LUKA 20:6 - Lacid Common Language Bible

⁶ Houg: su" anghoid lang" gi Byu yi da" amyeing" akhang" khyo" koid:- ein: tid nghoid ri yen gi Byu myoo" sho' mo, gi Yohan ri Lapi: dayug khyo" loem" jeing" to" boem yoomo ngoonu" ri luggo yo' du" boem wa nghoid. Nyhang" khasu" sang: wa lha"» ga: nyang: cang" nyang: sham: ngeig go" nyid.

LUKA 20:6 교차 참조

MATHE 11:9

Houg: su" anghoid lang" gi ci: yu" yhi: go" Lapi: phoo ri yu" wa ein: yhi: go" la". gyeing" nghoid rigi Lapi: phoo da" tho' moo je gyi: su: ri nanu" shau" myang bye"- ein: ngoo tid.

MATHE 14:5

Herod gi Yohan ri said pyam noug nghoid loug we' Yuda byumyu" yi ri gyoug yoomo avoem" said, pyam. Khasu" wim gari houg: bang: gi Yohan ri Lapi: dayug ga: zheung: loem yoomo nghoid.

MATHE 21:26

Nghoidloug we' ‹byu da" akho: akhang" khyoo" koid› ein: tid rigi Meing: byu yi myoo" sho' Yohan ri lape: dayug ga: loem" boem yoomo byu yiri ngoonu" gyoug ca"» ga: wigi nyang: cang" nyang: sham: go" nyid.

MATHE 21:46

Houg: yoomo nyangnu" gi Yesu ri myheig tei" wa da" khyoo: sho: lo" nyid ago". Nghoidloug we' nyangnu" gi mung" byu yi ri gyoug boem ago". Khasu" wim gari Meing: byu yi gi Yesu ri Lapi: nghoid ga: loem" jeung" nyid boem yoomo nghoid.

MATHE 26:5

Nyangnu" gi mung" byu joem thei" lu lhufu go" loo wa yoomo pui" uri amyheig a tei" wa khyare" tid go" to.

MARKU 12:12

Yuda vhu jhung: yi gi nyangnu" ri yeung lho: Yesu he: dangtu ri tid zi si yoomo nyangnu" gi Yesu ri myheig wa ga: soin'- nghoid loug we' byu phung: moo" ri gyoug nyid boem yoo mo nya: jang" mo gang: thu' lo" boem bye.

LUKA 1:76

O"- Nga" zoo: we"- myhang: thang Mangso da" lapi: ga: myheing boem wa. Nang gi Mangso da" khyoo: ri jen" jen" soin to" lho: gam shid" shi: su: nghoid wigi

LUKA 20:5

Nyangnu" gi gyeing" nyang: Mangso da" amyeing" khyo" koid: ein: ngoonu" tid nghoid rigi Houg: ri Yohan ri nanu" ciwim aloem" jeing" go" ga: nyang: tid wa.

LUKA 20:7

Houg: yoomo nyangnu" gi Hang" da" amyeing" akhang" yo"- Babtisma kham: byid: da" khyoo: kha: mo re" zi ri ngoonu" asi ga: ngoonu" ga: nyangnu" phoug tid boem.

LUKA 7:30

Nghoidloug we' Pharishe yo" tarha" sara: yi gi nyang: nya: da" shid' re" Mangsoo byid: to" da" soin nyheing adi ato' ri phyo pyam mo nghoid yoomo Yohan jang" mo babtisma ri akham: yu boem nghoid ago".

YOHAN 10:41

Byu yi myoo" sho' nyang: Yesu jang" moo jure" boem. Nyangnu" gi Yohan gi ce: mau" pho" moo" ayo" zei: shug- Nghoidloug we' he: youg khyoo: yo" sen: lho: wigi Yohan kho" kyo" dang: gi dangain" deung nyid ga: tid boem.

ACTS 5:26

Houg: lang" noku yhoem: moo" mo, goemloem zoug: phoo gi nya: gyizoo: yi yo' thu' lo" lho: lagyoo: yi ri yhe: doem shu" tau" lo. Nghoid loug we' mung" byu yi gi nyangnu" ri lug zeung du" wa ziri gyoug boem yoomo lagyoo: yi ri anoug akhyoid' akoid nghoid ago".