LUKA 21:12 - Lacid Common Language Bible

¹² Nghoidloug we' he: da" moo" abue" loo shi" da" uri byu yi gi nanu" ri myheig yu, lho: shen" yhen lo boem wa. Nanu" ri tarha" yung" moo zheing: ab pyam wigi Tarha" dang: kho" lho: thung: khyo, pyam zi shau" boem wa. Nanu" gi nga" myeing yoomo kho: kham" yi yo"- amyeing" ci: mo, da" shid' khoin" moo ju" lo" boem wam bye.

LUKA 21:12 교차 참조

MATHE 22:6

Deung nyid mo, gi khokham" da" dei zoo: yi ri lhoem: myheig yu nyangnu" ri baid lho: said pyam boem ago".

MATHE 24:8

He: da" khyoo: dangain" gi Zoo: khu: wa su:- bidnyid ju" wigi no shid" re" ziyo' dadu nyid.

LUKA 21:11

Joyoo khang" moo" moo myid leig gyi" sho' leig da" khyoo:- zooyoid phang" khoug: gyoo" zi dab, lei da" noophyoo" aja: aja: myo: loo wa. Mougkhung: mo gyoug pho" ziyo'- mau" pho" alhoo: again bue" thu' loo wa.

YOHAN 15:20

Join gi yhoem: seing: tho' moo je gyi: zi anghoid. Ngoo nanu" ri tid yu" bye: ziri myid boin ge'. Mougmyid byu wi gi ngoori shen" yhen nghoid rigi nanu" ri we shen" yhen wa zi nghoid. Nyangnu" gi nga" da" dang: ri cang lo" boem wa nghoid rigi nanu" da" dang: ri we' cang lo" boem wa zi nghoid.

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

ACTS 22:30

Gyizoug: moo" gi Yuda byumyu" yi ci: yoomo Yooboo foin: go" khyoo: ri khyag za: si noug yoomo nyang: gi thang: nyid ri Polu ri jang co" tei" to" ziri phoid: pyam' nhang: lho: khainjung agyi moo"' yi yo' Yuda tarha" yabdo, moo boo mo, dangain" ri zeung: phoung lo boem wa shid' mo amyeing" khyo' kaid' bye. Hau: thang: ri nyang: gi Polu ri shu" lo wigi nyangnu" da" shid' khoin" moo yab, jo, nhang.

ACTS 5:40

Nyang: nu" gi lagyoo: ri khe: fang yu lho: nyangnu" ri baid' lho: wigi Yesu da" myeing ri lang: lho: khanham we' akho" kyoo" loo: goo" ga: nyangnu" ri amyeing" byid: kaid' ago". Hau: thang: rigi nyangnu" gi lagyoo: yi ri nhang: kaid' abye: da.

ACTS 8:3

Nghoid loug we' sholu gi phung ri phyo' shoin, pyam' byid: wa shid re" yoem: kaid' nyid da. Nyang: gi dayhoem: bain' dayhoem: khyoo: cang vang yhe: lho: loem" jeung" da" yuggi myi: yi: dangain" bang: ri she: khyoid' thu yu lho: nyangnu" ri thung: lhoung pyam.

ACTS 9:4

Sholu koem gi myidjang: moo leung goeb, loo" khare" - hau: thang: ri nyang: gi Sholu- Sholu- nang ngoori ce: noem koid wigi shen" yhen nyid lha"» ga: da" thui: ri shau" gyo: kaid.

1PETERU 2:13

Aseung: da" myonhoo: ri tu: yu" lho: byu yi zhoug to" da" zoug: yi dangain" mo, da" vhoeb, khang" da" khyoo: ri tam" gyoo: byid: ge'. Gyi: thang da' amyeing" akhang" ci: da" khokham" zeing yo'

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.