LUKA 6:23 - Lacid Common Language Bible

²³ Houg: yhangte" da" khyoo: thoung" shau" zo: da" uri gau yi nyid ge'. Gau wigi go" yen" ge'. Mougkhung: tho' moo nanu" da" jhung: shug gi gye" myoo jo, bye. Hid: su" nanu" ri age khyo" koid: mo, da" nya: phoug" nya: phyid" gi shid' phyang" mo lapi: yi ri we' houg: su" nyang: shen" yhen pyi: sho: led lo boem bye.

LUKA 6:23 교차 참조

2 SAMUELA 6:16

Koid: ri vookhoug: khyoo: dang vang lo" uri Sholu da" nya: myiyi: nu" Mikhala gi bangzoo: khoem" mo yu" kaid ri khokham David gi gyeung" shang: da" go" ja: yo' go" lheing nyid ziri myang lang" nyang: ri yu" ngeing" nyid da:.

1 KHOKHAM 18:4

Yezebela gi Aseing da" lapi: yiri said lo uri Obadia gi nyangnu" mo dashoo: yug ri wim xi: xi: khyo" eig phung: khyo" wigi lug khyung: joem cang gau" shoung: to" lho: nyangnu" ri zoo: noem yo' gyid ri pang" thoug byid: bye:.)

1 KHOKHAM 19:10

Nyang: gi «Myhang: thang Aseing Mangsoo we"- ngoo gi nang dayug ri khyeing" dei byid: nyid. Nghoid loug we' Israela byumyu" yigi nyangnu" nang yo' koid to" da" dang: theing ri phyo' pyam bye:. Phoin: ri we' baid phyo' pyam bye: ziyo' re" lapi: yi dangain" ri we' said pyam bye:. Ngoo dayug kyeing" dadeing lo: wigi nyangnu" ngoo ri said wa shid re" yoem: kaid nyid boem» ga: phoug tid.

1 KHOKHAM 19:14

Nyang: gi «Myhang: thang Aseing Mangsoo we"- ngoo gi nang dayug ri khyeing" dei byid: nyid. Nghoid loug we' Israela byumyu" yigi nyangnu" nang yo' koid to" da" dang: theing ri phyo' pyam bye:. Phoin: ri we' baid phyo' pyam bye: ziyo' re" lapi: yi dangain" ri we' said pyam bye:. Ngoo dayug kyeing" dadeing lo: wigi nyangnu" ngoo ri said wa shid re" yoem: kaid nyid boem» ga: phoug tid.

1 KHOKHAM 19:2

Yezebela gi Elia jang" khyoo: mungdang: foin: kaid zigi «Nang lapi: yiri koid bye: yhang: ti" ngoo we' nang ri nab kyoo' he: yo, ri ayo" koid nghoid rigi yu phara" joem wigi ngoo ri shid: sho' baid baja"» ga: foin: kaid bye:.

1 KHOKHAM 21:20

Ahab gi Elia ri myang lang" nyang: gi «Nga" gyivoo we" nang ngoo ri cang myheug nyid nhung: lha"» ga: tid. Elia gi «Nghoid- ngoo koid nyid. Nang gi Aseing da" shidkhoin" moo age da" moo" zoo" ri bain sho' nanya: gung nanyang: koid bye: nhung:

1 KHOKHAM 22:27

Ngoo gau: nyu: tung" doem lo da" ayo, ju" sho' nyang: ri thung: moo lhoung to" wigi zooyho' yo' gyid: ri byid: zhoo" byid: jhug ge' ein: nya: tang: ri tid ge'» ga: tid.

1 KHOKHAM 22:8

Ahab gi «Hid: moo: Imla nya: yuggi zoo: Mikhaia ga: da" Lapi: dayug nyid shi". Nghoid loug we' ngoo nyang: ri avhoo:. Ciwim gari nyang: nga" shid re" khanham we' ge khyo" Lapi: api: byid: nghoid da:. Khanham we' daja: ja: moo: age zi dabo nyid da» ga: tid. Yehoshaphad ri «Nang hougsu" atid» ga: phug tid.

2 KHOKHAM 6:31

Nyang: gi «He: bid agyoem shi" ri Elisha da" vhuloem ngoo ayo" phyed pyam byid: rigi Mangsoo ngoo ri said pyam baja"» ga: tid da:.

2 KHOKHAM MHOOMYID: 36:16

Nghoid loug we' nyangnu" gi Mangso da" lagyoo: yiri aphoug" akhyoid koid- nya: mungdang: joem ri cishu: anhang:- nya: lapi: yiri yi juang" pyam byid: ago". Houg lho: lo" thang moo nya: byumyu" yiri Aseing da" nheig yo: zigi hang" we' ayo" phang: loid loo sho' sung gyi: byug da:.

NEHEMIA 9:26

«Nghoid loug we' re" byumyu" yigi nang ri thougtheung gyi koid lho: re" da" tid dang: ri atam" gyoo: nghoid ago". Nyangnu" gi re" tarha" ri nungthang phug pyam ago". Nyangnu" gi nyangnu" ri tid poin" da" lapi: yiri said pyam ago". Houg bang: gi nyangnu" ri re" jhang khyoo: lheing: loo: wa khyo" tid boem. Nyangnu" gi dalheing: thang: dalheing: nang ri aphoug" akhyoid koid da:.

COUNG" NGHEI 58:11

Deing: byeung" bang: gi gyeing" nyang: phoug" tab, ngi shab jhungshug ri shoug" kham: yu boem wa. Mougmyid ri tarha" dang: phyed wa Mangsoo gi gyeing" nyang: nyid nyid ga: wigi byu yi tid loo, wa zi nghoid.

ESAIA 35:6

Khyid gyoug: su: thau" byam wigi go" loo goo" wa. nhoid jed bang: gi ngei pyo: wigi nyho: loo wa. Gyidzoo: gyung: gi dain" pyoid yoo khyo" yau lid loo wa.

YEREMIA 2:30

Ngoo gi nanu" ri yooboo dam byid: loug ce: akyu" aboo nghoid da:. Nanu" gi ngoo wigi nanu" ri jhau" shed wa akhang" abyid: nghoid ago". Nanu" gi nheig joem: yo: da" khangkhyi yhang: ti" nanu" da" Lapi: yiri said pyam abye:.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

MATHE 5:12

Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.

LUKA 1:41

Elisabed gi gyeungshang: Venyi: yo" byeung" zoore.

LUKA 1:44

Nang yo" doem go" da" dang: thui: ri ngoo shaug" gyoo: lang" nga" ung: khoug: mo zoonu" gi pyo: gau thu jhu" nyid bye.

LUKA 6:35

Nanu" gi gyivoo yi ri jheddab ge' Jeju" koid: ge' daja: ja: khyalhang" doem yo" yu abe ein: amyid nyid loo:- jhid" byid: nghoo" byid: ge'. Houg: su" koid: nghoid rigi Nanu" gyi: thang da" jhungshug ri yo" yu wigi myhang: thang da" Mangso da" nya: zoo: yi nghoid boem wa. Hau: Aseing: gi jeju" ase' boin: mo, yo"- akhyeing" ashoeb mo, ri jeju" koid: nyid.

ACTS 14:10

Thui: moo" kaid' lho: to' yab, we" -ga: tid- houg: lang" nyang: gi byam, lo' lho: khyoo: so" lo.

ACTS 3:8

Nyang: gi Mangso jeju" ri thu byam, coung" nghei zoore- nya: eig yug yo" dage noku yhoem: moo" khyoo: bo vang lo.

ACTS 5:41

Lagyoo: yi gi Yesu da" myeing yoomo sho' thu' khyoo: thoung" shau" zigi kham' zoo: moin: da" khyoo: nghoid ga: - Mangsoo gi nyangnu" ri soin: yu byid: bye: yoomo nyangnu" gi ngei pyo: ziyo' Yuda tarha" yab, do mo thu lo" boem bye.

Roma 5:3

Sho" jhen: koug shu: nyid loug we' ngoonu" gau yi ngei pyo: nyid. Sho" jhen: koug shu: da" khyoo: ri yo" zeing: oung: pyam' wa khyoo:

2~KORINTHU 12:10

Hougsu" nghoid yoomo ngoo gi Khristu yoomo kham zeing: da" yoem: nu: khyoo joem- zeing:-kyi" khyeug khyoo:- pyishoo: lug lheung: khyoo: yo yau: khe" khyoo: yoomo gau yi nheig deug nyid.

KOLOSE 1:24

akhid" koem gi nanu" da" shid re" ngoo thoung" shau" da" shid: gyoin, noogyoin, moo gau yi ngei pyo: nyid Khristu gi nya: gung du: ein: da" phoung: shid re" kyi" khyeug khyoo: thoung" shau" ziyo' dakhyoo" ti"- ngoo gi ngoo nya: gung du: shid re" kyi" khyeug kham, khyo" wigi Khristu gi nya: gung doem: ein: da" hau" phoung: shid re" kham, da" kyi" khyeung khyoo: moo ca" nyid shi" da" kyi" khyeug khyoo: ri nga" da" gung moo kham, zo: nyid da" kyi" khyeug khyoo: yo' joeb byeung" byid: nyid.

2 TIMOTHI 2:12

Ngoonu" xo' lho: wigi kham' zeung nyid boem nghoid rigi ngoonu' nyang: yo' dage" mung" ri shau" vhoeb nyid boem wa zi nghoid.

HEBRE 11:26

Nyang: gi Meshia shid mo juang" yi boem zi shau" wa shid re" gi Egutu soid' gain' dangain" tho' moo gi je ge nyid"- ga: myid soin: bye. Khasu" wim gari nyang: gi ju" loo wa da" ayo, moo shau" kham: yu wa da" myonhoo: ngi shab, jhung shug ri nheig byu lho: dalang" nyid.

HEBRE 11:6

Loem" jeung" zi abo nghoid rigi hang" we' Mangsoo vho: ngei zi ayo" bui. Khasu" wim gari Mangso jhang khyoo: yu: vang loo" mo, hang" we' Mangsoo nyid nyid ziyo' nyang: ri cang shoo: bang: ri jeju" toug" byid: nyid ein: da" khyoo: ri yo" loem" jeing" su: nghoid wa zi nghoid.

YAKU 1:2

Nga" mang: nga" nhung" yi we"- ca: jhu, phyo' da" khyoo: aja: ja: thoung" shau" nyid da" uri gau, yi cang boo bye" ein: myed nyid loo: ge'.

1PETERU 4:13

Mau" nyid wa shid' re" gi Khristu kham: yu bye: da" kyi" khyeug shen" yhen da" khyoo: ri Yesu yo' dage" bo shau" kham' zoo: yoomo gau, yi ngei pyo: nyid ge'- houg: su" nghoid lang" she' Yesu gi myonhoo: yoeb, bang zeing yo' doem ju" gyoo" lo da' bidnyid moo nanu" gye" gau yi zi shau" boem wa nghoid.

Pang Shug 2:17

Venyi gi phung yi ri khasu" ga" tid nyid ziri nukhyab' dab, mo, gi gyo: yu goo" baja"- oung: doid loo" mo, rigi yhoem" to" da" Mana, zoo: yho' ngoo byid: lho: yug du: ngab, ri moin: moin: phyu: da" kyi: myhoo: lug daloem: loem byid: wa. Hau" lug boem mo myeing rigi shau" kham: yu su: mo lid wigi hang" we' ase' bo nghab.

Pang Shug 2:26

Ngoo vho: da" khyoo: moo lo" thang nyid" ju" sho' beung: abyid cang nyid khyo" yo" oung: loo" mo, ri nga" pho, jang" mo ngoo yo" yu da" amyeing" akhang" yo' dakhyoo" ti" ngoo byid: wa. Hau: da" amyeing" akhang" gi joto' lham: dung: yo' vhoeb, khang" lho: myid' zhoo" yam: joem ri agang gang asi" si"- mhoin' pyam yhang: ti"- nyangnu" gi byumyu" bain sho' tho' moo yo" oung: pyam' wa zi nghoid. Hau: boo" myhu: ri we' ngoo nyangnu" ri byid: shi" wa

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.

Pang Shug 21:7

Oung: doid loo" su: hang" nghoid loug we' nga" jang" mo he: da" khyoo: ri shau" yu wa zi nghoid. Ngoo gi nya: da"Mangsoo bue" lo lho: nyang: gi nga" zoo: bue" loo wa zi nghoid.

Pang Shug 3:12

Oung: doid loo" su: rigi nga" Mangso noku yhoem moo" khoug: mo khung: voin, zeing bung: daloem: bue" jo, nhang: wa nyang: gi houg: mo khanham we' thu' loo" loo: wa zi anghoid. Moug: khung: tho' nga" Mangso jang" mo ju" gyoo" lo da" Yerusalem voo gung seig ein: da" voo myeing ri we' nga" Mangso myeing ri we' ngoo nya: da" myeing seig ri we' nya: da" tho' moo lhid" tab too" byid: wa xo' lho: nya: da" tho' moo ngoo nya: myeing seig ri we' lhid" tab too" byid: wa.

Pang Shug 3:5

Oung: loo" su: gi houg: yhang: te"- phyu: young" da" byimi shau" void lho: nya: myeing ri we' Kangso' mougsoug" pug mo ngoo soid, pyam byid: wa zi anghoid. Nyangnu" gi nga" da" lagyoo: yi nghoid ein: nyang:- nga" phoo yo' nya: moug: lagyoo: yi da" shid khoin" moo- ngoo yhen: yu wa nghoid.