LUKA 4:29 - Lacid Common Language Bible

²⁹ Hau: thang: rigi Yesu ri myid byo, khyam" mo, doin: hpyid khyo pyam wa ga: voo tho' mo boem phyoo" khyoo: khe: shu" do, lo" boem.

LUKA 4:29 교차 참조

2 KHOKHAM MHOOMYID: 25:12

Houg: lho: gootu: damoin yug rigi shoug" myheig yu boem ago". Nyangnu" gi thung: byu yiri Sela voomoo" mo lug pyo' phyoo" khyoo: shu" do, lo" wigi nyangnu" vhoo: mo lugthain: moo gyo" shid: goo" baja" ga: nyangnu" ri doin: phyed khyo' pyam boem.

COUNG" NGHEI 37:14

Asho" ajhen: bang: yo' ca" nyid bang: ri we' said pyam wa ga: akhyeing" ashoeb bang: gi nyangnu" da" sham ri she: lho: lid: joem ri we' thoung: ci: abye: go".

GYUNG: SOO" 15:35

Hau: thang: Aseing Moshe ri «Hau: yug ri said pyam ca" da:. Shava byu yi dangain" gi nyang: ri dab tunggung shoid moo: lugboem yo' du" said pyam wa zi nghoid» ga: tid.

LUKA 4:28

Tarha" jung moo nyid da" byu dangain" mo, gi hau: da" dang: ri shaug" gyoo: lang" nheig gye" gyo: yo: nyid boem.

YOHAN 8:37

Nanu" gi Abraham nya: myid: nya: zoo: nghoid zi ngoo se'- Houg: su" nghoid loug we' nanu" gi nga" da" jhoug" myeing" ri akham: yu noug: yoomo ngoori said wa ga: yoem: kaid nyid boem.

YOHAN 8:40

Mangso jang" mo shau" gyo: yu da" deingmain" da" moo ri nanu" ri kho" kyoo" nghoid loug ngoori- said wa shid' re" nanu" yoem kaid nyid ago". Abraham gi houg su" alhoung koid'.

YOHAN 8:59

Houg: lang" nyangnu" gi Yesu ri du" wa ga: luggo, joem: ri koid: zei: ci: boem. Nghoidloug we' Yesu gi no ku" yhoem moo" khoug: mo gau" lheing thu' lo" byug.

HEBRE 13:12

He: khyoo: yoomo Yesu we' nya: da" suid" yo' byu xang: su: yi ri Youg: noo yooboo mo ced" shang: yu wa shid re" voogung nghe: shoid' moo shid: kham: abye:.