LUKA 4:1 - Lacid Common Language Bible

¹ Aseing Yesu gi gyeungshang: Venyi: yo" byeung" lho: Yodan gyidlang mo doem lo da" uri gyeungshang: Venyi: gi Yesu ri dain" pyoid yoo khyoo khe: shu" vang lo" byug. Hau: joyoo moo bidnyid myidxi: nyid yu satan jhu phyo' zi shau" nyid.

LUKA 4:1 교차 참조

1 KHOKHAM 18:12

Ngoo thu loo" yo' dage" Aseing da" Venyi: gi nang ri ase' da" joyoo gootu: khyoo: shu" lo" nghoid rigi khasu" koid wa la". Hau: thang: nang hid: moo: nyid khyoo: ri ngoo Ahab ri tid kyo" wigi nyang: nang ri amyang lang" nyang: ngoo ri said pyam wa zi nghoid. Ngoo gi zooyam pyaid mo Aseing ri loem khau: noku su: nghoid ziri boin: we'.

1 KHOKHAM 19:4

Elia gi siyoo gyoem" khyoo: danyid" goin" so" yhe: loo" bye:. Nyang: theing: wigi seiggam yoeb moo zhung: lho: nyang: gi shid: nau nyid da:. Nyang: gi «Aseing we" he: zigi sung nyang: xoo: bye:. Nga" kangso' ri yu pyam byid: we' o". Ngoo gi shid: nau kyi bye:» ga: mho' nyid da:.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

EZEKIEL 3:14

Aseing da" yoem: so' gi nga" atho' moo yoem: moo" yo' ju" re" wigi nya: Venyi: ngoo ri shu" thu loo" lang" nheig kho" ziyo' nheig yoo: nau re" da:.

MATHE 3:16

Akhid" Yesu baptisma bain kham: yu lang" gyid thoem" mo to' thu' lo" da" uri yu" ge' mougkhoung: khoem" duang: bang" lo" lho: Mangso da" Venyi: gi pheing" kyoug" su" dang: gyoo" lo wigi nya: tho' moo zhoung: jo, zi nyang: myang.

LUKA 2:27

Nyang: gi Venyi: wigi poin" kyeing" zi shau" yoomo No' ku" yhoem: moo" khyoo: vang yhe. Toung: to" da" tarha" yo' dakhyoo" ti"- zei: wa da" moozoo" ri zei: wa shid' re" nya: myhi' tang: nya: phoo gi No' ku" yhoem: moo" khyoo: shu" yhe: lo" da" uri

LUKA 3:3

Lapi: Esaia Jhoem: dang: moo bo ziyo' dakhyoo ti"- Byu yi gi Yodan gyid lang yam cang ju" yhe: boem lho: nheigloem: thed lho: Babtisma ri kham: yu boem ge' houg: su" nghoid ri za: Mangsoo gi nanu" da" yooboo ri khyoid pyam byid: wa" ga: byu yi ri kho" kyo" nyid.

LUKA 3:38

Kainan gi Enu da" nya: zoo:- Enu gi shed da" nya: zoo:- Sed gi Adam da" nya: zoo:- Adam gi Mangso da" nya: zoo: nghoid.

LUKA 4:14

Yesu gi gyeungshang: da Venyi: yoem: vhoo" yo" byeung" lho: Galile mung" moo doem ju" lo. Yesu da" lu dang: gi hau: mung" goin" jang" moo fu" lo" boem bye.

LUKA 4:18

Mangso da" Venyi: gi nya: tho' moo ju" ri" bye. Sho" jhen: mo, ri lu dang: gi kho" kyoo" wa shid' re" ngoori khyen: yu bye. Thung loung" jo, mo, ri pyoin kaid wa ziyo'- myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'

YOHAN 1:32

Hau: thang: Yohan sagsi; kham: da" zi gi gyeungshang: Venyi: gi mougkhung: khyo" pheing" kyoug" yhangti"- gyoo" lo lho: nya: tho' moo zhoung: jo, ziri ngoo myang.

YOHAN 3:34

Mangsoo nyang: nhang: kaid su: gi Mangsoo mungdang: ri tid nyid khasu wim gari nya: - Venyi: byeung" byeung" kaid byid: to.

ACTS 1:2

Yesu gi moug: khung: khyoo: to' yu zi ashug" shi" uri nya: lagyoo: yi ga: nyang: khyen: yu too" mo, ri-Nyang: gi gyeungshang: da" Venyi khyo" wigi pyein: dang: joem ri byid: too" khari" bye.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

ACTS 8:39

Nya: eig yug gi gyid mo doem do' loo lang" Aseing: da" Venyi gi philib, ri shu" lo" byug bye. Hau: zoug: phoo gi Philib, ri adoem myang loo: nghoid da. Nyang: gi ngei pyo: ziyo' nya: gyung: khyoo: moo doem xo' so" lo" da.