LUKA 3:16 - Lacid Common Language Bible

¹⁶ Houg: yoomo Yohan gi Ngoo gi nanu" ri gyid moo Babtisma ri kham: byid. Nghoidloug nga" tho' je gyi: su: gi nga" thang: moo ju" ri" wa. Ngoo gi hau: Aseing: da" khyid: baid tei" lang" phid: byid: wa zi amoin: yi. Hau: Aseing: gi nanu" ri gyeungshang: Venyi: khyo" we' myi: moo we' nanu" ri babtisma byid: wa nghoid.

LUKA 3:16 교차 참조

DANG: ZHOEM 1:23

Nang ri ngoo gyi koid jhau" mho' da" uri tam" gyo: yu we gyo yu ge'. Ngoo nanu" ri phajhi" byid: lho: lasi laleug gam, byid: wa.

ESAIA 32:15

Nghoid loug we' Mangsoo gi nya: Venyi: ri ngoonu" jhang dalheing: doem nhang: kaid byid: wa. Mougmyid gang: gi myidxu: ge re" wigi yoothung" joem gi gug zoo myoo sho' thu loo wa.

ESAIA 4:4

Aseing gi nya: yoem: so' khyo" wigi dang: phyed lho: byumyu" yi kyeing sain' pyam loo wa. Houg: lho: Yerusalem da" yooboo ri yo' houg mo shoin: gyoo" bye: da" suid" joem ri cid" pyam loo wa.

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

MATHE 3:11

Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid.

MATHE 3:12

Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid' too" wa. Amo da" gug shi" rigi ayo" said da" myi: moo nghe' pyam' wa» ga: tid.

YOHAN 1:26

Yohan gi ngooo gi gyid yo' Babtisma ri kham: byid. Nanu" da" Phung: moo nanu" asi su: dayug bo yab jo.

YOHAN 1:27

Hau: yug gi nga" thang: moo da ju" ri" nghoid loug we' Ngoo gi nya: khyid: baid tei" phid: byid: wa zi lang" amoin: yi" su: nghoid- ga: tid.

YOHAN 1:33

Nyang: gi hang" su: nghoid zi xang: shid" ri ngoo asi- nghoid loug we' gyid yo" Babtisma kham: byid: wa shid' re" ngoori nhang: kaid da" Mangsoo: tid zigi gyeungshang: Venyi: gi gyoo" lo lho: dayug yug da" atho' moo zhoung: jo, ziri nang shau" myang wa. Hau: yug gi gyeungshang: da" Venyi: yo" Babtisma byid: wa su: nghoid.

YOHAN 7:38

Ngoori loem" jeung" sugi jhoem: mungdang: moo bo ziyo' dakhyoo" ti"- nya: da" nheigloem: khoug: mo we' dei kangso' gyid gyung: joem myoo" sho' yau thu' lo nyid wa zi nghoid.

ACTS 1:5

Yohan gi gyid yo' Babtisma byid: bye- nghoid loug we' khamyhoo, nyid" akyoo: ri nanu" gi gyeungshang: venyi wigi babtisma kham byid: zi shau" goo" wa nghoid.

ACTS 10:44

Houg: su" Petru gi dang: da tid nyid shi" ri nya: mungdang: ri tam" gyo: nyid da" byu dangain" mo, atho' moo gyeungshang: da" Venyi gi ju" gyo" loo bye.

ACTS 2:33

Nyang: gi nya: pho, lo, yo shoid' moo zhoung: jo, wa shid re" to' yu zi shau" lho: Nya: pho, dang: soo" khoin" byid: too" bye: ziyo' dakhyoo" ti" Nya: pho jang" mo gyeungshang: da" Venyi ri yo" shau" kham: yu bye. Akhid" nanu" shau" myang ziyo' shau" gyo: nyid khyoo: gi nyang: nga" da" atho' moo foid shoin" byid: da-nya: jeju" jhung: shug nghoid bye.

1Korinthians 12:13

Houg: yo' dakhyoo" ti"- nyhang" dangain" mo, gi Yuda yi nghoid loug- Yuda byumyu" yi anghoid loug we'- join' yi nghoid loug join' anghoid mo, nghoid loug we'- Venyi: dayug mo za: Babtisma ri zheung: kham' yu lho: dagung dashoo" za: bue" lo boem bye: ziyo'- dangain" bang: da" nheigloem: ung: khoug: moo: hau: Venyi dayug riza: coem, kham: yu boem bye.