LUKA 4:8 - Lacid Common Language Bible

⁸ Aseing Yesu gi nang loem: re" Mangsoo ri za: no" ca" ga: Jhoem: dang: moo bo ga: doem tid.

LUKA 4:8 교차 참조

2 KHOKHAM 19:15

Houg: lho: nyang: gi «O" Israela Aseing Mangsoo dung dab dei noem atho' moo zhung: jo, da" su: we"- nang dayug za: mougmyid dangain" mo mungdain: dangain" ri vhoeb da" Mangsoo nghoid da:. Nyang: gi mougkhung: yo' myidjang ri phain" so: to" da:.

COUNG" NGHEI 83:18

Nang za: Aseing danghoid nyid da" khyoo: yo' mougmyid gyab goin" jang" moo myhang: thang su: nghoid nyid khyoo: ri nyangnu" se' yu loo" goo" baja" o".

ESAIA 2:11

Xangsu: byu yi nghoid boin: zigi thang lo" lho: xangsu: byu yi nheigloem: myhang: zi byo, yoin" loo" wa ayo, ju" loo wa. Houg: lang" Aseing dayug za: ngi: shab byid: zi shoug" wa.

MATHE 16:23

Yesu gi lheing: yu" lho: Petru ri «satan: yu we"- nga" jang" mo thu' loo" we' nang gi nga" shid mo thoem: tho: leung joyoo danghoid. Khasu" wim gari-re" da" nheigloem: gi Mangso shoid khyoo abo myid yu"- byu vho: khyo" za: te: myid yu"» ga: tid.

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

LUKA 4:4

Aseing Yesu gi Byu gi zoo: yho yo" za: kangso' yo" dei nyid zi anghoid ga: wigi jhoem: dang: moo bo ga: doem phoug tu.

LUKA 4:7

Houg: yoomo Aseing: gi ngoori vhu" pid' pid: nghoid rigi He: da" myonhoo: ngilang: amyeing" akhang" bain" sho' nang ri byid: wa ga: tid.

TARHA" TID POIN" 10:20

Nanu" Aseing Mangsoo ri gyoug phoug" lho: nyang: ri kyeing" noku ge'. Nyang: moo jhug zug nyid ge'. Nanu" da" dangsoo" joem ri nya: myeing ri kyeing" lang: lho: koid ge'.

TARHA" TID POIN" 6:13

Nanu" Aseing Mangsoo ri gyoug phau" myang: lho: ngi: shab nyid ge'. Nyang: ri kyeing" noku ge'. Nya: myeing ri kyeing" lang: wigi dangsoo" koid ge'.

YAKU 4:7

Houg: su: nghoid yoomo Mangsoo: khasu" vho" ri hougsu" cang loo" ge". Zhadan ri lhoem: theing shang"- zain: oung: nyid ge". Hougsu" nghoid lang" nyang: gi nanu" jang" mo phang: loo" wa nghoid.

1PETERU 5:9

Nanu" koem gi loem" jeung" da" khyoo: moo geung: teung jo, lho: nyang: ri lhoem: zain: ge'. Khasu" wim ga: ri nanu" nyang: si' bye: ziyo' dakhyoo: ti"- mougmyid' gyab, goin" jang" moo nyid da" nanu" da" loem" jeung" mang nhung" yi gi hid: yhang: te" da" shen" yhen kyi" khyeug khyoo: ri thoung" shau" nyid boem.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.

Pang Shug 22:9

Nghoid loug we' nyang: ngoori tid zigi " Houg: su" akoid- ngoo gi re" da" mang: nhung" lapi: yi yo' he" mougsoug" moo bo da" mungdang: ri tam" gyoo: mo, dangain"- nanu" da" dei zoo: byencang" dayug nghoid. Mangsoo ri dano' ku" we' ,, ga: tid toem pyam.

1 SAMUELA 7:3

Samuela gi Israela byumyu" yiri nanu" da" Aseing jhang khyoo: nanu" da" ung: khoug: nheigloem: dangain" yo' lheung: lo boem nghoid rigi tungbau yu phara" soolhoo: dangain" ziyo' yu phara" myhi' Astarte da" soolhoo: dangain" ziri she: pyam ca" boem wa zi nghoid. Nanu" nya: gung hau: Aseing ri bain sho' shugbyid: to" wigi nyang: ri kyeing" za: noku loem khau: nyid boem nghoid rigi nyang: nanu" ri Philisti byumyu" yi da" lo, mo khyoid yu wa zi nghoid.