LUKA 2:14 - Lacid Common Language Bible

¹⁴ Mougkhung: moug: di moo Mangsoo gi myonhoo: phung" yoeb bo nyid baja"- Myidjang: tho' moo we' nyang: vho: ngei da" byu yi moo myen, jham" ngei pyo: khyoo: gi dajo, jo, baja" o"- ga: Mangso da" myeing khyang" ri coung" nghei boem ago".

LUKA 2:14 교차 참조

ESAIA 44:23

Mougkhung: nang we"- gau wigi nyhoo: we'. No, da" mougmyid joyoo joem we"- nyhoo: ge'. Boem joem yo' seig moo" yoo mo seiggam khang" moo" we"- gau wigi nyhoo: ge'. Aseing gi nya: byumyu" Israela ri khyoid yu da" khyo" nya: gyi: sheung: ziri toin" shid da:.

ESAIA 49:13

Mougkhung: we"- jikhoin" we' myidjang we' gau wigi nyho: yoid ge'. Boem joem ri jikhoin" khoin" nhang: we'. Aseing gi nya: byu yiri nheig teing byid: loo wa. Nyang: gi ashoo" ajhen: kyi" khyeug kham zo: nyid da" nya: byumyu" yiri nheig khyeug byid: loo wa.

ESAIA 57:19

Ngoo gi jang" moo vi: moo nyid bang: dangain" ri ngei pyo: yug yoo: khyoo: byid:. Nga" byu yiri ngoo byang" gi byid: wa.

MIKHA 5:5

Nyang: gi myenjham" khyoo: ri byid: loo wa zi nghoid. Asuri byumyu" yigi ngoonu" da" mung" ri zain: ce" vang lo lho: ngoonu" da" gyi khoug: goo zung joem phyo' sain" boem uri ngoonu" yo' ngoonu" da" yoem: bo thang da" vhujhung: yiri zain: wa shid re" nhang: kaid wa zi nghoid.

MATHE 21:9

Yesu da" shid' khyoo: thang: khyoo: cang lo da" byu myoo" sho' mo, gi «David nya: zoo: myonhoo: ngeilang: ri coung" byid: ge". Aseing da" myeing yo' ju" ri" su: gi ngi lho, nyid baja". Mangsoo ri coung" ge'» ga: tid boem.

LUKA 1:79

Shid: zau: da" bid shoem: yoeb moo zhoung: jo mo, da" tho' moo doug bang loo wa nghoid. Hau: tho' agoo"- Ngoonu" da" myenjham" khyoo: moo shu" vhu" she: loo wa zi nghoid.

LUKA 19:38

Nyangnu" coung" nghei thui: gi Aseung: myeing yo" jure" da" khokham" phoo gi ngilho' dang: khab nyid baja" o"- Mougkhung: mougdi moo Mangsoo phung" yoeb myonhoo: yo, myenjham" nyid baja" o".

LUKA 2:13

Hau: da" Mauglagyo: nam, moo dalheing dam- Mougkhung: lagyoo: yi ajoem ayoo thu' myhang re" boem lho:

LUKA 2:15

Mouglagyoo: yi mougkhung: khyoo: doem lo" byug boem thang: ri yang zung" mo, gi ngoonu" gi Bedlehem voogung khyoo: yhe: yu" boem shang Ngoonu" ri Aseing: re" tid kyo" khyoo: ri yhe: yu" yu" boem shang Ga: nyang: cang" nyang: tid go" lho: Bedlehem voogung khyoo: myab myab yhe: lo" boem.

LUKA 3:22

Gyeungshang: da" Venyi: gi pheing" kyoug" khyo" Aseing: tho' moo gyoo" re". Mougkhung: mo wigi pheing" kyoug" khyo" Aseing: tho' moo gyoo" re. Mougkhung: mo wigi nang gi nga" zooti" zoo: nghoid. Nang ri ngoo jheddab ga: thui: ri shau" gyo: thu' lo.

YOHAN 14:27

Ngoo gi myenjham" khyoo: nanu" ri byid: khoo bye:- hau: da" ngei pyo: myenjham" da" khyoo: gi nanu" ri moug myid byu yi byid: te" da" zi anghoid. Nanu" nheigloem: myid amyoo: goo. Nheugloem: athang goo"- gyoug we' agyug goo.

YOHAN 17:4

He: mougmyid moo ngoo gi re" da" myonhoo: phung: yoeb' ri thoin" pang byid: bye. Nang ngoori ab byid: da" moo" zeing: ri bain sho' zei: pyam bye.

YOHAN 3:16

Khasu" wim gari Mangso da" nya: zoo: ri loem" jeing" bang: hang" nghoid loug we' ashid: loo za. Apyaid ato: kangso' yo" yu baja" ga: Mangsoo gi nya: zooti" zoo: ri byid: pyam jang moo ju" sho' Mougmyid xangsu: byu yi ri jheddab nyid.

ACTS 10:36

Dangain" mo, da" aseing: nghoid- Aseing Yesu khristu khyo" wigi Israela byumyu" yi ri Mangsoo tid fu" byid: da" ngei pyoo: yug yo ludang: seig nghoid mungdang: ri nanu" nyang: se' abye: go.

Roma 5:1

Ngoonu" gi loem" jeung" khyoo: khyo" wigi Mangsoo: da" shid' khoin" moo deingbyeing" mo yo" bue" loo bye: yoomo ngoonu" da" Aseing Yesu Khristu khyo" Mangso: da shid' khoin" moo ngei pyoo: myenjham" khyoo: ri ngoonu" yo" kham zo: boem bye.

Ephesu 1:6

Nyang: jheddab da" nya: zoo: khyo" wigi aphoug" amho, loo: ngoonu" ri byid: da" jeju" jhung: shug yoomo phung" yoeb, bo da" nya: jeju" ri coung" nghei boem shang.

Ephesu 1:9

Mangsoo gi nyang: myid soin: to" khyoo: ri koid lho: Khristu khyoo" wigi joeb, byeung" loo nhang: wa shid re" myid phyed' too" bye: da" nyang: yhoem" too" zau" to" da" soin' nyheung to" khyoo: ngoonu" ri si' nhang: bye.

Ephesu 2:4

Nghoid loug we' Mangso da" nheig khyeig shoo" myen: khyoo: gi athang agoin zi nghoid wigi nyangnu" ri jheddab da" jhed khyeing: kang: khyeing: gi gyi: sheung: jo, lho.

Ephesu 2:7

Nyang: hidsu" koid da" khyoo: gi Khristu Yesu moo ngoonu" ri toin" shid da" nya: jhed khyeing: kang: khyeing: khyo" wigi nya: da" jeju" gi gooki" lid' gyi: sheung: jo, da" khyoo: ri myang se' loo wa shid re" toin" shid nyid.

PHILIPI 2:11

Phoo, Mangso da" myo, nhoo" phung" yoeb shid re" Khristu gi Aseing: nghoid nyid" ga: wigi yhoo: dab, moo dab, gi tid fu" yhen: yu nyid boem wa nghoid.

PHILIPI 2:13

Khasu" wim ga: ri Mangsoo gi nya: da" myid vho: khyoo: ri nanu" tam" gyo: cang loo" nau, da" myid yo' cang lo" nhang: da" yoem: vhoo" ri nanu" yo" yu goo" baja" ga- Mangsoo gi nanu" moo khanham we' moo" dazei: byid: nyid.

KOLOSE 1:20

Hougsu" nghoid yoomo Mangsoo gi-nyid moo nyid jo, moo jo, dangain" gu: gi nyang: yo' doem veing" go" loo baja" ga- myid phyed' to" abye:- Mangsoo gi pyang" zing tho' moo-ab, noung" shid: kham: bye: da" nya: zo: suid" yo' doem nyeung veung" go" da" myenjham" ngei pyo: khyoo: koid wigi moug: khung: moug: di yo' mougmyid' yoosoo" moo jo, moo jo, nyid moo nyid ri nya: jhang khyoo: shu" yu bye.

2 THESALONI 2:16

Yha" da" Aseing Yesu Khristu nyang: yo' ngoonu" jheddab nyid da" phoo Mangsoo gi nya: jeju yo' ngoonu" ri geung: teung da" yoem: vhoo" khyo" ge, lho, da" nheig byu joyoo byid: too" bye.

Pang Shug 5:13

Hau: tho' mo gootu: moug: khung: mougdi mougmyid yoosoo" myid' the" pyam: yo' nam mug dara, khyi khang" moo" moo nyid da" dei noem loeb, noem dangain" mo, gi " Zhung: tang tho' moo zhoung: jo, su: yo' yang nu" gi moug: myed pyaid khang" moo" moo myonhoo: phung" yoeb, yo' phoug" tab ngi shab, byid: ziyo' coung" nghei byid: khyoo: gi pyaid moo too: moo dajo, jo, baja" o"- ga: wigi khoin" jikhoin" thui: joem ri ngoo shau" gyo.