LUKA 6:11 - Lacid Common Language Bible

¹¹ Pharishe yi gi nheig gye" yu" yo: lho: Yesu ri khasu" koid: myheug pyam wa lha"» ga: sham: go" nyid boem.

LUKA 6:11 교차 참조

PHAJHI" DANG: 9:3

Dangain" bang: jang" moo vhu" pi: lo, kyo' daja: za: ju" re" da:. Houg: lho: he: ziri mougmyid dang moo bue" da" ja: khang" moo" yo' dakhyo" shoid nyid da:. Byu joem dadei nyid nyid gi nyangnu" da" myid gi akhyeing" ashoeb ziyo ko" zi byeung" jo, ago". Houg: lho: nyangnu" gi nyeigdain tung" za: shid: lo" ago".

MATHE 16:7

Nya: cangzoo: yi gi ngoonu" zoo: noem avoin boem yoomo Aseing Yesu hid: su" tid zi nghoid wa" ga: nyang: cang" nyang: tid go" nyid.

MATHE 21:45

Yesu da" dangtu' joem ri Khainjung moo" yo" Pharishe yi shau" gyoo: lang" Yesu gi nyangnu" ri yeing lho: tid zhug nyid ziri se gyo: boem ago".

LUKA 4:28

Tarha" jung moo nyid da" byu dangain" mo, gi hau: da" dang: ri shaug" gyoo: lang" nheig gye" gyo: yo: nyid boem.

LUKA 6:10

Yesu gi houg: bang: dangain" mo, ri lheing: yu" lho: lo, shid su: ri re" lo, dain: kaid we' ga: tid. Hau: yug gi lo, ri dain: kaid da" uri goo" nham mo lo, yhangti" nyang: doem ge loo" khare".

LUKA 6:12

Hau: thang: ri Yesu gi Akyu" mho' wa shid' re" boem khyoo: do, lo. damyen goin" Mangso jang" moo akyu" mho' nyid.

YOHAN 11:47

Houg: su" nghoid yoomo khainjung agyi moo" yi yo"- Pharishe yi gi Yuda zoug: yi da" kongsi: zoeb phung: khe lho: Yu" ge, he: yug gi mau" pho" moozoo" myoo: zei: shug nyid bye. Ngoonu" khasu" koid' boem wa lha".

YOHAN 7:1

Hau: thang: ri Aseing Yesu gi Galile mung" moo daso' so" koem" lheing: yen. Yuda zoug: myeing" ci: mo, gi Yesu ri said pyam wa ga: soin' go" nyid yoomo Yesu gi Yuda mung" moo aso" koem" yen" noug.

ACTS 26:11

Yuda tarha" jung joem moo we'=nyangnu" ri myoo" sho' lheing: yoobo dam, kaid' wigi nyangnu" da" loem" jeung" khyoo: ri ngeug pyam' boem wa shid re" ngoo gi gye" yoem: kaid' loo bye. Ngoo gi nyangnu" ri nheig soung yoo: noug yoomo gootu: da" mungdain mo voogung joem khyoo: lang" ju" yhe: wigi nyangnu" ri shen" yhen yu" bye.

ACTS 4:15

Houg: yoomo nyangnu" gi nya: eig yug ri tarha" yab, do, mo thu' loo" nhang: lho: wigi nyangnu" nyang: cang" byen, phyoo" sham: go" nyid boem.

ACTS 4:19

Nghoid loug we' Petru yo' Yohan eig yug gi nyangnu" ri doem phoug tid zigi Mangso dang: ri tam" gyoo: wa la". anghoid lang" gi nanu" da" dang: ri tam" gyoo: wa la". Mangso shid' moo kha: loem: jo zigi nanu" nyang: dang: phyed' byid: ge'.

ACTS 5:33

Tarha" yab, do' phung: mo, gi he: dang: ri shaug" gyoo: lang" gi nheig gye" gyo: yo: boem wigi nyangnu" gi lagyoo: yi ri said pyam' myau" boem abye: go.

ACTS 7:54

Yuda tarha" yab, do' phung: mo bang: gi hau: da" dang: ri shaug" gyoo: lang" nyangnu" da" nheigloem: gi phoid' phoid' ga: zhu: ri" sho' nheig gyo: yo: boem wigi Stephain ei: zei, yang: ngaid' ci: sho' nheig yo: nyid abye: go.

2 TIMOTHI 3:9

Nghoid loug we' nyangnu" da" oung: doid' lo" khyoo: gi hau: gu" mo jain" lho: myang" sho' yo" kham, zoo: goo" wa zi anghoid. Khasu" wim ga: ri Yanne yo' Yanbre" eig yug moo bue" lo da" khyoo:- myang thu' lo yhang: ti"- he: da" byu yi khayhi' ko" nyid boem khyoo: joem ri we' yu dangain" bang: da" shid khoin" moo myang thu loo wa zi nghoid.