LUKA 6:7 - Lacid Common Language Bible

⁷ Tarha" sara: yo"- Pharishe yi gi Yesu ri yooboo shau" shoo: sho' khyoo: shoo: nau boem yoomo Dougno: Bidnyid ri hau: youg da" noophyoo" ri ze: ge aze: ge ziri yu" go" nyid.

LUKA 6:7 교차 참조

COUNG" NGHEI 38:12

Ngoo ri: said pyam noug mo nga" shid re" lhid thoung: to" boem wigi ngoo ri noo nhang: noug mo, gi ngoo ri yo" lhu: phyo' pyam wa shid re" kyug nhain' nyid ago". Nyangnu" gi anoo: ayab, loo ngoo ri: age khyo" soin' nyid ago".

ESAIA 29:21

Mangsoo gi subi" gootu: ri shang tid pyang: bang:- yooboo koid bang: da" yooboo dam ri goem loem toem' pyam bang:- deingmain" bang: tarha" deingmain" zi ashau" yu sho' mhau' dang: tid bang: ri said toem" pyam loo wa.

YEREMIA 20:10

Yugkhang" moo" gi Gyug pho" zi khyi' khang" moo" moo jo, da:. Houg: yoomo amyeing" akhang" yoo" bang: ri nya: lu lo" fu" shang» ga: dang: so' so' go" nyid ziri ngoo shau" gyo:. Nga" da" jhang thang byencang" yi lang" ngoo leung gyoeb loo" wa ziri lang" nyid ago". Nyangnu" gi «Nyang: gi phajhi" mhid" khyau" wigi Ngoonu" nyang: ri shoug" myheig yu wigi latoo: shoug" phug abe» ga: tid ago".

MATHE 5:39

Nghoidloug ngoo nanu" ri tid da" zigi akhyeing" su: ri ce" latoo: we' aphug goo"- re" lo, yo shoid' bopyug pyug byid: su:- ri dashoid' we' doem kham: byid: shi" we'

MARKU 3:2

Meingbyu yi dayham" gi Dougno: Bidnyid moo hau: yug ri nyang: gi, byid: la"- agi byid: la". Yesu ri yooboo zhug wa ga: jang" mo zheung: yu" nyid boem.

LUKA 13:14

Hau: uri Hau: Dougno: Bidnyid moo Aseing Yesu wigi noophyoo" ri ge loo" nhang: yoomo Tarha" jung vhoeb phoo gi nheig yo: zoore"- moo" ge zei: da" bidnyid khyug nyid" bo- hau: bidnyid moo noophyoo" re" ze: yu ge'. Labain nyid" rigi noo are" zi: goo" ga: wigi Byu phung: yi ri tid kaid.

LUKA 20:20

Houg: yoomo nyang: bang: gi axeig amyo gi ri shoo: go" nyid. Nyangnu" gi Yesu da" Mungdang: mo tid shoid wa da" dang: ri myid: lho: nyang: ri Roma khokham" da" lo, moo ab pyam wa shid' re" gi goin koid da" jooyu" mo, ri Yesu jhang khyoo: nhang: kaid to" boem.

YOHAN 9:16

Pharishe dayham" gi hau: yug Dougno: Bidnyid tarha" ri acang yoomo Mangso jang" mo gyoo" loo su: age bui" ga: tid ago". Gootu: dayham" gi Yooboo dashoid vhang: nyid su: gi khasu" wim wigi hid: yhang: ti" tid boem. Hid: su" nghoid yoomo houg: bang: gi myid azhung" goo" loo: nyid boem.