LUKA 2:39 - Lacid Common Language Bible

³⁹ Nya: myhi' yo' nya: phoo gi Mangso da" tarha" dangain" ziri bain zei: kho' lho: Galile mung" mo Nazared voo ga: da" nyang: nya: mung" khyoo: doem lo" boem.

LUKA 2:39 교차 참조

MATHE 3:15

Houg: ri Yesu gi «akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:» ga: nyang: ri tid. Houg: lang" hau: moo" nyang: ri zei: byid: bye.

LUKA 1:26

Elisabed gung lid: zi lham" moo" khyug khyab myang" lo" da" uri Mouglagyoo: Gabriela ri Galile mung" Nazared voogung mo zoomyi: dayoug jhang khyoo: nhang: kaid.

LUKA 1:6

Nya: eig yug goin" - Mangso da" shid' khoin" moo deing: byeung" su: eig yug nghoid. Mangso da" mungdang: bain sho' yo"- Mangsoo pyeing: to" da" dang: dakhoin" we' ashoid loo: cang byeung" su: tang: nghoid.

LUKA 2:4

Yoseb we nyang: loxo' wa ga: dang: myed: to" da" Mari yo" dage" Galile mung" Nazared voogung mo wigi Yuda mung" Bedlehem ga: da" David khokham" da" voogung khyoo: yhe: lo" ago". Mari gi zoo: khu: wa jen" jen" nghoid bye. Yoseb gi David khokham" da" nya: myid: nya: zoo: nghoid yoomo Bedlehem voogung khyoo: yhe: lo" zi nghoid.

LUKA 2:51

Hau: thang: ri zooshang: Yesu gi nya: yhed yo' nya: ba" tang: jang" moo cang lo" lho: Nazared voo moo ju" loo" lang" gi myhi, pho tang: da" dang: ri tam" gyo: nyid. Nya: myhi' Mari koem gi hid: su" bue" da" khyoo: dangain" ziri nya: nheigloem: moo xoem" to.

LUKA 4:16

Yesu gi Nazared voo moo doem ju" yhe:- Nazared voo gi Yesu nyid gyi: lo da" voo nghoid. Dougn: Bidnyid ri Yesu gi lhoung: yhe: main: ziyo' dakhyoo" ti"- tarha" jung moo vang lo. Jhoem: mougsoug" nghab wa ga: to' yab lang"

LUKA 4:23

Yesu gi-nanu" gi Doug Tha nang we' na nya: noo shi" bain sho' ze: ge pyam we' ga: da" dang: ri ci: lho: ngoori tid boem wa. Kaperna-um voo moo Yesu koid: shug ga: zi:- ngoonu" shaug" gyoo: da" khyoo: joem ri Na nya: moug: moo we' koid: shug we' ga: deung" deung tid boem wa.

TARHA" TID POIN" 12:32

Ngoo nanu" ri amyeing" byid: to" zi ja: khang" moo ” ri koid ge'. Houg: moo daja: ja: aloung: goo". Houg: mo daja: ja: ri we' ayu pyam go".