LUKA 21:34 - Lacid Common Language Bible

³⁴ Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

LUKA 21:34 교차 참조

APOEM AYANG: 19:32

Nyha" phoo ri yhid: jhug yid nhang: to" wigi nyang: yo' vang yhoeb lho: zooshang: tab yu shang» ga: tid.

APOEM AYANG: 19:35

Houg: yoomo hau: myen ri nya: tang: gi nya: phoo ri yhid: jhug lho: nhung" yug gi nya: pho yo' vang yhoeb. Hau: myen we' nyang: gi yhid: sung yid yoomo hau: khyoo: ri nyang: aboin:.

APOEM AYANG: 27:14

Houg: yoomo Yaku gi coidbaid eig du: ri yhe: myheig yu lho: nya: myhi' jhang said ci: loo byid: bye:. Houg: lang" nya: myhi' Rebekha gi nya: phoo vho: khyo" xoin" yhung bye:.

COUNG" NGHEI 35:8

Nghoid loug we' nyangnu" ci: aboin: shi" uri byo, yoin" lo" zi nyangnu" mo: ju" loo nhang: we'. Nyangnu" khyo' to" da" tei" moo: nyangnu" ri myi" nhang: lho: nyangnu" gi byo, yoin" khyoo: moo: byid gyo" loo" goo" baja".

DANG: ZHOEM 21:4

Akhyeing" ashoeb mo, da" nheigloem: moo: gi nghoid boin: ziyo' phau: khuang khyoo: gi vhoebkhang" nyid. Houg: gi yooboo nghoid.

DANG: ZHOEM 23:20

Yhid: ri gye" shoug lho: zoo: noem moo: za: vhu" vhoem" yen" mo, yo' nang azoem" khau: nyid.

PHAJHI" DANG: 9:12

Re" da" ayo, ju" lo nyid ziri nang khanham we' asi nghoid da:. Ngho' joem gi lhid' moo nyeigdain tung" myi" boem ziyo' dakhyo"- goin moo wimdo, myi" ziyo' dakhyo"-ngoonu dajhi we' ajho: da" uri akhyeing" da" ayo, moo ngoonu" zang" myi" boem bye:.

ESAIA 28:7

Lapi: yi yo' khainjung yi lang" yhid: sung yed yoomo leung baid yeing" ago". Nyangnu" zabyid yhid: yo' yhid: jang" sung yed yoomo adu: adam: thung" leung ago". Lapi: yigi Aseing wigi byid: da" yoeb myang joem ri ase' gyoo: loo: sho' yhid: yed ago". Houg: lho: khainjung yigi nyangnu" jhang ci: re" da" moo" ri ayo" tid phoid: kyoo" loo: sho' yhid: yed ago".

HOSEA 4:11

Aseing gi «Zabyid yhid: axoug" yo' aseig gi nga" byumyu" yi da" myid lasi ri lhoid pyam byid: bye:.

XOIN" NGEI" 10:9

«Nang yo' re" yuggi zoo: yigi zabyid yhid: anghoid lang" yhid: shed shug thang: ri nga" zoem" khoug: khyoo: age vang wa. Nanu" vang yhe: nghoid rigi nanu" shid: shau" wa zi nghoid. He: zigi nanu" da" amyed ashen yi dangain" cang wa da" tarha" nghoid.

MATHE 13:22

Ju: byab moo gyoo" lo" da" myoug: shi" gi Tarha" mungdang: ri shau" gyo: lho: Mougmyid tho' mo myid myoo: ung: loug khyoo: yo' ziyoo jonu" ri myo, no, vhoo: bo khyoo: yoomo mungdang: tarha" myoug: shi" ri nghoeb zeig pyam lho: wigi ashi" ayo" zei: dakhyoo: ri tid nau zi nghoid.

MARKU 13:9

Nanu" koem gi nyang: tu: nyang: lhid' lho: nyid ge' nyangnu" gi nanu" ri mheug yu lho: tarha" yung" khyoo: ab pyam boem wa tarha" jung moo nanu" ri baid boem wa zoug: yi yo' kho: kham" yi ri-ngeibu: ludang: tid kyoo" wa shid mo ngoo yoomo nanu" gi nyangnu" da" shid khoin" moo shau" yab jo, boem wa.

MARKU 4:19

He: moug myid byu nyid yo, boin: shid re" myid myoo: ung: loug zi ngei sheing: jo, nu" amyung ashoo" yoo" jo, nau: ziyo' gootu: aja: ja: ri myo, no, vhoo" byed da" ze wigi hau: mungdang: ri foeb pyam lho: ashi" ayo" zei: loo nghoid ago".

LUKA 10:41

Aseing: gi Matha we"- Matha we"- nang gi moozoo" myoo" sho' shid' re" myid myo: nyid ga: nyang ri tid.

LUKA 12:40

Byu da" nya: zoo: gi nanu" ayu" alang" nyid da" ayo moo gyoo" loo wa nghoid yoomo nanu" we' jen" jen" koid: nyid ge".

LUKA 17:3

Houg: yoomo zed" lhid lho: zei: so" nyid ge'. ‹‹Re" mang: nhung" nang ri shoid nghoid rigi nyang: ri jhau" poin" we'. Nyang: nheigloem: thid lo nghoid rigi yooboo khyoid pyam byid: we'.»

LUKA 21:35

Houg: su" alhid zid" nyid nghoid rigi Tarha" dang: kho" da" bidnyid gi mang: khung" beig gyoo" lo yhangti"- nanu" da" atho' moo dalheing: dam beig gyoo" loo wa. Hau: bidnyid gi byu xangsu: bain sho' mo, da" tho' moo gyoo" loo wa nghoid.

LUKA 21:8

Yesu tid zigi Nanu" ri mhau zi athoung" shau" wa shid' re" zed" nyid ge' Byu myoo" sho' mo, nyang:- nga" n ga" khyoo: yo' sen: lho: ngoo gi nyang: nghoid ga: tid da" ayo, ju" ri" wa nghoid loug we' houg: bang: da" thang: moo acang loo" goo.

LUKA 8:14

Zu: kyen: byab moo gyoo" lo" da" myoug shi" gi Mungdang: ri shau" gyo: lho: myid myoo: ungloug da" khyoo:- yoo" zoo: yoo" shug da" khyoo:- gung shoo" nyam khyo: ze wigi nghoeb foeb pyam yoomo mo, da" ashi" ayo" zei:- mo, ri tid nau zi nghoid.

1Korinthians 5:11

Akhid" ngoo tid nau khyoo: gi nya: gungdu: ri Khristain byu nghoid ga: lho: wigi- youg: shoo: go" khyoo: moo: cang- myo, no, vho: bo phara" soolhoo: ri bo no"- sube" gei sang: shang pyang: lho: yhid: ya: vang ziyo' khau" yen" bang: yo' azoem" khoug: goo" ein: zi nghoid. Houg: yhang: te" su: yo' dage" zhoung: lho: voem: we' ashoin" zoo: goo.

1Korinthians 6:10

Khoug" mo, fain" mo, vhoo: boo myo, no, bang- yhid: ya: vang bang: juang" yi gei sang: shang pyang: yen" mo,- khoug" mo, mhoug mo,- hid: bang: mo hang" we'- Mangso mungdain ri yo" seing: boem wa zi anghoid.

GALATI 5:20

Goug ngu soolhoo: no' khyoo:- maintain khyau" fa" lung khyoo: join: yu kau" phajhi" - anoug angei ziyo' myeing" myoo: yhoo: she: khyoo:- noo" goo" zoo go"- nheig yoo ung: jhen:- nyang: nya: da" akyu" te: sho: zi gang: loo" lain' lo" da" khyoo:- phung kho' go" lo" khyoo:-

TARHA" TID POIN" 29:19

He: tarha" moo jhau" to" da" joem ri akhid" nyid" hid: moo shoug" gyoo: yug hang" nghoid loug we' nyang: vho: da" khyo" nheigloem: thain: yhe: lo" nghoid rilang" nyang: moo dangain" ge zigi bui" wa ein: nyang: nya: gung ri amyed loem goo". Hau: zigi nanu" mo gi bang: yo' akhyeing" bang: dangain" ri dakhyo" za: joem: loo" nhang: loo wa.

PHILIPI 4:6

Ce" khyoo: moo we' myid' amyo: nyid goo" nanu" da" akyu" mho' dang: khoin" khang" moo" moo-khanham we' jeju" boin: so" nheigloem: yo' nanu" ca" vho: khyoo: dangain" Mangso jhang mho' nyid ge'.

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

2PETRU 3:10

Hau: Aseing: da: bidnyid koem gi-khoug" su: re" yhang: ti: ju" ri wa zi nghoid. Hau: bidnyid moo moug: khung: mougdi gi-gye" gyi: myeung da" thui: zeung yo' bei: loo" byug wa zi nghoid. Moug: khung: mo bidbang gung; joem we' myi: nge" kyu" gyo" pyam' boem wa zi nghoid. Moug: myed yoosoo" yo' jo, moo jo, joem we' bei: lo" byug khare" boem wa zi nghoid.

2PETRU 3:14

Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.

Pang Shug 3:3

Houg: yoomo nang jhau" kham: yu bye: ziyo' shau" gyo: kham: yu bye: da" khyoo: joem ri doem myed boin: lho: houg: moo cang zei: loo" we'. Re" yooboo mo nheigloem: thed' loo we' nang alhid' nyid nghoid rigi khoug" su: yhang: ti" ngoo re" jang" moo ri" wa. Ngoo ju" ri" wa da" ayo, ri lang" nang se' wa zi anghoid.

1 SAMUELA 25:36

Abigela gi khokham shid re" zoo: shug pui" koid byid: wa yhang: ti" nya: yhoem: moo: pui" koid nyid da" Nabala jhang khyoo: doem tau" loo" bye:. Nyang: gi yhid: yed lho: gye" pyo: nyid yoomo thang: nab kyoo ju" sho' ciwe' atid loo: nyid da:.