LUKA 21:8 - Lacid Common Language Bible

⁸ Yesu tid zigi Nanu" ri mhau zi athoung" shau" wa shid' re" zed" nyid ge' Byu myoo" sho' mo, nyang:- nga" n ga" khyoo: yo' sen: lho: ngoo gi nyang: nghoid ga: tid da" ayo, ju" ri" wa nghoid loug we' houg: bang: da" thang: moo acang loo" goo.

LUKA 21:8 교차 참조

YEREMIA 29:8

Nanu" phung: moo nyid boem da" lapi: yi wigi we' ju" loo wa ayo, shid re" lapi: yo" pe: ga: tid boem da" gootu: hang" wigi we' nanu" ri amhoug fain" nhang: boem wa shid re" Israela da" Mangsoo Ngoo Aseing nanu" ri tid poin: byid: da:. Nyangnu" da" yhoebmo, joem ri we' atam" gyoo: goo".

MATHE 24:11

Hau: tho' moo gootu: mhau da" lapi: we' myoo" sho' thu' lo wigi byu myoo" sho' ri khyoo: shu" vhang: lo" boem wa.

MATHE 3:2

«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

MATHE 4:17

Hau: ayo, moo Yesu gi «Mougkhung: mungdain: ju" ri bye yoomo nanu" da" yooboo mo nheigloem: thid' loo ge» ga: Tarha" kho" shid" bye.

LUKA 17:23

Subi" gi Byu nya: zoo: ri yu" ge' he: joyoo moo nyid yu" ge" fo: jo, yoomoo nyid ga: tid goo" nghoid loug we' acang sho: yen" goo.

LUKA 21:7

Houg: bang: gi sara: we"- he: da" moo" gi kha: uri bue" loo wa lha". he: moo" bue" lo da" uri ce: noem alhoo: again yi bue" thu' loo wa lha"» ga: zheing: myid: boem.

LUKA 21:9

Nanu" gi meing byo, lo da" gyi dang: yo"- doin: lhoem" keing" khyoo, go" da" lu dang: shaug" gyoo: lo da" uri adain agyug goo"- houg: yhang: te" da" moo" gi xang" shid" bue" loo wa. Nghoidloug we' lo" thang zigi anghoid shi" ga: tid.

YOHAN 5:43

Ngoo gi Phoo Mangso da" zoug: myeing" zoug: thui: yo" juri" nghoid loug Nanu" gi ngoori alhoem: kham: yu boem. Gootu: dayug yug khyoo: nyang: nya: da" myid khyo" jure" nghoid rigi nanu" lhoem: kham: yu boem wa.

YOHAN 8:24

Houg: yoomo nanu" gi nanu" da" yooboo moo shid: lo" boem wa ein: wigi ngoo tid bye. Ngoo gi ngoo nghoid nyid ziyo' dakhyoo" ti"-- ngoo nghoid ziri nanu" aloem" boem rigi Nanu" gi nanu" nya: yooboo moo shid: lo" boem wam bye. ga: tid.

YOHAN 8:28

Houg: yoomo Yesu gi byu nya: zoo: ri myidjang: moo tu: zhug lhang" too" lang" she- ngoo gi hang" nghoid nyid ziri nanu" yo" si' zi nghoid. Ngoo gi ngoo ngoonya: amyeing" akhang" khyo" ce: moo" we azei:- Nga" phoo nhang: kaid ziyo' dakhyoo" ti"- za: ngoo dazei: ziri we' nanu" se' loo wa.

1Korinthians 6:9

Akhyeing" ashoeb bang: gi Mangso mungdain ayo" vang seing: wa ziri: nanu" nyang: deing" deing se' nyid bye. Khyoo: avhang: goo"- youg: shoo: goo" mo, phara" soolhoo: no mo, sube" myi: lhoid mo, yug gi nyang: cang aved avhu: koid goo" mo

Ephesu 5:6

Hang" wigi we' adu: adam: wim, da" dang: nanu" ri ayo" jhu, phyo' pyam' nhang: goo"- Khasu" wim gari hau" khyoo: joem yoomo Mangso nheig khoo" yo: da" khoo: gi atam" gyoo: acang loo" mo, da" atho' moo gyoo" loo wa zi nghoid.

2 THESALONI 2:3

Kha: khyo" nghoid loug we' nanu' ri hang" wigi we' ayo" mhoid" goo" baja"- khasu" wim gari thang" thang da" Mangsoo ri gyi koid zi abui" shi" ri ngarai" mung" khyoo: khyo, pyam' zi shau" wa nghoid nyid hau: akhyeung" su: athu' loo shi" da" uri hau" bidnyid ju loo zi anghoid.

2 TIMOTHI 3:13

Akhyeing" ashoeb, da" byu yi yo' mhoug zoo: mhoug shug yen" da" byu yi koem gi-subi" yo" mhoug zoo: lang" nyang: nyang: ri we' mhoug zo: zi doem, thoung" shau" wigi akhyeing" ashoeb, ziyo' age da" khyoo: moo age da" khyoo: khyoo:- je" je, jhen" vang lo boem wa zi nghoid nyid.

2 Yohan 1:7

Yesu Khristu gi byu gung shoo" void ci: lho: ju" re" ziri;- ngeug pyam' da" mhau' yen" mo, byu myoo" sho' mougmyid' gyab, goem: sho' moo thu' lo" boem bye- houg: yhang: te" da' byu yi gi;- mhau' yen" mo, yo' Antikhristu

Pang Shug 1:3

He: moozoo" gi bue" loo wa da" ayo, jhang loo bye: yoomo he: mougsoug" ri nghab su: gi ngi: lhoo' wa. Hau: lho: he: da" lapi: dang: ri tam" gyoo: su: yo' he: mungdang: moo lhid" too" moo too" ri cang yhe: loo" su: gi ngi lho, nyid.

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.