid» ga: tid thu lo lho: «Nang gi Mangsoo ri gyoug phau" myang nyid su: nghoid ziri akhid" ngoo si' bye:. Khasu" wim gari nang gi re" zooti" zoo: ri ngoo ri byid: wa ci: vhoo" abyed nghoid da:» ga: tid.

APOEM AYANG: 22:2

Mangsoo gi «Nang gye" jheddab da" zooti" zoo: Isag ri shu" ci: lho: Moria joyoo khyoo: yhi: we'. Houg: mo ngoo nang ri toin' shid wa da" boem daloem: da" atho' moo nyang: ri xoin" du: khyo" ngoo ri ngei" byid: we'» ga: doem tid.

2 SAMUELA 14:7

Akhid" gi Aseing: we" nga" bidnoem seing" cang" yi ngoo ri thougtheung lho: nya: mang: ri said pyam yoomo nyang: ri we' nyangnu" said pyam wa shid re" nyangnu" lo, khoug: khyoo: nga" zoo: ri ab pyam wa khyo" mho' nyid boem. Nyangnu" hougsu" koid nghoid rigi nga" lo" thang myid byu khyoo: yo' nga" yhoem: seing: phoo da" byuxeig doem: sho' lhu: phyo' wa zi nghoid» ga: tid.

1 KHOKHAM 17:12

Cougmoo" myhi' doem phug tid zigi «Ngoo zooyho' ayoo" ein: ziri kangso' Aseing re" Mangsoo jang" moo ngoo jham' yo" tang: zi nghoid. Jarung: khoug: mo cen: moin" lo, da zhoeb yo' jhuang: moo bo da" zhainloin: xu: dazo, zoo: gi ngoo yo" gu: nghoid bye:. Ngoo hid: moo: thang" dajhi' re" sho: koid: wigi yhoem: khyoo: lo" lho: nga" zoo: yo' ngoonya: shid re" he: dajhi' kyeing" ziri lo" yhung wa zi nghoid. Hau: zigi nga" mitang: shid re" thang" thang da" zoo: noem nghoid wa. Hau: thang: nga" mitang: gi zooyoid wigi shid: wa zi nghoid» ga: tid.

1 KHOKHAM 17:18

Cougmoo" myhi' gi Elia ri «Mangso da" byu we"- ciwim yoomo nang ngoo ri hid: su" koid la". Nang hid: khyoo: re" zigi nga" yooboo ri Mangsoo ri boin: nhang: wigi nga" zoo: ri shid: nhang: wa shid re" anghoid rhe"» ga: myid:.

1 KHOKHAM 17:23

Elia gi yuggi zoo: ri vho: zhang mo nya: myhi' jang" khyoo: doem shu" gyoo" lo" wigi nyang: ri «Yu" we' re" zoo: doem dei bye:» ga: tid.

1 KHOKHAM 17:9

«Akhid" Sidon nam moo jo, da" Zareptha voogung khyoo: yhe: wigi houg moo yhe: nyid we'. Houg moo: nyid da" cougmoo" myhi' gi nang ri zoo: noem soin' byid: wa shid re" ngoo amyeing" byid: too" bye:» ga: tid.

2 KHOKHAM 4:16

Houg: lang" Elisha gi nyang: ri «Sang: nheig he: yo, moo: re" lo, yo' yuggi zoo: vu, ci: wa» ga: tid da:. Nyang: gi «O" nheigboo phoo we"- jeju" mo ngoo ri amhoug. Nang gi Mangso byu nghoid da» ga: tid.

2 KHOKHAM 4:20

Dei zoo: gi yuggi zoo: ri nya: myhi' jhang vu, lo" da:. Nya: myhi' gi nyang: ri bid gung tu: sho' nya: shid khoin' moo vu, ci: da:. Hau: uri shid: lo" byug da:.

YOBA 29:13

Lo" thang sho' kyi" khyeug shoug" bang: ngoo ri coung" boem. Houg: lho: cougmoo" yi goem loem sho' ngoo pang" thoug byid: bye:.

ZEKHARIA 12:10

Hougsu" ngoo gi David da" nya: myid: nya: zo: bang: yo' Yerusalem voomoo" moo nyid bang: ri nheig se' khyeug ziyo' akyu" se' mho' da" Venyi: kaid pyeing byid: wa. Nyangnu" thau" said pyam' su: ri coem' yu" lho: nyangnu" gi nyang: nya: zooti" zoo: anghoid lang" zooshid" zoo: shid: lo" yhang: ti" nyang: soo" soo" koug ngau nyid goo" wa zi nghoid.

LUKA 7:11

Hau: thang: ri Yesu gi Na- in ga da" voo moo ju" lo" ri cangzoo: yi yo" byu phung: moo" yi gi cang lo boem.

LUKA 7:13

Aseing: gi hau: myiyi: myhi, ri myang lang" nheig yu" khyeig yoomo angoug ga: nyang: ri tid.

LUKA 8:42

Khasu" wim gari daxe: eig zain ju" bye: da" nya: zooti" myiyi: zoo: gi no shid: lo" nyid yoomo nghoid. Yesu gi nyang: yo" dage" cang lo" da" uri Byu myoo" sho' mo, we' nya: da" ayam, aqei: moo bo jhen" jhab' lo boem.

LUKA 8:52

Myiyi: zoo: shid: yoomo byu yug khang" moo" gi nyho: ngoug go" nyid Yesu gi angoug goo"- he: zooshang: gi shid: zi anghoid. Nyang: yhoeb' jo, zi za: danghoid ga: tid.

YOHAN 11:19

Yuda byumyu" myoo" sho' mo nyang:- Mari yo" Martha tang: da" nhung" zoo: shid: loo" yoomo nya: eig yug ri nheig teing: wa ga: jure" boem.

ACTS 9:39

Houg: yoomo Petru gi hau: eig yug yo' dage" yhe: loo" bye- Petru gi ju" yhi: lang" nyangnu" gi Petru ri atho' pyam: khyoo: shu" do' lo" ago". Cougmoo" yi dangain" mo, gi ngau, zoore" Petru da" gung yam, moo zeung: foem: lo lho: Dorka nyang: dei nyid shi" ayo, moo coeb, too" khare" da" byimi dangain" ri Petru ri ci: shug ago".

ACTS 9:41

Petru gi nya: lo, yhoin" kaid' lho: nyang: ri she: to' kaid'. Hau: thang: ri Petru gi cougmoo" myhi, yi yo' dage" loem" jeing" mo, dangain" - nyang: ri khe: yu wigi Dorka dei lo bye: zi nyangnu" ri ab, byid: bye.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.