LUKA 18:23 - Lacid Common Language Bible

²³ Hau: yug koem gi soidgain jo, nu" myoo" sho' yoo" su: nghoid yoomo Yesu da" dang: shaug" gyoo: lang" nheigloem: gye" gyo: nyhau" lo.

LUKA 18:23 교차 참조

EZEKIEL 33:31

Hougsu" nga" byu yigi nang tid wa da" dang: ri tam" gyoo: wa shid re" zeing: foem: yhe: boem nghoid loug we' nyang: nu" gi nyangnu" koid wa khyoo: nang tid khyoo: ri akoid nghoid ago". Nyangnu" da" nhoid moo jheddab dang: tid da:. Nghoid loug we' nyangnu" gi nyangnu" da" myid vo: lau khyoo: ri xo' koid da:.

MATHE 19:22

Nghoidloug we' hau: zoolu: phoo gi zi gye" yo" sathi" nghoid yoomo Yesu da" dang: ri shau" gyoo: lang" nheigloem: apyo: zoore" thu' loo" khare".

MARKU 10:22

Hau da" dang: ri nyang: shaug" gyoo: lang" myonhoo: phyoug" wim shoem" lo" byug ziyo' nheug kug zeing phang: loo" khare". Khasu" wim ga: ri nyang: soid goin' yoo" su: nghoid.

LUKA 12:15

Hau: thang: ri vhoo: bo myo, no, da" khyoo: aja: ja: ri zed" pyam ge'. Byu da" kangso' gi ziyoo jonu" moo geing: zug jo, zi anghoid ga: tid.

LUKA 18:22

Hau: da" dang: ri shaug" gyoo: lang" Yesu gi nang zei: ca" da" moo" daja: boo shi. Re" da" ziyoo jo, nu" bain sho' oung" pyam lho: sho" jhen: mo ri gam byid: pyam we'. Hau: thang: ri doem re" lho: nga" thang: moo cang we'. Houg: lang" nang mougkhung: moo soidgain yoo" wa ga: nyang: ri tid.

LUKA 18:24

Yesu gi hau: da" khyoo: ri myang lang" soidgain ziyoo yoo" su: shid re" gi Mangso mungdain: khyoo: yo" vang wa shid' re" gye" youg: nhung.

LUKA 19:8

Zake gi yab jo, lho: Aseing: ri «tam" gyoo: we' sara: we"- nga" da" soidgain dago" yi" gi shojhen mo, ri gam byid: pyam wam: bye: ngoo gi gyeing" nyang:- byu dayug yug jang" mo atarha" khyo" mhau' mho' yu ci: da" ngei bo lang" rigi hau: ngei tho' mo myid: boem doem lung: byid: wa» ga tid.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

LUKA 8:14

Zu: kyen: byab moo gyoo" lo" da" myoug shi" gi Mungdang: ri shau" gyo: lho: myid myoo: ungloug da" khyoo:- yoo" zoo: yoo" shug da" khyoo:- gung shoo" nyam khyo: ze wigi nghoeb foeb pyam yoomo mo, da" ashi" ayo" zei:- mo, ri tid nau zi nghoid.

Ephesu 5:5

aco' ajhoid da" nheigloem: boo su- sho' ase' ziyo' phoug" shoid, yen" su- vhoo: boo: loug gyi: su- hang" nghoid loug we' Khristu yo' Mangso da" mungdain mo agyid aso: gam, boem" ri khanham we' yo" kham: yu boem wa anghoid ziri nanu" se' too" ge'- Khasu" wim gari vhoo: boo myo, no' loug gyi: da" khyoo: gi soolhoo: no" da" khyoo: daja: nghoid.

PHILIPI 3:8

Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

KOLOSE 3:5

Houg: yoomo nanu" da" akhoug: moo bo da" aved, avhu: moo"- myo, jang anyau, da" moo"- nyam, da" moozoo"- akhyeing" ashoeb, khyoo: yo' vhoo: boo loug gyi: da" khyoo: gi soolhoo: no" da" khyoo: daja: nghoid- hau: ziri said' pyam' boem ge'.

1YOHAN 2:15

Moug: myid ri we' mougmyid moo jo, da" zi joem ri we' ajheddab nyid goo"- nanu" mougmyid ri jheddab nyid boem nghoid rigi nanu" da" nya: phoo ri ajheddab mo, nghoid.