LUKA 6:25 - Lacid Common Language Bible

²⁵ Akhid" uri gyi" gyi: shau" zo: nyid mo, nanu" gi joem: loo" goo" wa. Nanu" da" zooyoid gyid shed da" ayo, ju" loo wa. Akhid" uri gau yi nyid mo, nanu" gi joem: loo" goo" wa. Nanu" gi myid myoo: ungloug: lho: koug ngau nyid da" ayo, ju" loo wa.

LUKA 6:25 교차 참조

COUNG" NGHEI 49:19

Nyang: shid: lo' da" ayo, moo: gi nya: phoug" phyid" yi dangain" mo, nyid da- apyaid atoo: mo moug: coid" khoug: moo: dage" lo" shoug" nyid boem wa zi nghoid.

DANG: ZHOEM 14:13

Yi foo: khyo' da" khyoo: moo koug shu: khyoo: gi: gau" loung" jo, se' nyid gau yi khyoo: thang byug lang" gi- koug khyoo: gi khanham we' houg: moo: jo, nyid.

DANG: ZHOEM 30:9

Ngoo moo: ca" nyid tho' re" jonu" ziyoo yo" jo, loo lang"-nang ri ngoo ci: aca" loo: ga: tid loo wa zi nghoid. Nghoid lang" ngoo sho" jhen: nyid wigi khoug" zo: lho: nga" Mangsoo ri myeing yoin" loo" nhang: wa zi nghoid.

PHAJHI" DANG: 2:2

Yi zigi koopyoid moo" zoo" nghoid ziri shau" myang yu bye:. Pyo: ja: gi ge khyo: abue" nhang: ein: ziri shau" myang.

PHAJHI" DANG: 7:3

Kug shu: zigi gau yi tho' je ge da:. Hau: zigi re" da" myonhoo: ri kougshu: da" myonhoo: bue" ri bui" nhang: wa. Nghoid loug we' houg: gi re" lasi phajhi" ri sei" tho' byid: da:.

PHAJHI" DANG: 7:6

Nheig agyeing: su: yi zigi myi: moo zu: kyen: gam nge" myeing ziyo' du da:. Hau: zigi ce: dang: kang: athu.

ESAIA 28:7

Lapi: yi yo' khainjung yi lang" yhid: sung yed yoomo leung baid yeing" ago". Nyangnu" zabyid yhid: yo' yhid: jang" sung yed yoomo adu: adam: thung" leung ago". Lapi: yigi Aseing wigi byid: da" yoeb myang joem ri ase' gyoo: loo: sho' yhid: yed ago". Houg: lho: khainjung yigi nyangnu" jhang ci: re" da" moo" ri ayo" tid phoid: kyoo" loo: sho' yhid: yed ago".

ESAIA 65:13

Houg: yoomo ngoo ri noku wigi tid dang: gyo: da" mo, gi agoin agoo" shau" zoo: shau" shug loo goo" wa. Nghoid loug we' nanu" gi zooyoid gyid shid loo goo" wa. Nyangnu" ngei pyo: loo goo" wa. Nghoid loug we' nanu" gi ngi: yoem" goo" wa.

ESAIA 8:21

Meing: byu yigi yoem: shoin: ziyo' zooyoid lho: mungdain: jang: sho' khyoo: so" lam" yen" ago". Nyangnu" da" zooyoid ziyo' nheig yo: zigi nyangnu" da" khokham yiri we' nyangnu" da" Mangsoo ri we' nheing" loo goo" wa. Nyangnu" mougkhung: khyoo: nghang yu"

ESAIA 9:20

Mungdain: khyi' khang" moo" mo byu yiri nyangnu" shoug" sho: myang: da" dajhi ri zoo: nghoid loug we' nyangnu" zooyoid zigi khanham we' nheig ashid: nhang: nghoid da:. Nyangnu" da" zooshang: yiri lang" nyangnu" zo: loo goo" wa.

AMO 8:10

Ngoo gi nanu" da" pyoo: pui" joem ri shid: pui" bue" byug nhang: lho: nanu" da" jihkoin" thui: joem ri we' koug ngoug thui: joem bue" lo" byug nhang: wa. Ngoo gi nanu" da" vhuloem joem ri vhu" pyoid pyoid pyam nhang: wa wigi jid: moo" byimi ri void ci: nhang: wa zi nghoid. Hougsu" nanu" gi yug gi nu" zooti" zoo: shid: yoomo koug ngoug nyid da" myhi' phoo tang: yhang: ti" bui" loo" nhang: wa. Hau: bidnyid gi lo" thang moo ju" sho' youg: khe" nyid wa zi nghoid.

NAHUM 1:10

Zukyen: gyoem" yo' khoofoo: kyug yhang: ti" yhid: yed bang: nanu" gi nghe' pyam zi shoug" goo" wa nghoid.

LUKA 12:20

Nghoidloug we' Mangsoo gi Byu fang: phoo nang we"- akho: myen nyang: re" kangso' gi thang loo" wa. Houg: yoomo nang young: to" da" ziyoo jonu" joem gi hang" lo, moo vang loo" wa lha"» ga: tid.

LUKA 13:28

Nanu" Mangso da" Mungdain: khoug: moo Abraham- Isag Yaku yo"- Lapi: yi dangain" mo, ju" nyid ziri myang lho: nyang: rigi Mungdain: da" ngi zain shoid khyoo:- khaid thu' too" lang" kha: yhi' kyi: ngau, zei yang: ngaid nyid goo: wa lha".

LUKA 6:24

Nghoidloug we' Yoo" mo, jo, mo, nanu" gi joem: loo" goo" wa. Nanu" gi he: pyaid moo za: date: shau" pyo: nyid.

LUKA 6:26

Byu myoo" sho' mo, gi nanu" ri coung" byid: da" uri nanu" gi joem: loo" goo" wa. Hid: bang: da" nya: phoug" nya: phyid" gi mhau da" lapi: yi ri houg: su" ga: coung" byid: boem yu" bye.

LUKA 8:53

Hau: uri byu yi gi myiyi: zoo: bain shid: bye: zi se' boem yoomo Yesu ri juang" yi nyid boem ago".

Ephesu 5:4

Aved avhu: da" khoin" co' dang- anyhoin: athoung" da" dang: co, joem- kyang: da" dang: ri tid wa shid re" we' nanu" shid re" adu nghoid da- hau: gung khoo: nanu" gi Mangsoo ri jeju" daboin: nyid ge'.

1THESALONI 5:3

Byu yi gi jo, moo jo, myenjham" lho: wigi gau: nyu: bye ga: tid goo" wa zi nghoid- houg: su" ga: tid uri -zoonu" gung nghoid su: gi zoo: khu: wa shid' re" bidnyid noo no re" yhang: ti"- ci: amyid' too" lo: za: hau: byo, yoin" lo" khyoo: gi nyid' dain' tung nanu" jang" moo ju" loo wa zi nghoid wigi byu yi gi hang" we' yo" loid, loo' wa zi anghoid.

YAKU 4:9

Myed kug myed shu: lho: ngoug myeing" shoo" thui: to" nyid ge' -nanu" da" gau yi khyoo: gi kug myeing" shoo" thui: yo' thid' go" lho: nanu" da" gau yi khyoo: gi nheig koug nheig shu: khyoo: yo' thid' go" nyid ge'.

Pang Shug 3:17

Ngoo gi yoo" su: di su: nghoid yoomo ci: we' aca" loo:- ga: nang tid nyid. Nghoid loug we' nang gi khayhi' gyeung" da" asho" ajhen: nheig khyeig cang boo su: nghoid nyid ziri Nanyang: gi ase' nhung: lha". Nang gi sho" jhen: su:- byumi adab su: myo, jed, nu loem: su: danghoid nyid.

1 SAMUELA 2:5

Dalheing: ri gyi: gyi: boid boid zo: lid loo" bang: gi zooshug: shau" zoo: wa shid re" akhid" nyangnu" gung nyang: vhu" kung: yhe: koid nyid ago". Nghoid loug we' zooyoid bang: gi xo' wigi zooyoid loo: wa zi anghoid. Zoo: ayo" yu" da" yhoem: seing: myhi' gi zoo: nyhed yug ri khu: too" bye:- nghoid loug we' zoo: myoo" sho' yo" da" myhi' zeing gi nyang: kyeing" nghoid wa.