LUKA 18:3 - Lacid Common Language Bible

³ Hau: lho: hau: voo moo cougmoo" myhi, dayug we' nyid. Nyang: gi tarha" agyi jang" moo yhe: lho: ngoo yo" sei: boo su: ri ung: sho' dang: kho" byid: we' ga: kau: to.

LUKA 18:3 교차 참조

YOBA 22:9

Nang gi cougmoo" yiri apang" thoug tho' agoo" Coug" zoo: nu" yiri lhoid zo: wigi anoug akhyoid koid da:.

YOBA 29:13

Lo" thang sho' kyi" khyeug shoug" bang: ngoo ri coung" boem. Houg: lho: cougmoo" yi goem loem sho' ngoo pang" thoug byid: bye:.

ESAIA 1:17

Jo zi koid wa zhang: yu we'. Tarha" deingmain" ziri cang ge'. Doin: zeig zoo: shoug" bang: ri pang" thoug byid: we'. Coug" zoo: yiri nyangnu" yo" yu eung: da" akhang" ri byid: we'. Coug moo" yiri goem loem byid: ge'» ga: tid.

YEREMIA 5:28

Nyangnu" gi lid: sho' xu: wigi zooshug goolhoo: shau" zo: ago". Nyangnu" da" akhyeing" moo" joem gi thang ga: zi ajo, nghoid ago". Nyangnu" gi coug" zoo: nu" yiri nyangnu" akho: akhang" ri abyid: lho: doin: zeig zoo: shoug" bang: ri tarha" deingmain" zi ayo" byid: nghoid da:.

MATHE 5:25

«Nang ri jhen: dab goo" su: yo' dage" ayo, yoo" shi" uri myab myab sham: veing" goo" ge'. houg: su" anghoid ri jhen: boo su: gi nang ri tarha" agyi yung" moo ab pyam' ri" wa. Tarha" agyi gi nang ri dang: kho' da" ludaid' yi da" lo, moo ab pyam' wa nghoid wigi nang ri thung: khyo' pyam' zi shau" wa.

LUKA 18:2

Voo zeing davoo moo Mangsoo ri we' agyug- Byu ri we' cishu: anhang: da" tarha" agyi dayug nyid.

LUKA 18:4

Tarha" agyi phoo gi shang" yhen" zoo: myang" lang" re" kau: to" da khyoo: ri ayo" tid byid: ga: he: pyam. Nghoidsho' loug we' lo" thang moo nya: gung nyang: tid zigi ngoo gi Mangsoo ri we' agyug- byu ri we' cishu: anhang: su: nghoid.

LUKA 18:5

Nghoidloug we' he: cougmoo" myhi, gi ngoori phibu daci: pu' nyid yoomo nya: da" jo khyoo: yo" yu wa shid' re" ngoo nya: da" moo" ri tid byid: wa zi nghoid. Houg: su" anghoid rigi nyang: gi ngoori atheing: loo: phibu daci: pu' nyid lang" gu: thang: lang: moo gi ngoori myoug: doug nhang: wa zi nghoid ga: tid.

TARHA" TID POIN" 27:19

«Tungbau byu yi coug" zoo yi yo' cougmoo" yi da" akho: akhang" ri abyid: su: hang" nghoid loug we' Mangso nheing" khoin" zang" baja". Houg: lang" byumyu" yi dangain" gi ‹Amen› ga: tu" wa zi nghoid.