LUKA 4:40 - Lacid Common Language Bible

⁴⁰ Bidvang zoo" ri noophyoo" aja: ja: shau" mo, gi Yesu jang" moo khe: shu" re" boem. Yesu gi hau: noophyoo" shau" mo yug khang" mo" da" tho' moo lo, ki" byid: lho: nyangnu" da" noophyoo" joem ri ge loo" nhang: kaid.

LUKA 4:40 교차 참조

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

MATHE 14:13

Yesu gi Yohan da" khyoo: shau" gyoo: lang" nyang: kyeing" lhid zhoung: lho: ci: sam: aso" da" joyoo khyoo thu' yhe: lo" da" khyoo: byu phung: yi shau" gyoo: lang" voo mo, thu' lho: tung khyoo khyo" nya: jang" moo cang yhe: lo" boem.

MARKU 3:10

Khasu" wim ga: ri byu myoo" sho' ri ge loo" nhang: yoomo nyang: ri shau" tain" sho' ga: nyang: jang" moo noo mo, dangain" jhen" go" nyid.

MARKU 5:23

Nga" myiyi: nu: no shid: lo" - nyid nya: noo ge lo lho: dei nyid wa shid re" nya: tho' moo re" lo, re" ki" byid: we' ga: yoem: kaid re: mho' da.

MARKU 6:5

Nyang: gi noophyoo" shau" mo, meing: byudajhi dathang ri lo, ke" lho: ge loo nhang" jang" mo lid lho: hau: voo moo mau" - pho" moo" ci" we' ayo" zei: nghoid da.

ACTS 19:12

Polu ci: da" phajed' yo' pain" phyid" cu" joem rilang"- noo phyoo" shau" mo, yo' yu vang jo, mo, jhang khyoo: ci: yhe: lo" ri noo phyoo" shau" bang: gi ge, sain, lo wigi yu joem we' nyangnu" vang nyid mo, jang" mo phang: thu' lo" boem ago".

ACTS 5:15

Petru lid lo" da" uri noo, phyoo" shau" bang: dayham" gi nya: yoeb, byoo, moo khyalhang" shau" zang" baja" ga- noo, phyoo" shau" mo, ri fu" moo" khyoo: dang thu' re" lho: yhoeb, yoo tho' moo pheing" thain: tho' moo re" lhang: to" boem ago". Nyang: nu" houg: su" koid boem zigi lagyoo: yi da" ge, lo, moo" ashi" joem nghoid.