LUKA 2:10 - Lacid Common Language Bible

¹⁰ Mouglagyoo: gi agyug goo"- ngoo gi byu dangain" mo, shid' re" gye" gau yi ge da" lu dang: ri nanu" jang" moo voin ri" bye.

LUKA 2:10 교차 참조

APOEM AYANG: 12:3

Nang ri mainkaid dang: sang: mo, ri ngoo we' mainkaid byid: wa. Nghoid loug we' nang ri nheing" mo, ri ngoo we' nheing" wa. Houg: lho: nang yoomo ngoo gi byumyu" dangain" bang: ri mainkaid byid: wa» ga: tid.

ESAIA 40:9

Yerusalem we"- myhang: da" boem tho' khyoo: do, lo" lho: lu dang: gi ri tid fu" we'. Ziun we"- thui: zeing yo' nyho: wigi Lu dang: gi ri tid fu" we'. Tid thu' we' agyug noo". Nyangnu" Mangsoo ju" re" nyid da" khyoo: ri Yuda voogung joem ri tid kyoo" we'.

ESAIA 41:27

Ngoo Aseing gi Ziun ri lu dang: tid kyoo" wa xang: shi" yug nghoid. ‹Re" byumyu" yigi ju" lo nyid. Nyangnu" yhoem: khyoo: ju" lo nyid ago" ga:› Yerusalem ri tid wa lagyoo: dayug ri ngoo nhang: kaid da:.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

ESAIA 52:10

Aseing gi nya: gyeung" shang: yoem: so' ri ci: wa. Nyang: gi nya: byu yiri khyoid yu wigi Mougmyid byu xangsu: dangain" gi hau: ziri myang boem wa.

ESAIA 52:7

Lu dang: gi nghoid da" yug yoo myenjham" da" lu dang: voin wigi boem joem ri lid: phyid lho: re" nyid da" lagyoo: dayug ri Shau" myang zigi gye" mau" pho" zi nyang: nghoid. Nyang: gi oung: doid khyoo: ri tid fu" wigi Ziun ri «Re" Mangsoo gi khokham nghoid da o"» ga: tid.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

DANIELA 10:19

Nyang: gi «Nang ri Mangsoo jheddab da:. Houg: yoomo ce: wigi we' nang ri aseing" khoo" nhang:- akyug tain' nhang:» ga: tid da:. Nyang: hau: zi bain tid lang" Ngoo je" yoem bo lo thui: gyo: wigi «Aseing: we"- nang tid ca" ziri tid we' nang gi ngoo ri je nyid pyoo: thui: gyoo: nhang: abye:» ein: tid bye:.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 14:27

Yesu dalheing: dam tid zigi «seing" yang" ge'- agyug goo" ngoo danghoid» ga: tid.

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

MATHE 28:5

Hau: moug: lagyoo: gi myiyi: eig yug ri «agyug goo"- pyang" zeing moo baid jen said pyam bye da" Yesu ri re" eig yug sho: nyid zi ngoo se.

MARKU 1:15

Ayo, byeung" bye- Mangso mungdain ju" ri" bye- nanu" da" youg: mo yooboo mo lheung: lho ngeib: ludang: ri loem" jeing" loo: ge'

MARKU 16:15

Houg: lang" Yesu gi nyangnu" ri- nanu" moug: myid goin" goem: sho' yhe: lo" wigi myu" cang: joeb sho' mo, ri hau: ngei bu: lu dang: kho" khyoo" ge'.

LUKA 1:13

Nghoidloug we' Mouglagyoo: gi Zakhari we" agyug Mangsoo gi nang mho' da" Mangso thui: ri tam" gyoo: byid: bye. Re" myhi' zeing Elisabed gi yuggi zoo: agyid asoo: yo" khu: loo wam bye. Hau: zooshang: ri Yohan ein: myeing myheing byid: wa zi nghoid.

LUKA 1:19

Mouglagyoo: gi ngoo gi Mangso da" shid' moo yab jo da" Gabriela nghoid nyid Nang ri he: da" lu dang: gi re" tid kyoo" wa shid' re" Mangsoo gi ngoori nhang: kaid zi nghoid.

LUKA 1:30

Mouglagyoo: gi Mari we" agyug- nang gi Mangso da" shid' khoin" moo myonhoo: bug thu' sheing" jhu" bye.

LUKA 2:11

David da" voogung moo Aseing: Khristu ga: da" khyoid yu Aseing: gi Nanu" shid' re akhid" nyid" khu: loo bye.

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

LUKA 8:1

Ayo, dajhi' myang" lo" da" uri Yesu gi voo gung myoo" sho' lid lo" zoore"- Mangsoo mungdain' lu dang: gi ri kho" kyo" lho.

ACTS 13:32

Coung" nghei, jikhoin" mougsoug" abeing: eig loem: moo Nang gi nga" zoo: nghoid- Akhid" nyid" ngoo nang ri khu: kaid da" Re" phoo nghoid- ga: tid to. Houg: yo' dakhyoo" ti" Mangsoo gi Yesu ri dei, to loo" nhang: khyo" - ngoonu" da" phoug" phyid" yi ri byid: to" da" dang: soo" khon" gi nyangnu" da" myed: zoo: yi nghoid mo, ngoonu" moo zei: pyeung byid: abye:. Houg: yoomo ngoonu" gi he: da" ludang: gi, ri nanu" ri tid kyoo" wa shid mo he: joyoo moo ju" re" zi nghoid.

Roma 10:15

Kho" kyoo" wa shid' re" nhang: kaid' su: abo ri khasu" se' kho" kyoo" wa. Jhoem: mungdang: moo bo zi yo" dakhyoo" ti" - ngibu: lu dang: gi ri voin loo mo da" khyid: yi gi - khayhi' young" du nyid boem lha"» ga: lhid" to".

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

KOLOSE 1:23

Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.