LUKA 18:9 - Lacid Common Language Bible

⁹ Nyang: nya: da: gung rigi deung main" su: nghoid ga: loem: khau ci: lho: subi" goo" ji rigi atham: myang yu" nyhoem: mo, byu yug khang" moo" ri Yesu we' he: dang: tu, ri tid.

LUKA 18:9 교차 참조

DANG: ZHOEM 30:12

Lo" thang sho' aco' ajhoid bue" nyid nghoid loug we' nyang: nya: gung ri gye" gyeung" shang: ga: myid nyid mo, byu dayham" nyid.

ESAIA 65:5

Hau: thang: nyangnu" gi gootu: bang: ri «Ngoonu" yo' vi: vi: nyid we'. Ngoonu" gi gye" gyeung" shang: wigi nanu" age tain"» ga: tid boem. Ngoo gi hougsu" te" da" byumyu" yiri ayo" zeing: kham. Nyangnu" ri thougtheung da" nga" nheig joem: yo: zigi khanham we' ashid: da" myi: yo' du da:.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

XOIN" NGEI" 13:32

Nyhed nyid" ju" lang" khainjung phoo gi dam joid ri doem yu" ri hau: zigi aje: loo- houg mo shoomoug" joem we' aboo" lo ziyo' hau: loem: lheing khab shooyid tho' je ano, vang gyoo" lo" nghoid rigi

LUKA 10:29

Hau: tarha" sara gi nya: deingman" khyoo: vhoo noug yoomo nga" yhoem: kyoo" cang" gi hang" nghoid lha"» ga: nyang: gi Yesu ri myed.

LUKA 15:2

Hparishe yo" tarha" sara: yi gi He: yug gi subi" byu asoin: lo mo, ri kham: yu lho: nyangnu" yo" dage" zo: shug nyid boem nhung lha"» ga: gei sang: go" nyid boem.

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

LUKA 18:11

Pharishe phoo gi nyang: kyeing" yab jo, lho: akyu" mho' zigi O"- phoo Mangsoo: we"- Byu goo" ji yi gi vhoo: boo mo adeung amain" mo sube" myi: lhoid mo, za: danghoid. Ngoo koem gi houg bang: yhangti" anghoid yoomo we' thei: da" kheing" khyu: zo: su: ti" anghoid yoomo we' re" da" jeju" ri boin: ga: tid.

LUKA 19:7

Hau: khyoo: ri myang da" byu yi gi «he: yug gi yooboo yoo" su: da" yhoem: moo theing: wa ga: yhe: loo" bye: nhung» ga: kyiyang myeing ago".

LUKA 7:39

Yesu ri khe: da" Pharishe phoo gi myiyi: houg: su" koid: ziri myang lang" He: yug gi Lapi: nghoid rigi lho: nya: khyid: moo zei: da" myiyi: gi hang" nghoid zi we' ce: noem yoobo shoid su: nghoid zi we' si' wam: bye ga: myid nyid.

YOHAN 8:48

Nyangnu" Yesu ri Nang gi Samari byumyu" dayug nghoid lho: yu vang ci: su: nghoid ga: wigi ngoonu" tid dang: shoid la"» ga: myid: boem.

YOHAN 9:28

Houg: bang: gi nang za: nya: cangzoo: danghoid. Ngoonu" gi Moshe da" cangzoo: yi nghoid ga: nyang: ri juang" ago".

YOHAN 9:34

Houg: bang: gi nang gi ung: khoug: mo, yooboo yo" gyi: sheung: loo su: nghoid lho: wigi ngoonu" ri dajhoug" byid: nyid shi" la"» ga: tid boem lho: tarha" jung mo khaid thu' kaid.

ACTS 22:21

Houg: lang" Aseing: gi yhe: loo" we' Khasu" wim gari - ngoo nang ri tungbau byumyu" yi nyid da" Ve: da" mung" khyoo: nhang: kaid' wa.

Roma 10:3

Nyanu" gi - Mangso: da shid' khoin" moo deingbyeing" lo wa da akhyoo" ri asi yoomo hau: khyoo" moo acang loo za: nyang: nyang: myid soin: nyheing koid' to" da khyoo: ri cang lo" boem. Houg: yoomo nyanu" gi - Mangsoo: nyheing to" deingbyeing" khyoo: moo acang boem.

Roma 14:10

Houg: yoomo nanu" gi ciwim wigi re" mang: nhung" ri dang: phyed' nyid go" lha". Ciwim wigi nyanu" ri aphoug" akhyoid' koid' nyid go". Ngoonu" dangain" mo gi tarha" dang: phyed' zi kham: wa shid' re" Mangso: da tarha" zhoug: tang shid' khoin" moo ju" yab boem wa.

Roma 14:3

Ce: ja: zoo: noem ri nghoid loug we' se' zoo: su: gi houg; su" ase' zoo: su: ri - aphoug" akhyoid' akoid'. Nghang" pho nyoug yu: za: te: se' zoo: su: we' ce: ja: zoo: noem we' se' zoo: su: ri yooboo foin: gei sang: zi akoid'. Khasu" wim ga: ri ce: ja" zoo: noem ri nghoid loug se' zoo: su: ri Mangsoo: kham: yu too" bye: su: nghoid.

Roma 7:9

Ngoo gi Moshe da" tarha" ri dajhi' we' asi' loo: nyid lid: lo yu" bye. Nghoidloug we' toung: to" da tarha" ri se' lo da" zi yo" dage" yooboo jo lo lho: