LUKA 5:21 - Lacid Common Language Bible

²¹ Tarha" sara: yi yo"- Pharishe bi gi He: yug gi hang" nghoid la". Nyang: gi Mangsoo ri shoid da" dang: tid nyid bye. Mangsoo mo led lho: yooboo ri hang" yo" se' khyoid pyam byid: wa ga: myid yu" nyid boem.

LUKA 5:21 교차 참조

COUNG" NGHEI 103:3

Nyang: gi nga" yooboo dangain" khyoid pyam byid: bye:- Nga" noophyoo" dangain" ri we' noo ge loo nhang: bye:.

COUNG" NGHEI 130:4

Nghoid loug we' nang gi ngoonu" ri yooboo khyoid pyam byid: nyid. Houg: yoomo ngoonu" gi nang ri gyoug phau" tam" gyo: nyid boem.

COUNG" NGHEI 32:5

Houg: yoomo ngoo gi ngoo nya: yooboo joem ri re" jang" moo: yhen: yu lho: ngoo shoid vhang: khyoo: joem ri azau" too" loo. Hau: shoid vhang: yooboo joem ri re" jang" moo: yhen: yu wa shid re" ngoo myid phyed pyam bye:. Houg: yoomo nang gi nga" yooboo joem dangain" ri khyoid pyam byid: we'.

COUNG" NGHEI 35:5

Nyangnu" gi Aseing moug: lagyoo yi wigi cang khaid lang" nyangnu" gi lid hau, tang" lo" da" phei" pyang" yhang: ti" moid tang" pyam zi shoug" goo" baja".

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

ESAIA 43:25

Nghoid loug we' ngoo gi re" yooboo joem ri khyoid byid: da" su: Mangsoo: nghoid. Ngoo ga: su: nghoid yoomo he: ziri ngoo koid da:. Ngoo gi re" yooboo joem ri thougtheung zei: ci: wa zi anghoid.

ESAIA 44:22

Ngoo gi re" yooboo ri jhoemmoug" ri yo' dakhyoo" ti" shoem" pyam wa. Nga" jhang doem tau" loo we' ngoo gi nang ri khyoid yu su: nghoid» ga: tid da:.

DANIELA 9:19

Aseing we" ngoonu" ri gyoo: byid: la. Aseing we" ngoonu" ri yooboo khyoid byid: la. Aseing we" ngoonu" ri tam" gyoo byid: wigi lo, moo" zei: we'. Nang Mangsoo nghoid ziri yugkhang" moo" se' loo wa shid re" zo" mo akoid nyid. He: voomoo" yo' he: byumyu" gi re" re" nghoid ago".

DANIELA 9:9

Ngoonu" gi nang ri gyi koid thougtheung loo nghoid loug we' nang gi nheig khyeug ziyo' yooboo khyoid bye: da:.

XOIN" NGEI" 24:16

said pyam zi shau" wa. Israela byu kha: yug nghoid nghoid- Israela akhoug: moo: nyid da" tungbau byu kha: yug nghoid nghoid Aseing ri nheing" su: rigi shava byu yi wigi lug boem yo' du" said wa zi nghoid.

MIKHA 7:19

Nang gi ngoonu" ri dalheing: doem nheig khyeug yu shi" wa zi nghoid. Nang gi ngoonu" da" yooboo joem ri khyid: yang: moo nang nhe" pyam wigi panglai: thoem" kang khyoo: du" kaid pyam byid: wa nghoid.

MATHE 26:65

Hau: uri khainjung agyi moo" gi nya: da" byid: ri lang: ceig pyam lho: «he: yug gi Mangsoo ri aphoug" akhyoid da" dang: ri tid nyid bye. Ngoonu" sagsi: gootu: avhoo: loo- Mangsoo ri aphoug" akhyoid da" dang: tid zigi nanu" shau" gyoo: bye.

MATHE 9:3

Houg: yoomo Tarha" sara: yi dayham" mo, gi «he: yug Mangsoo ri shoid' da" dang: da tid nyid» ga: nyangnu" nyang cang" tid go" nyid.

LUKA 3:8

Nheugloem: thid bye: ziyo' moin: yi" da" asam" aved ri toin" shid ge' Abraham gi ngoonu" da" nya: phoo nghoid ein: atid goo. Mangsoo gi he: da" lugloem: joem ri Abraham da" nya: zoo: yi bui" wa shid' re" yo" phain" byid: ein: wigi nanu" ri ngoo tid.

LUKA 5:17

Nyid" da" nyid" moo Yesu tarha" kho" nyid uri Galile mung" yo" Yuda mung" voo khang" moo" mo mo, we' Yerusalem voo mo we' zheung: jure" boem. Pharishe" yi yo" tarha" sara: yi gi jhang jang" moo zheing: zhoung: jo, ago". Noophyoo" aja: ja: ri ge loo" nhang: wa da" yoem: so' gi Yesu moo bo jo.

LUKA 5:22

Aseing Yesu gi houg: bang: houg: su" myid nyid ziri si' yoomo nanu" ci: yoomo houg: su" myid nyid go" lha".

LUKA 7:49

Yesu yo" dage" myen" xoin: zo: nyid mo, gi «Yooboo ri lang" yo" khyoid pyam byid: da" he: yug gi hang" nghoid lha"» ga: nyang: cang" nyang: myid go" nyid boem.

YOHAN 10:33

Nyangnu" phug tu" zigi moo" gi dajaja: zei: yoomo Nang ri luggo, yo" du" nau zi anghoid. Nang gi byu kyeing" te: nghoid da: zi Mangso ayid void ci: lho: Mangsoo ri shoid vhang: da" dang: tid nyid yoomo luggo, yo" du" wa ga: tid ago".

Roma 8:33

Mangsoo: khyen: to" da byu yi ri - yooboo hang" yo" foin: wa lha". Nyanu" moo yooboo abo da" khyoo: ri Mangsoo: nyang: thoid' shid' tid fu" too" bye.