LUKA 18:11 - Lacid Common Language Bible

¹¹ Pharishe phoo gi nyang: kyeing" yab jo, lho: akyu" mho' zigi O"- phoo Mangsoo: we"- Byu goo" ji yi gi vhoo: boo mo adeung amain" mo sube" myi: lhoid mo, za: danghoid. Ngoo koem gi houg bang: yhangti" anghoid yoomo we' thei: da" kheing" khyu: zo: su: ti" anghoid yoomo we' re" da" jeju" ri boin: ga: tid.

LUKA 18:11 교차 참조

COUNG" NGHEI 134:1

Nya: da" Noku Yhoem: Moo" khoug: moo myen" ri noku loem khau: nyid da" deizoo: yi dangain" bang: we" ri" ge'- Aseing ri coung" nghei nyid boem shang.

COUNG" NGHEI 135:2

Aseing da" yhoem: vang" khoug: yo' ngoonu" da" Noku Yhoem: Moo" khoug: moo yab jo, da" Aseing deizoo: yi we"- nya: myeing khyang" ri coung" nghei nyid we'.

DANG: ZHOEM 20:6

Byu yugkhang" moo" gi nyang: nyang: khayhi' deingmain" da" khyoo: yo'-nheigloem: zung" khyoo: ri tid ago". Nghoid loug deingmain" nheigloem: zung" su: ri hang" shau" myang wa la".

DANG: ZHOEM 30:12

Lo" thang sho' aco' ajhoid bue" nyid nghoid loug we' nyang: nya: gung ri gye" gyeung" shang: ga: myid nyid mo, byu dayham" nyid.

ESAIA 1:15

«Nanu" lo, tu: wigi akyu" mho' boem uri nanu" ri ngoo ayu" wa. Nanu" khayhi' akyu" mho' mho' atam" gyoo: byid: wa. Ciwim gari nanu" lo, gi suid" za: nghoid ago".

ESAIA 58:2

Nyangnu" gi ngoo ri nyid" khang" moo" noku wigi nyangnu" nga" khyoo: ri si' nau ziyo' nga" tarha" joem ri cang nyid ga: tid nyid boem. Nyangnu" gi nyangnu" ri deungmain" tarha" joem ri za: ngoo ri byid: nhang: nau wigi nyangnu" ngoo ri noku jang" moo pyo: khyoo: sho: zi nghoid» ga: tid nyid ago".

ESAIA 65:5

Hau: thang: nyangnu" gi gootu: bang: ri «Ngoonu" yo' vi: vi: nyid we'. Ngoonu" gi gye" gyeung" shang: wigi nanu" age tain"» ga: tid boem. Ngoo gi hougsu" te" da" byumyu" yiri ayo" zeing: kham. Nyangnu" ri thougtheung da" nga" nheig joem: yo: zigi khanham we' ashid: da" myi: yo' du da:.

YEREMIA 2:28

«Nanu" nya: shid re" nanu" koid yu da" yu phara" joem gi khakhyoo: loo" bye: la" Nanu" yau: khi" shoug" nyid uri nanu" ri nyangnu" yo" khyoid yu boem nghoid ri khyoid yu boem baja". Yuda we" nang moo voomoo" joem jo, myhoo' yu phara" joem yo" da:.

YEREMIA 2:35

nanu" gi ‹Ngoo gi yooboo ayoo"- gyeing" nyang: Aseing gi ngoo ri nheig ayoo: loo: wa› ga: tid ago". Nghoid loug we' nanu" gi yooboo shoid bye: ga: ziri ngeug he: pyam yoomo ngoo Aseing gi nanu" ri yooboo dam byid: wa.

EZEKIEL 33:31

Hougsu" nga" byu yigi nang tid wa da" dang: ri tam" gyoo: wa shid re" zeing: foem: yhe: boem nghoid loug we' nyang: nu" gi nyangnu" koid wa khyoo: nang tid khyoo: ri akoid nghoid ago". Nyangnu" da" nhoid moo jheddab dang: tid da:. Nghoid loug we' nyangnu" gi nyangnu" da" myid vo: lau khyoo: ri xo' koid da:.

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

MATHE 10:3

Philimon yo" Batholume- Thoma yo" kheing" khyu: zoo: su: Mathe- Alphe da" nya: zoo: Yaku yo" Thade.

MATHE 5:20

Khasu" wim gari ngoo nanu" ri tid da" zigi nanu" da" deung byeung" khyoo: ri toung: to" da" tarha" ri jhoug" byid: da" sara: yi yo' Pharishe yi da" deung byeung" tho' moo aje gyi: rigi Mougkhung: mungdain: moo nanu" deung" deung ayo" vang lo" boem wa.

MATHE 6:5

«Nanu" akyu" mho' nyid nghoid rigi ayid void da" byu yi yhangti" akoid: goo. Khasu" wim gari subi" nyanu" nyang: ri yo" myang goo" baja" ga: tarha" jung yi yo' khyoo: kang" shoem: moo cang yab' lho: Akyu" mho' wa zi nyangnu" vho: boem da. Nanu" ri ngoo jhug jhug tid ba- nyangnu" gi aphoug" yo" yu abye: go.

MARKU 11:25

Nanu" akyu" mho' yab, jo, uri nanu" ri shoid too" mo, da" yooboo ri khyoid byid: ge' Houg: lang" za: moug: khung: tho' mo Phoo, Mangsoo: gi nanu" shoid vhang: da" yooboo joem ri we' khyoid pyam byid wa nghoid.

LUKA 20:47

Cougmoo" myhi, yi da" yhoem: zi yoo khuid" joem ri we' atarha" khyo" lhoid yu lho: subi" gyo: loem" wa khyo" akyu" sheing: sheing: cang mho' yen" boem. Nyangnu" ri je no, thang da" yoobo dam byid: wam: bye: ga: tid.

LUKA 22:41

Hau: thang: ri cangzoo: yi yo" lug go, daloem: du" fi, moo doem yhe: lo" lho: wigi poid thug thoug akyu mho' zigi

GALATI 3:10

Hau: toung: to" da" tarha" cang pyeung da" khyoo: ri myid loem nyid mo, hang" nghoid loug we' tarha" dang: phyed' da" akhoug: moo boo mo, nghoid nyid Khasu" wim gari jhoem: mungdang: gi hau: tarha" moo lhid" too" matoo" yo' dakhyoo" ti"- khanham we' ayo" cang pyeing bang: hang" nghoid loug- tarha" dang phyed' zi shau" wa,, ga: lhid" to".

PHILIPI 3:6

Myid' loin" yoem: kaid' khyoo: ri da tid shang ga: rigi ngoo gi phung ri shen" yhen loo su: nghoid- tarha" cang byeung" shoid, khyo" deing byeung" khyoo: ri tid shang ein: rigi ngoo moo ce" yooboo we' adab-

Pang Shug 3:17

Ngoo gi yoo" su: di su: nghoid yoomo ci: we' aca" loo:- ga: nang tid nyid. Nghoid loug we' nang gi khayhi' gyeung" da" asho" ajhen: nheig khyeig cang boo su: nghoid nyid ziri Nanyang: gi ase' nhung: lha". Nang gi sho" jhen: su:- byumi adab su: myo, jed, nu loem: su: danghoid nyid.