LUKA 5:24 - Lacid Common Language Bible

²⁴ Nghoidloug we' byu da" nya: zoo: gi Mougmyid mo yooboo ri yo" khyoid pyam byid: ziri nanu" ri si nhang: ba ga: tid lho: gung joem: shid: su: ri nga" dang: tam" gyoo: we' too we' Re" da" dangzuang ri vu lho: yhoem: khyoo: loo" re'- ga: amyeing" byid: kaid.

LUKA 5:24 교차 참조

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

DANIELA 7:13

Hau: myen mo he: yoeb myang ri myang nyid uri byu xangsu: dayug te" da" su: ri shau" myang. Nyang: gi jhoemmoug" wigi lheing khoem ci: lho: nga" jhang tab re" da:. Houg: lho: nyang: gi apyaid atoo: mo dei nyid yug jhang yhe: lho: nya: shidkhoin" khyoo: vang yhe: da:.

MATHE 16:13

Aseing Yesu gi Kesare Philib moug: moo ju" lo" da" uri nya: cangzoo: yi ri «subi" gi byu da" nya: zoo: ri hang" nghoid ga: tid go" nyid ago" lha"» ga: myid.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

MATHE 26:64

Yesu gi «nang nyang: tid abye: nghoid loug we' akhid" mo byu da" nya: zoo: gi myhang: thang su: da" lo, yo shoid moo zhoung: jo ziyo'- moug khung: mo jhoem: moug" zhoung: lho: ju" re" ziri nanu" myang boem wa» ga: nyang: ri tid.

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

MATHE 9:6

Nghoidloug hau: byu da" nya: zoo: gi mougmyid tho' mo da" yooboo ri khyoid' pyam' byid: wa amyeing" akhang" yo" zigi nanu" si goo" baja"- houg: lang" hau: ajoem: shid: su: ri too' we' re" da" yhoeb' yoo deing: vu, lho: nanya: yhoem: khyoo loo" re,» ga: tid.

LUKA 5:13

Yesu gi lo, ri yhoin" kaid lho: hau: yug ri zang" tain byid. Hau: lho: ngoo nau nang ge san loo" re" ga: tid. Hau: uri nyang: hau: youg da" manggam: noo gi ge san loo" bye.

LUKA 5:18

Hau: uri byu daphung: gi gung joem: shid: da" byu dayug ri dangzuang mo dang go" re. Hau: noo su: ri yhoem: khoug: moo dang vang lo lho: Yesu da" shid' khoin" moo khyo, too" wa ga: gye" yoem: kaid nyid ago".

LUKA 5:23

Re" yooboo ri khyoid pyam byid: bye: ein: je tid lei la". Houg: su" za: anghoid joyoo mo to' lho: so" loo" we' ein: tid wa je lei la".

LUKA 7:14

Hau: thang: ri ayam moo yhe: lho: mang dangzuang moo lo, wigi yhe: tain" byid. Houg: lang" mang dang mo gi yab jo. Yesu gi zooyam phoo we"- to' we' nang ri ngoo nang ri tid.

LUKA 8:54

Nghoid loug we' Yesu gi too we' nga" zoo myi: we" myiyi: zoo: da" lo, moo zei: ci: lho: myiyi: zoo: we" ga: yoid.

YOHAN 11:43

Hau: thang: ri Lazaru we" thu' ri" we"- ga: thui: moo" yo" yoid kaid.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

YOHAN 3:13

Mougkhung: mo gyoo" lo da" byu nya: zoo: mo gootu: hang" we' Mougkhung: khyoo: ado, lo" yu.

YOHAN 5:27

Nyang: gi byu da" nya: zoo: nghoid yoomo nyang: gi nya: zoo: ri tarha" dang: yo" phyed' da" zoug: myeing" ab byid: too" bye.

ACTS 14:10

Thui: moo" kaid' lho: to' yab, we" -ga: tid- houg: lang" nyang: gi byam, lo' lho: khyoo: so" lo.

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

ACTS 9:34

Houg: lang" Petru gi hau: gung joem: shid: su: ri Ainea we" - Yesu khristu gi nang ri gi byid: bye- to lho: re" yhoeb, yoo nyheung we' ga: tid. Houg: lang" Ainea gi to' loo" bye.

ACTS 9:40

Houg: lang" Petru gi Nyang: nu" dangain" mo, ri tung: gung kyoo: thu' loo" nhang: lho: poid thug thoug wigi akyu" mho' nyid. Hau: thang: ri mang jo, shoid khyoo: lheung: lho:" Tabitha we" too' we' - ga: tid. Houg: lang" Dorka gi myo, phang kaid' lho: Petru ri myang wigi nyang: gi to' zhoung: jo, bye.

Pang Shug 1:13

Hau: myibung: joem da" agung moo gi byu xang: su: yhang: te" zi dayug ri ngoo myang- hau: yug gi nya: khanheig ju" da" byisheing: ri void ci: wigi yang gang moo sheing: phyid" cu" ri cu" ci.