LUKA 18:1 - Lacid Common Language Bible

¹ Hau: thang: ri Yesu gi nya: cangzoo: yi ri kha: uri we' yoem: ashoin: loo za: ayo, bain sho' moo akyu" mho' ca" da" khyoo: ri dangtu' daja: khyo" jhoug" byid: zigi

LUKA 18:1 교차 참조

COUNG" NGHEI 102:17

Nyang: gi she: pyam, to" zi shoug" nyid da- nya: mung" byu yi da" thui: ri shau" gyo: ziyo' Nyangnu" da" akyu" mho' thui: ri gyoo: byid: wa zi nghoid.

COUNG" NGHEI 27:13

Aseing da" ge lho khyoo: joem ri ngoo dei nyid shi" da" he: pyaid moo: nyang:- shau" myang kham' zoo: wa nghoid ziri ngoo se' nyid.

COUNG" NGHEI 65:2

Khasu" wim gari nang gi ngoonu" da" mho' yoid khyoo: ri tu" byid: bye:. Ngoonu" zei: shoid pyam bye: da" yooboo joem ri joyoo khyi, khang" moo" mo byumyu" acang: joeb bang: gi re" jang" moo: ju" re" boem wa zi nghoid.

COUNG" NGHEI 86:3

Nang gi nga" Mangsoo nghoid yoomo ngoo ri nheug khyeug shi" we'. Ngoo gi nyid" goin re" jang" moo: akyu" mho' nyid.

ESAIA 40:31

Nghoid loug we' pang" thoug wa shid re" Aseing ri loem khau: nyid bang: gi nyangnu" yoem: aseig yo" yu loo wa. Nyangnu" gi zoin bung: yhang: ti" dung yo' dang: do, loo" goo" wa. Nyangnu" tang" wigi amyung: doug goo" wa. Nyangnu" khyoo: so" wigi yoem: anheing: goo" wa.

ESAIA 62:7

Yerusalem ri nyang: adoem so' koid de: byid: byid: gi nyangnu" nyang: ri doug anoo: nhang: wa. Hau: voomoo" ri mougmyid goin" wigi coung" nghei sho' koid ago".

YEREMIA 29:12

Houg: lang" nanu" ngoo ri yoid loo goo" wa. Nanu" nga" jhang re" wigi akyu" mho' loo goo" wa. Houg: lho: ngoo nanu" ri tu" byid: wa.

YONA 2:7

Nga" kangso' ci: phyug lo" nyid ti" kham zo: uri O" Aseing we" nang ri ngoo mho' yoid nyid. Nga" akyu" mho' da" dang: thui: ri re" gyeung" shang: Noku Yhoem: Moo" mo nang ngoo ri tam" gyoo: byid: bye:.

LUKA 11:10

Khasu" wim gari Mho' su: hang" nghoid loug yoo" zi nghoid. Shoo: su: gi shau" myang wa. khoem" moo ko' su: ri we' phang byid: wa zi nghoid.

LUKA 21:36

Gyeing: gyeing: soo" soo" koid: nyid ge' ju" gyoo" loo wa da" myo, dain' dei: da" shid: gyoin noo gyoin ri yo" kham: zeing: yab jo, lho: wigi Byu nya: zoo: da" shid' khoin" moo dain: dain: yo" yab lho: tarha" dang: kho" ziri yo" kham: wa shid' re" khanham we akyu" damho, nyid ge'.

Roma 12:12

Nanu" moo nheig nhei: jang: boo yoomo - gau yi ngei pyo: nyid ge'. Koug shu: sho" jhen: lo da bidnyid ri geing: geing: teing teing koid' nyid ge'. Ano: ayab loo: akyu" damho' nyid ge'.

2~KORINTHU 4:1

Mangsoo gi nya: nyeig khyeig shoo" go: da" nheigloem: yoomo ngoonu ri he: da: moozoo" voin wa moo" ab byid: bye: yoomo ngoonu" moo nheigloem: gyau: -yoem: shoin: wa khyoo: aboo.

GALATI 6:9

Hougsu" yoomo ge da" moozoo" ri zei wa shid re" ngoonu" myung: soo" doug asoo" loo: koid nyid boem shang- Khasu" wim gari ngoonu" yoem: a shoin: rigi ayo, akhyeing: ju" lang" shau" yham" yu boem wa zi nghoid.

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

PHILIPI 4:6

Ce" khyoo: moo we' myid' amyo: nyid goo" nanu" da" akyu" mho' dang: khoin" khang" moo" moo-khanham we' jeju" boin: so" nheigloem: yo' nanu" ca" vho: khyoo: dangain" Mangso jhang mho' nyid ge'.

KOLOSE 4:12

Nanu" jang" mo nghoid da" Khristu da" join, phoo'-Epaphra gi nanu" ri vhu" kaid' da-nanu" gi loem" jeung da" khyoo: moo geung: teung jo, wa ziyo' nheig boo ung: gyeung: ziyo' jhug zug da" Khristain yi bue" loo sho' Mangsoo vho: ngei khyoo: ri khyag cang: lho: nyang: gi nanu" da" shid re" gye" loem" jeung" myid' yo' akyu" mho' nyid.

KOLOSE 4:2

Anoo: loo- atheing: loo: akyu" damho, nyid ge'. hau: tho' moo gootu: nanu" akyu" mho' khyoo: moo zed" zoore"- Mangsoo ri jeju" daboin: nyid ge'.

1THESALONI 5:17

Anoo: atheing: loo: za: akyu" damho, nyid ge'.

1 SAMUELA 1:12

Hana gi xo' loo: xo' ayo, myang" myang" Aseing jang" moo akyu" mho' nyid uri nya: nhoid ri Eli gi zung" yu" nyid.