LUKA 24:44 - Lacid Common Language Bible44 Hau: thang: ri nyang: gi Moshe da" tarha"- Lapi: yi da" tarha" mungdang: yo"- coung" nghei mougsoug" moo nga" khyoo: yo" sen: wigi lhid" to" da" khyoo: joem gi bui" nyang: bue" loo wa ein: wigi nanu" yo" dage" nyid shi" uri ngoo tid kyoo" bye: the,- ga: nyangnu" ri tid. 장을 참조하십시오 |
Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.
Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.
Hougsu" ngoo gi David da" nya: myid: nya: zo: bang: yo' Yerusalem voomoo" moo nyid bang: ri nheig se' khyeug ziyo' akyu" se' mho' da" Venyi: kaid pyeing byid: wa. Nyangnu" thau" said pyam' su: ri coem' yu" lho: nyangnu" gi nyang: nya: zooti" zoo: anghoid lang" zooshid" zoo: shid: lo" yhang: ti" nyang: soo" soo" koug ngau nyid goo" wa zi nghoid.
Hau: bidnyid ri Aseing gi Yerusalem bidthu shoid mo zhainloin: boem moo re" yab wa zi nghoid. Houg: lang" zhainloin: boem gi bidthu shoid khyoo: dakhyam"- bidvang shoid khyoo: dakhyam" gyam: lo" wigi lang: khoug: moo" zeing bue" lo lho: boem dakhyam" gi gyid moin khyoo: - dakhyam" gi gyid byeing: khyoo: yu: loo" wa.
Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.
Shava phung: gi hau: byu said yooboo shau" da" yug ri hau: shid: yug da bidnoem pho lo, mo khyoid yu wa zi nghoid. Houg: lho: nyang: phang: loid nyid da" phang: goug" nyid wa voomoo" khyoo: nyangnu" gi nyang: ri doem de" kaid wa zi nghoid. Nyang: gi hau: voomoo" moo: hau: ayo, ri koid nyid da" khainjung moo" shid: da" ayo, ju" sho' nyid wa zi nghoid.
Aseing Yesu gi Yerusalem voo moo" khyoo yhe: lho: Mangso khyoo: yo" sen: da" vhu" jhung: yi khainjung moo" yi yo"- Tarha" sara: yi da" lo, moo said kham: noo kham: loo" wa da" khyoo: ri we' soem" nyid" nyid" ri shid: jang" mo doem dei to' loo wa da" khyoo: ri we' hau: ayo, mo nya: cangzoo: yi ri bang bang tid kyoo" bye.
Nyang yang: nu" ri i- byu da" nya: zoo: gi kyi" khyeug khyoo: myo" sho' shau" zoo: wa zi nghoid. Yuda Ludaid vhu" jhung: yi Khai jung zeing yi yo' tarha" sara: yi wigi ngeug pyam' zi shau" lho: said' pyam' goo" wa zi nghoid- nghoid loug we' soem" nyid" thang: ri doem dei to' loo wa zi nghoid- ga: tid kyo.
Houg: yoomo yu" ge' - juang" yi mo, yo' mau, lho: shid: loo" ge'. khasu" wim gari-akhid" nyid" ngoo koid wa da" moozoo" daloem: ri byu dayug yug wigi nanu" ri tid sho' kyoo" nghoid l;oug we' - nanu" gi hau: khyoo: ri loem" jeing: goo" wa zi anghoid. ga: wigi Lapi yi tid to" da" jhoem: mungdang: gi nanu" moo abue" loo wa shid mo, lhid' zed" nyid ge'. ga: kho" khyoo" byid: da.
Yuda yi da" tarha" gi gyeing" nyang: agyeing" nghoid da" khyoo:- deingmain" joeb, byeung" da" akhyoo" again anghoid loo: za: ju" loo wa da" shau" void' shau" zoo: wa da" khyoo: mo amyang abang da" khyoo: za: date: nghoid nyid.Nyangnu" gi khanham we' to' byid: nyid da" xoin" daja: riza:- zain khang" moo" xoin" to' byid: boem ago". Hougsu" wigi he: da" mungdang: yo' Mangso jhang khyoo: yu: vang lo" da" byu yi ri hau: toung: to" da" tarha" gi khasu" wim gi joeb, byeung" mo, yo" bue" loo nhang: wa lha".
He: da" khyoid yu khyoo: gi kha: yo' kha: khyeing: mo: ju" ri" wa zi we' ce: ja: ce: khyoo" re" bue" thu' loo wa ziri se' loo" wa shid re" phoid: sho: yu" boem bye. Nyangnu" da" akhoug: moo bo vang zei: nyid da" Khristu da" venyi gi Yesu shau" kham' zoo: wa dam shid' re" we' haugsu" bain' kham zo: da" thang: ri shau" kham' zoo: wa da" myonhoo: phung" yoeb, ri we' no re toin" shid' to" uri he: da" ayo, ri toin" shid zi nghoid nyid.
Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.