LUKA 19:44 - Lacid Common Language Bible

⁴⁴ Nyangnu" gi nang ri we' re" da" vang khoug: moo nyid da: byu dangain" mo, ri we' lhu: phyo' sain" pyam boem wa. Lug daloem: tho' moo daloem: lang" aki" loo: wa, ce: noem wim la"» ga: ri Nang gi nanyang: ri khyoid yu wa da" Mangsoo gyoo" lo da ayo, ri nang asi yoomo nghoid ga: tid.

LUKA 19:44 교차 참조

COUNG" NGHEI 137:9

Re" da" zoonu" yiri vu, yu lho: lug thi: moo: thung" mo, Nyangnu" nghoid nyid boem.

ESAIA 10:3

Mangsoo nanu" ri yooboo dam byid: uri nanu" khasu" koid goo" wa la". Ve: da" mung" mo kyi" khyeug zi nanu" adang moo nyang: ci: loo byid: lang" nanu" khasu" koid goo" wa la". Pang" thug khyoo: ri nanu" khamo yhe: tang" sho: yu wa la". Nanu" da" jonu" ri khamoo: yhe: shoung: too" goo" wa la".

ESAIA 29:3

Mangsoo gi voomoo" ri khaid zain: loo wa vang: to" wigi zung" nyid boem wa.

YEREMIA 11:23

Ngoo gi Anathod voobyu yi dang moo byo, yoin" zi ci: loo byid: wa bidnyid so" too" bye:. Houg: lho: hau: ayo, ju" loo lang" nyangnu" mo dayug we' anyid deing loo goo" wa.

NGOUG JI: 1:8

Nya: da" ngi: shab khyoo: gi bei: byug bye:. Nyang: gi shoocen: doem: nghoid nyid wigi yu" nge nyid ago". Nyang: gi nookyeing" kyeung" nyid ziyo' sho' ziyo' nya: myonhoo: ri nghoeb ci: da:. Yerusalem gi gyoug dain' pho" youg: noo yooboo joem yo' nya: gung ri aco' ajhoid koid pyam da:.

DANIELA 9:24

Nyhed xi: zain nyhed lheing: gi re" byumyu" ri yo' re" da" gyeung" shang: voomoo" ri yooboo yo' akhyeing" ashoeb jang" mo loid byoin nhang: wa shid re" Mangsoo xoem" too" byid: da" ayo, akhyeing: nghoid da:. Yooboo ri khyoid pyam byid: lhoo apyaid atoo: moo tarha" nyeung veung" ziri zhug to" loo wa. Houg: lho: yoeb myang yo' lapi: dang: gi jo loo wa. Houg: lho: gyeung" shang: Noku Yhoem: Moo" we' doem shugbyid: loo wa.

DANIELA 9:26

Houg: lho: hau: ayo, thang loo" yo, ri Mangso wigi khyen: to" da" vhu" shi: su: ri atarha" da" khyo" said pyam loo goo" wa. Voomoo" yo' Noku Yhoem: Moo" ri yoem: so' gyi: da" moug: jhen" gyizoug: dayug mo phyo' shoin' pyam loo wa. Lo" thang ayo, gi dagyid je: re" yhang: ti" ju" lo lho: Mangso soin' to" da" meing: zain pui" yo' phyo' shoin' ziri bue" thu ri" nhang: wa.

MIKHA 3:12

Hougsu" wigi nanu" yoomo Ziun gi yoothung" yhang: ti" phug sain" pyam zi shoug" wa. Yerusalem gi byo, yoin" jo, wa gyeung" shang: da" Noku Yhoem: Moo" bouggung we' yooyang" no, bue" loo" wa.

MATHE 24:2

Nyang: tid «nghoid bye: zigi He: yhoem: dangain" ziri nanu" myang wa nanu" ri ngoo tid ba"- he: lug yhoem: zeing gi lug daloem: tho' moo daloem: ake" too" loo sho'- phyo' sain" khyo pyam zi shug wa nghoid.»

MARKU 13:2

Yesu gi nyang ri nang he: yhoem: moo" ri myang la". he: lugyhoem: mo lug zeing joem daloem: we' nya jo yoo moo adeung loo: byo, gyo" lo" byug boem wa"-ga: tid kyo".

LUKA 1:68

Israela da" Mangsoo ri coung" nghei nyid ge' Aseing: gi nya: Byumyu" jang" moo gyoo" lo lho: nyangnu" ri loid byoin nang bye.

LUKA 1:78

Ngoonu" da" Mangsoo: gi nheig khyeig shoo" myen: da" nheigloem: yo" byeung" joeb su: nghoid. Aseing: khyoid khyu: yu da" jeju" ri Mougkhung: tho' mo wigi Bid moo" khyab yhangti" ngoonu" tho' moo doug bang gyoo" loo bye.

LUKA 19:42

Voogung nang we"- myenjham" ngei pyoo: khyoo: yoo" nhang: da" khyoo: ri akhid" nyid" myang se' nghoid ri nang ngi lhoo wa. Nghoidloug we' hau: khyoo: ri khid" nyid" nang amyang asi nghoid da.

LUKA 21:6

Hau: uri Yesu gi Nanu" shau" myang da" zi joem dangain" gi lug daloem: we' akhang: joyoo moo ake" too" loo: sho' byo sain" pyam da ayo, ju" loo wa" ga: tid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.