LUKA 18:13 - Lacid Common Language Bible

¹³ Nghoidloug we' kheing" khyu: zo: su: gi vi" moo yab jo, lho: mougkhung: khyoo: lang" avoem" nghang yu" loo za: O" phoo Mangsoo we"- yooboo shoid vhang su: ngoori nheig khyeig yu shi" we' ga: nya: yanggang moo baid lho:-tid nyid.

LUKA 18:13 교차 참조

2 SAMUELA 12:13

Houg: lang" David gi «Hau: Aseing ri ngoo yooboo shoid bye:» ga: tid. Nathan we' «Hau: Aseing nang ri yooboo khyoid byid: nyid bye:- nang shid: wa zi anghoid.

2 KHOKHAM MHOOMYID: 33:19

Khokham da" akyu" mho' dang:- hau: ziri Mangsoo gyoo: byid: da" dang: phyed- houg: lho: nyang: myid athid shi" uri nyang: shoid da" yooboo zhayhen"- nyang: koid da" akhyeing" da" moo"- tungbau yu phara" ri no' da" joyoo joem yo' nyang: koid da" yu phara" myhi' Ashera da" soolhoo: joem yo' nyang: no' da" yu phara" soolhoo: joem khyoo: dangain" ri Lapi: yi mhoomyid: pug moo lhid" xoem" to" ago".

2 KHOKHAM MHOOMYID: 33:23

Nghoid loug we' nya: phoo yhang: ti" anghoid. Nyang: gi nheigloem: anyhoem: khyo' ziyo' Aseing shoid khyoo: we' aphug loo nghoid da:. Nyang: gi nya: pho tho' lang" yooboo je koid da:.

EZRA 9:6

Ngoo mho' zigi «O" Mangso ngoo gi re" shidkhoin" mo vhuloem avoem" tu: yeung too" loo: sho' nyang: sho' bye:. Ngoonu" yooboo gi ngoonu" vhuloem tho' myhang: sho' boem loo bye:. Hau: zigi mougkhung: myhang nyang: myhang: jo, bye:.

YOBA 42:6

Houg: lho: ngoo gi ngoo tid lid: loo bye: gu: dangain" gang mo myid: sho' wigi pheilhoug: yo' myimoeb boem" moo nheigloem: thid pyam bye:.

COUNG" NGHEI 106:6

Ngoonu" da" phoug" phyid" yi yhang: ti"- ngoonu" gi yooboo ri doem koid shoid boem bye:- ngoonu" gi akhyeung" bang: yo' ashoeb bang: bue" nyid bye:.

COUNG" NGHEI 119:41

Aseing we"- nang ngoo ri: khayhi' jheddab nyid ein: zigi ngoo ri toin" shed nyid we'. Re" da" dangsoo" khoin" yo' dakhyoo" ti" ngoo ri khyoid yu byid: we'.

COUNG" NGHEI 130:7

Israela byumyu" yi we"- Aseing ri loem khau: nyid we'. Khasu" wim ga: ri nya: da" jhed khyeing: kang: khyeing: gi dageung: teung jo, wigi nyang: gi ngoonu" ri khanham we' khyoid yu nau nyid.

COUNG" NGHEI 25:11

Aseing we" nga" yooboo gi tid loo aoung: myo: tham: jo, bye:. Houg: yoomo dang: theing khoin" ri: cang pyeung" khyo" nga" yooboo ri khyoid pyam byid: we'.

COUNG" NGHEI 25:7

Zooyam, yo, mo wigi ngoo shoid vhang: yooboo yo' ajo da" khyoo: ri khyoid pyam byid: we'. Aseing we" re" da" geung: teung jhed khyeing: kang: khyeing: yo' ge da" khyoo: khyo" ngoo ri myid boin: so" nyid we'.

COUNG" NGHEI 40:12

Ngoo gi nghab, loo aoung: da- yau: khe" kyi" khyeug khyoo: myoo" sho' lheung khoem too" shoug" su: nghoid. Ngoo gi lang" atho' oung: myang loo: sho' nga" yooboo joem gi ngoo ri myheug too" bye:. Hau: zigi nga" vhuloem mo xam: khaid joem tho' moo: je myo: jo, wigi nga" nheigloem: yoem: shoin: byug bye:.

COUNG" NGHEI 41:4

Aseing we" ngoo nang ri yooboo koid bye:- ngoo ri nheug khyeug yu wigi ngoo ri yang" zain" loo nhang: we" ein: wigi ngoo tid bye:.

THU' LO" MOUGSOUG" 33:10

Byumyu" yigi zoem" khoem" duang: mo jhoemmoug" thei" ri myang yo' dage" nyangnu" goeb pid noku wa zi nghoid.

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

ESAIA 6:5

Ngoo gi «Nga" shid re" myid byu khyoo: ajo, ngoo gi joem bye:. Ciwim gari nga" nhoid mo thu da" dang: khoin" khang" moo" gi yooboo byeung" jo, da:. Houg: lho: ngoo gi yooboo dang: kyeing" tid da" byu phung: khoug: moo nyid nyid. Nghoid loug we' ngoonya: myojid" wigi nyang: myhang: thang Aseing khokham ri shau" myang bye:» ein: tid bye:.

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

EZEKIEL 16:63

Ngoo gi nang koid shoid lid: lo da" shoid moo" dangain" ri yooboo khyoid pyam byid: wa. Nghoid loug we' nang gi hau: joem ri myid boin: wigi re" nhoid ri ayo" foo' loo: sho' myid sho' loo wa» yoem: moo" bo Aseing tid too" bye:.

DANIELA 9:5

«Ngoonu" gi yooboo shoid boem bye:. Ngoonu" gi akhyeing" ashoeb loo. Ngoonu" gi shoid moo" koid lid lo boem bye:. Nang wigi ngoonu" ri koid ca" wa amyeing" byid: to" ziri ngoonu" ngeug pyam boem bye:. Nang ngoonu" ri jo da" khyoo: ci: shug byid: to" jang" mo nungthang lheing: phug lo" boem bye:.

MATHE 10:3

Philimon yo" Batholume- Thoma yo" kheing" khyu: zoo: su: Mathe- Alphe da" nya: zoo: Yaku yo" Thade.

MATHE 6:5

«Nanu" akyu" mho' nyid nghoid rigi ayid void da" byu yi yhangti" akoid: goo. Khasu" wim gari subi" nyanu" nyang: ri yo" myang goo" baja" ga: tarha" jung yi yo' khyoo: kang" shoem: moo cang yab' lho: Akyu" mho' wa zi nyangnu" vho: boem da. Nanu" ri ngoo jhug jhug tid ba- nyangnu" gi aphoug" yo" yu abye: go.

MATHE 9:13

«Houg: su" wigi xoin" ngei" byid: da" khyoo: anghoid- nheig khyeig khyoo: ri ngoo vho: nyid ga: da" dang: ri se' loo" goo" baja"- re" jhau" yu ge'. Khasu" wim gari deung byeung" mo, ri khi: wa zi anghoid. Yooboo yoo" mo, ri khi: wa ein: ngoo dare"» ga: tid.

MARKU 11:25

Nanu" akyu" mho' yab, jo, uri nanu" ri shoid too" mo, da" yooboo ri khyoid byid: ge' Houg: lang" za: moug: khung: tho' mo Phoo, Mangsoo: gi nanu" shoid vhang: da" yooboo joem ri we' khyoid pyam byid wa nghoid.

LUKA 17:12

Nyang: voo davoo moo vang lo" da" uri manggam noo dab mo daxi: yug yo" shau" go. Nyangnu" gi vi" vi: moo yab jo, boem lho:

LUKA 22:41

Hau: thang: ri cangzoo: yi yo" lug go, daloem: du" fi, moo doem yhe: lo" lho: wigi poid thug thoug akyu mho' zigi

LUKA 23:48

He: da" moo" ri bo yu" wa ga: zeing: re" da" byu phung: yi gi Houg: su" bue" lo da" khyoo: joem ri myang yoomo nyang: nya: yanggang moo thoin: lho: dangain" bang: tau" lo" boem.

LUKA 5:8

Hau: khyoo: Simun Peteru myang lang" gi Yesu da" khyid: yang: moo goeb no" lho: Aseing Yesu we"- ngoo gi yooboo shoid vhang: su: nghoid. Nga" jang" mo thu' loo" we' ga: mho' tid.

ACTS 2:37

Meing: byu yi hau: dang: ri shaug" gyoo: lang" gi nyangnu" da" nheigloem: moo gyi" sho' gyo: zang" boem yoomo Petru yo' lagyoo: gooji ri mang: nhung" yi we' ngoonu" khasu" koid boem wa lha"» ga: myed: boem.

Roma 5:8

Nghoidloug we' ngoonu" gi yooboo shoid' mo danghoid nyid shi" uri Khristu gi ngoonu" shid' re" shid: kham too" bye. Houg khyo" Mangsoo: gi ngoonu" ri khayhi' jheddab da" khyoo: toin" shid' too" bye.

2~KORINTHU 7:11

Nanu" da" nheig koug nheig shu: khyoo: ri Mangsoo: khakhyo" ci: nyid ziri yu" yu" ge". Hau zigi nanu" ri khayhi' nheigloem: too, nhang:- nanu" moo yooboo adab loo: ein: da" khyoo" toin" shid' nhang"- ge da" khyoo: ri byui" nhang: noug yoomo nheigloem: gye" to' lo ziyo' nheig dain yoo: nau khyoo" nheigloem: khoug: moo kham, zo: khyoo:- nanu da" loem" jeung" khyoo: moo nheigloem: zug zi shoid' vhang: su: ri shen" yhin wa shid re" jen" jen" nghoid nyid da" khyoo: gi khyoo: khaid gu: khang" moo" moo nanu" ce" yooboo adab loo: ein: ziri toin" shed nyid bye.

1 TIMOTHI 1:15

Yooboo dab, mo, ri khyoid yu wa shid re" Yesu Khristu gi mougmyid' khyoo: ju" ri bye"- ga: da" dang: khoin" gi khyag nyang: kham: yu ge ziyo' loem, ge" da" dang: khoin" nyang: nghoid bye. Hau: yooboo dab, bang: moo ngoo gi gyi: thang da" yooboo dab, su: nghoid nyid.

HEBRE 4:16

Hougsu" nghoid yoomo ngoonu" gi nheigloem: moo yoem: bo ziyo' Mangso jeju" zhung: tang shid' khoin" khyoo: yu: vang yhe: lo" boem shang. Houg: su" nghoid lang" gi ngoonu" ca" yo lo da" ayo, moo- ngoonu" moo pang" thoug da" je ju" joem ri shau" kham: yu boem wa zi nghoid nyid. .

HEBRE 8:12

Nyang: nu" da" yooboo ri ngoo khyoid pyam byid: wigi Nyang: nu" shoid vhang: lo" khyoo: ri ngoo doem, boin: byid: loo: wa zi anghoid.ga: hau: Aseing: tid nyid.