LUKA 20:16 - Lacid Common Language Bible

¹⁶ Nyang: gi re" lho: houg: bang: dangain" ri bain said pyam wigi zabyid khyam: ri we' byu gooji ri nghoo" byid: pyam wa ga: tid. Hau: da" dang: ri shaug" gyoo: boem lang" byu yi gi hid: su" age koid ga: tid boem.

LUKA 20:16 교차 참조

MATHE 21:34

zabyidd" shi" myheing: yo' jhang loo lang" nya: dei, zoo: yi ri zabyid khyam: koid: mo, jhang khyoo: khyam: phoug" zabyidd" shi" ri mho' nhang: kaid.

MATHE 21:41

Nyangnu" khyam: seing: ri «khyam: seing: gi hau: akhyeing" mo, ri gyeing" gyeing" nyang: said pyam wa zi nghoid. Khyam: ri nghoid loug- ashi" phyo' yo, ri khyam: phoug" main" main" nau byid: mo, gootu: byu yi ri thoid nghoo" byid: wa zi nghoid» ga: phoid: kyo" boem.

MATHE 22:7

khokham" phoo gi nheig gye yo: lo wigi Nya: gyizoo: yi ri nhang: kaid lho: wigi hau: byu said mo, ri yhe: said pyam nhang: nyangnu" voogung ri we' nghe pyam nhang.

MARKU 12:9

Houg: lang" khyam: seing: gi khasu" koid wa lha".- nyang gi re" lho: khyam: ngho" zei: mo, ri said pyam wigi hau" zabyid khyam: ri we' goo ji yi ri nghoo" byid: pyam wa nghoid.

LUKA 19:27

Hau: tho' moo gootu: ngoo vhoeb khang" khyoo: ri anau kham: mo, nga" gyivoo joem ri hid: moo shu" lo lho: nga shid' mo said khyo pyam ge" ga: tid.

LUKA 20:15

Houg: yoomo khyam seing: da" nya: zoo: ri nghi: khyoo: she: thu' lho: said pyam boem ago". «Houg: lang" khyam: seing: gi he: khyam moo" zei: mo, ri khasu" koid: wa lha".» ga: Yesu myid.

ACTS 13:46

Nghoid loug we' Polu yo' Barnaba eig yug gi je" ri agyug avoem, loo: za: Mangso mungdang: gi nyangnu" rishi" - xang: shed" tid kyoo" wa da" khyoo: eung: nyid. Nghoid loug we' nyangnu" gi hau: mungdang: ri ngeug pyam lho: hau: apyaid' atoo: mo, kangso' yo' amoin: yi" ga- nyhang: nu" nyang: dang: zheung: phyed' yu lho: nga" eig yug gi nanu" ri too" kho' lho: tungbau byu yi jhang khyoo: yhe: loo" wa zi nghoid.

Roma 11:1

Hougsu" nghoid yoomo - ngoo gi myid kaid' bye. Mangsoo: gi nya: da byumyu" ri she: lhei" pyam' bye: la". Gyeing" nyang: ashe: pyam. Ngoo nya: gung du: nyang: lang" Israela byumyu" dayug nghoid nyid. Ngoo gi Abraham mo ko' gyoo" loo su Benyamin kung: moo boo su" dayug nghoid.

Roma 11:11

Hougsu" nghoid yoomo - Yuda byumyu" yi gi - Mangso: mungdang: ri she: pyam' boem lho: - apyaid' atoo: soem" joem: shid: lo" boem bye la". ein: ngoo myid nau. Khasu" nghoid loug asoem" ajoem: loo" wa. Nyanu" yooboo shoid' nyid yoomo tungbau byumyu" yi gi khyoid' yu shau" lo. Hidsu" bue" loo yoomo Yuda byumyu" yi gi tungbau byumyu" yi ri - noo" zo: nheigloem: bolo boem.

Roma 3:31

Hougsu" nghoid ri ngoo nu" gi loem" jeung" khyoo: khyo" tarha" ri she: lhei" pyam boem wa la". Ashe: lhei" tarha" ri je geing: teing nhang: wa khyoo: nghoid.

Roma 3:4

Gyeing" ga: rigi houg: su" ayo" tid. Byu yug khang" moo" mhoug nghoid loug we' - Mangsoo: gi deingmain" wa zi nghoid. Jhoem: mungdang: moo- nang tid to" dang: gi deing byeung" loo wa. Tarha" dang: phyed nyid" ri nang za: oung: loo" wa.- ga: lhid" to" ziyo' dakhyoo" ti" nghoid.

Roma 3:6

Mangsoo: ri atarha" ein: cekhyo" we' ayo" tid. Gyeing" nyang: Mangsoo: atarha" nghoid rigi he: mougmyid ri khakhyo" tarha" dang: phyed wa la".

Roma 6:15

Hougsu" nghoid yoomo ngoonu" gi Moshe da tarha" vhoo moo anyid loo yoomo ngoonu" gi ciwim yooboo koid' shi" wa go" la". Hougsu" koid' wa shid' re" dangkang: ajo, loo.

Roma 6:2

Hougsu" anghoid o"- yooboo yoomo ngoonu" bain shid: bye: mo ngoonu" gi khasu" wigi yooboo khoug: moo daloung" jo, shi" wa la".

Roma 7:13

Hougsu" nghoid ri gye ge da" zi gi ngoonu" ri ciwim shid: nhang: la". Ashid: nhang: nghoid da: - ngoori shid: loo" nhang: zi gi yooboo nghoid da. Yooboo gi shid: lo" khyoo: ri kang kaid' lho: - agung yab shug loo nhang: wa shid' re" ge da" tarha" ri ci: lho: ngoori shid: nhang: da" khyoo: za nghoid. Hougsu" nghoid yoomo yoobo gi khayhi' gyoug ge da" khyoo: ri Moshe tarha" wigi toin" shid' nyid.

Roma 7:7

Hougsu" nghoid rigi ngoonu" khasu" ein: tid boem wa lha". Moshe da" tarha" gi yoobo da" tarha" ein: wa la". Hougsu" age tid. Nghoidloug we' yooboo ga: zi ri Moshe tarha" wigi ngoori si nhang:. Gyeing" nyang: Moshe da" tarha" gi myo no, vhoo: age boo ga: atid' to" nghoid rigi myo no, vhoo: bo ga: zi ci: nghoid zi ngoo si wa zi anghoid.

Roma 9:14

Houg: su" koid' da' khyoo: ri Mangsoo: gi - atarha" ein yo" tid wa la". Ce: khyo" we' hougsu" ayo" tid.

1Korinthians 6:15

Nanu" da" gung doem: joem gi-Khristu da" gung doem mo akung: ako'' joem nghoid ziri- nanu" si' go" la" Hougsu" nghoid ri Khristu da" ako' dakung: ri khyu, yu lho: shava myhi' da" akung: ako'' moo: xo' loo" nhang: wa la" Hougsu" we' age bui" wa.

GALATI 2:17

Hougsu" nghoid yoomo ngoonu" gi Khristu yo' dadeing: daloem: za: bue" loo bye: khyo" Mangso shid moo yo" deing byeung" loo baja"- ein: yoem: kaid jang" moo ngoonu" nyang: we' tungbau byumyu" yi yhang: ti"- yooboo yoo" mo, nghoid khyoo: bang thu' lo rigi Khristu nyang: yoobo da" moozoo" ri voin, vu, nyid su: nghoid ein: yo" tid wa la". Kha: khyo" we' age tid.

GALATI 3:21

Hougsu" wigi toung: to" da" tarha" gi Mangso da" dang: soo" khoin" joem yo' adu goo" ein: tid nau la". Hougsu" anghoid o"- Khasu" wim gari kangso' yo" dei loo nhang: da" tung: to" tarha" ri xangsu: byu yi yo" yu to" nghoid boem rigi nyangnu" hau" tarha" ri cang pyeing" yoomo Mangsoo shid moo yo" deing byeung" loo" goo" wa.

GALATI 6:14

Ngoo koem gi ngoonu" da" Aseing Yesu Khristu da" pyang" zeing mo goo tu:- ce: noem khyoo: moo we' myonhoo: sho: phau: khuang jang: ajo- Khasu" wim gari nya: pyang" zeing yoomo he: moug myid gi nga" shid mo shid: mang bue" byug wigi ngoo we' he: mougmyid shid re" shid: mang bue" byug bye.