LUKA 2:11 - Lacid Common Language Bible

¹¹ David da" voogung moo Aseing: Khristu ga: da" khyoid yu Aseing: gi Nanu" shid' re akhid" nyid" khu: loo bye.

LUKA 2:11 교차 참조

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

COUNG" NGHEI 2:2

Aseing ri nyangnu" da" khokham yi tu: lhoin" lo wigi mung" zoug: yi we' lhoem: thougtheung wa shid re" zheung: gau" sham: go" nyid boem lho: nyang: khyen: soin' to" da" khokham phoo ri we' thougtheung nyid boem.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

MATHE 1:16

Yaku gi Mari da" yhoem: seing: phoo Yoseb ri khu: kaid bye. Mari gi Khristu ein: da" Yesu ri khu: kaid bye.

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

MATHE 16:16

Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.

MATHE 16:20

Hau: thang ri Yesu gi nyang: khristu nghoid da" khyoo:- hang" ri we' atid kyoo" goo" ga: cangzoo: yi ri toung: to.

LUKA 1:43

Nga" yhoem: seing: da" nya: myhi' gi ciwim wigi nga" jang" moo to' ju" lo lha".- ciwim wigi hid: yhi' da" jeju" ngoo shau" kham: zo: lha"» ga: tid.

LUKA 1:69

Shid' phyang" re- gyeungshang: gyeungshang: da" lapi: yi mo wigi tid to" ziyo' dakhyoo" ti"-

LUKA 2:26

Gyeungshang: da" Venyi: gi nyang: yo" dage" nyid. Nyang: gi Mangso dang: theing to" da" Meshia ri ashau" noku ku" gi ashid: wa" ga: gyeungshang: da" Venyi: khyo" wigi ayoeb abang ri yo" kham: yu nyid su: nghoid.

LUKA 2:4

Yoseb we nyang: loxo' wa ga: dang: myed: to" da" Mari yo" dage" Galile mung" Nazared voogung mo wigi Yuda mung" Bedlehem ga: da" David khokham" da" voogung khyoo: yhe: lo" ago". Mari gi zoo: khu: wa jen" jen" nghoid bye. Yoseb gi David khokham" da" nya: myid: nya: zoo: nghoid yoomo Bedlehem voogung khyoo: yhe: lo" zi nghoid.

YOHAN 1:41

Nyang: gi nya: mang: Simun ri myang lang" tid zigi ‹‹Ngoonu" koem Meshia ri myang bye.» (Meshia ga: da" dangkang: gi)- Khristu ga: zi nghoid ga: tid.

YOHAN 1:45

Philib gi Nathanela ri myang lang" Moshe da" tarha" pug moo nghoid loug- Lapi: yi da" Jhoem: mungdang: moo nghoid loug- lhid" shed' too" su: ri ngoonu" myang bye. Hau: yug gi Yoseb da" nya: zoo:- Nazared mo Yesu nghoid ga: tid.

YOHAN 11:27

Martha gi loem" bye: Aseing: we"- He: mougmyid moo gyoo" loo wa ga: da" Mangso: nya: zoo: Meshia nghoid ziri ngoo loem" bye: ga: tid.

YOHAN 20:31

Nghoidsho' loug we' Yesu gi Mangso da" nya: zoo: Meshia nghoid da" khyoo: ri nanu" loem" jeing" loo wa ziyo' nanu" nyang ri loem" jeing" lho: kang so' yoo" wa shid re" he khyoo: joem ri lhid" to" zi nghoid.

YOHAN 4:25

Hau: myiyi: myhi, gi ‹‹Meshia nyang: ju" gyoo" ri" wa zi ngoo se'- Hau: da" ju" gyoo" loo lang" gi ngoonu" ri khyoo" dangain" re" tid shed wa zi nghoid›› ga: tid.

YOHAN 4:42

Houg: bang: gi Samari myiyi: myhi, ri ‹‹Akhid" ngoonu" gi Aseing: ri loem" jeing" lo boem zigi re" dang: yoomo za: anghoid- Aseing: da" mungdang: ri ngoonu" nyang: shaug" gyoo: boem yoomo danghoid. He: da" Aseing: gi mougmyid da" khyoid yu su:- gyeing" gyeing"- nyang: nghoid da" khyoo: ri ngoonu" si' bye: ga: tid boem.

YOHAN 6:69

Hau: tho' mo gootu: Aseing: gi Phoo Mangso jang" mo gyoo" lo da" gyeungshang: Aseing: nyang: nghoid bye: da" khyoo: ri akhid" ngoonu" gi yu" myang loem" jeing boem bye: ga: phougtu.

YOHAN 7:41

Dayham" bang: tid zigi Meshia nyang: nghoid ga: tid boem. Nghoidloug we' dayham" bang: gi Meshia gi Galile mung" mo thu' loo wa zi anghoid.

ACTS 10:36

Dangain" mo, da" aseing: nghoid- Aseing Yesu khristu khyo" wigi Israela byumyu" yi ri Mangsoo tid fu" byid: da" ngei pyoo: yug yo ludang: seig nghoid mungdang: ri nanu" nyang: se' abye: go.

ACTS 13:23

Mangsoo gi nyang: dang: soo byid: to" ziyo' dakhyoo" ti" David nya: myed: nya: zoo: yi mo nghoid da- Yesu ri Israela byumyu" yi da" khyoid yu Aseing: bue" loo nhang: bye.

ACTS 17:3

Meshia gi dayam, dayoo: kham' zoo: ca" wa ziyo' - shid: jang" mo doem, dei to'' loo wa"- ga: da" khyoo: joem ri jhoem: mougsoug" moo shid' lho: nyangnu" ri phyed' phyed' kho' kho' tid kyo" nyid. Polu gi nyangnu" ri hid: ngoo tid kyo" nyid da- Yesu gi Meshia nyang: nghoid bye"- ga: tid kyo.

ACTS 2:36

Houg: yoomo Nanu" wigi pyang" zeing tho' moo baid' jen" said pyam da" hau: Yesu gi Mangso wigi Aseing: yo' Meshia khyo" tang: too" bye: ziri Israela byumyu" goin" khyag za: se' yu looge' o"- ga: tid kyo" da.

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

1Korinthians 15:47

Xang: shid" mo da" byu Adam gi myid zhoo" yo' phain" to" wigi- myid jang: tho' moo: byu nghoid. Thang: re da" Adam koem gi moug: khung: moug di khyo" ju" re" zi nghoid nyid.

PHILIPI 2:11

Phoo, Mangso da" myo, nhoo" phung" yoeb shid re" Khristu gi Aseing: nghoid nyid" ga: wigi yhoo: dab, moo dab, gi tid fu" yhen: yu nyid boem wa nghoid.

PHILIPI 3:8

Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

KOLOSE 2:6

Nanu' gi Khristu Yesu ri Aseing: ga: wigi lhoem: yu bye ziyo' dakhyoo" ti" -nyang: yo' dage" deung: shoin" lho: kangso' dei nyid ge'.

1YOHAN 5:1

Yesu gi Meshia nghoid ga: loem" jeung" byu hang" nghoid loug we' Mangso nya: zoo: yi nghoid wigi hau: nya: phoo ri jheddab mo, hang" Nghoid loug we' nya: zoo: ri we' jheddab nyid bye.