LUKA 21:10 - Lacid Common Language Bible

¹⁰ Nyang: yhe: lho: xo' tid da" zigi Byu damyu" yo" damyu"- damoug: yo' damoug: mungdain: daloem: yo" daloem:- gyipui" phang meing: zain go" loo wa.

LUKA 21:10 교차 참조

ESAIA 19:2

Aseing tid zigi «Ngoo gi Egutu mung" khoug: moo gyipui" lhu: zhuang" to' kaid wigi nya: mang: nya: nhung" nyang: cang" thougtheung gyi koid lho: yhoem: kyoo" cang" nyang: cang" thougtheung gyi bui" nhang: wa. Shi' go" nyid da" voomoo" joem ri nyang: cang" gyi zain: nhang: wigi shi' go" nyid da" khokham yigi yoem: so' shid re" yoem: kaid ri" goo" wa.

ZEKHARIA 14:13

Hau: bidnyid moo Aseing gi nyangnu" ri vhu" nhung nhung nhang: lho: gyoug dain nhang: wigi nyang: cang" nyang: zei: go" ci: lho: zain: goo" nhang: wa zi nghoid.

MARKU 13:8

Da moug: yo' da moug: mungdain: daloem: yo' daloem:- gyi zain: go" lo boem wa. Joyoo khyikhang" moo" moo myid leig we' leig loo wa. Zoo yoid phang" khoug we' ju" loo wa. He: gu: gi yaukhe" lo da" ashid" shi" nghoid nyid. Hau khyoo: gi zoo: khu: wa ri xang shid" no shid" zi yo' du nyid.

LUKA 21:11

Joyoo khang" moo" moo myid leig gyi" sho' leig da" khyoo:- zooyoid phang" khoug: gyoo" zi dab, lei da" noophyoo" aja: aja: myo: loo wa. Mougkhung: mo gyoug pho" ziyo'- mau" pho" alhoo: again bue" thu' loo wa.

LUKA 21:9

Nanu" gi meing byo, lo da" gyi dang: yo"- doin: lhoem" keing" khyoo, go" da" lu dang: shaug" gyoo: lo da" uri adain agyug goo"- houg: yhang: te" da" moo" gi xang" shid" bue" loo wa. Nghoidloug we' lo" thang zigi anghoid shi" ga: tid.

ACTS 11:28

Nyang: nu" mo Agabu ga: su: gi to' yab, lho: gyeungshang: da" Venyi yoem: so' khyo" wigi moug: myed gyab, goin" moo phang" khoug gyo" loo wa zi nghoid- ga: wigi lapi: pe da. (Hau: da" phang" khoug moo" zeing gi Roma khosen: kolodi da" apyaid' moo gyeing" nyang: bue" loo bye.)

HEBRE 12:27

Dalheing: doem nhoin, kaid' ga: da" dangkang: gi phain" too" shau" da" zi dangain" ri nhoin, kaid' lho: shoem" shoung: pyam' wa zi nghoid wigi ayo" loeb, ayo" dei, lo: da" zi joem za: deung jo, wa zi nghoid ga: zi nghoid.