LUKA 17:10 - Lacid Common Language Bible

¹⁰ Houg: yo' dakhyoo" ti"- nanu" nghoid loug we' nyang: nyang: ri zei: nhang: da" moo" dangain" ri bain zei: da" uri ngoo nu" gi da: byi dei zoo: yi date: nghoid- ngoonu" zei: eung: da" moo" yoovoin ri zei: mo, date: nghoid ein: tid ge'.

LUKA 17:10 교차 참조

ESAIA 6:5

Ngoo gi «Nga" shid re" myid byu khyoo: ajo, ngoo gi joem bye:. Ciwim gari nga" nhoid mo thu da" dang: khoin" khang" moo" gi yooboo byeung" jo, da:. Houg: lho: ngoo gi yooboo dang: kyeing" tid da" byu phung: khoug: moo nyid nyid. Nghoid loug we' ngoonya: myojid" wigi nyang: myhang: thang Aseing khokham ri shau" myang bye:» ein: tid bye:.

ESAIA 64:6

Ngoonu" dangain" gi yooboo yoo" bang: kyeing" bue" lid loo bye:. Ngoonu" ge thang da" avoid lo, moo" joem gi bain sho' aco' ajhoid nghoid da:. Ngoonu" da" yooboo yoomo ngoonu" gi lid wigi hau' tang" lo" da" seig fu' kyug yo' du da:.

YEREMIA 32:23

Nghoid loug we' nyangnu" he: mungdain: khyoo: ju" lo wigi hau: ziri lo seing: pyam boem uri re" amyeing" dang: ri nyangnu" atam" gyoo:. Re" jhau" shid khyoo: ri cang wigi kangso' adei nghoid ago". Nang wigi nyangnu" ri koid wa amyeing" byid: to" da" khyoo: ri nyangnu" ci: akoid nghoid ago". Houg: yoomo he: phyo' shoin' khyoo: dangain" nyangnu" jang" moo nang bui" nhang: abye:.

MATHE 25:30

Hau: thang: ri akyu" abo he: da" deizoo: ri nghe: shoid mo moug coid khoug: khyoo du" pyam kaid ge' hau: da" joyoo moo nyang: gi ngougmyeing" ngoug thui: yo' zei yang: kyeig ga: ngaid nyid wa zi nghoid» ga: tid.

LUKA 17:11

Yesu gi Samari yo" Galile meing: moug kyoo" khyo" Yerusalem voogung khyoo: yhe: lo.

LUKA 17:9

Dei zoo: gi nya: Aseing: dei nhang: ziyo' dakhyoo ti"- dei byid: yoomo nya: Aseing: ri jeju" boin: yu" la".

Roma 11:35

Mangsoo: gi jeju" doem yo" toug" byid: sho' kha: yug gi Mangsoo: ri jeju" yo" koid' wa lha"» ga: wigi tid to" zi yo" dakhyoo" ti" nghoid.

Roma 3:12

Byu dangain" mo gi Mangsoo: ri nung phug pyam' bye: - nyanu" dangain" mo, khyoo: vhang: byug boem bye. Ge da" moo" zei su anyid - dayug we' anyid.

PHILIMON 1:11

Dalheing: rigi nya: shid re" ce" akyu" aboo nghoid loug we' akhid" gi re" da" shid' re" we' nga" shid re" we' akyu" boo su: bue" loo bye.