LUKA 16:9 - Lacid Common Language Bible

⁹ Hau: tho' moo Yesu «gi Mougmyid jonu" yo' bidnoem koid: ge'. Hau: ziyoo jonu" yo" gu: thang loo" lang" Mangsoo: gi ngei pyoo: athang da" yhoem: moo lhoem kham: yu wa zi nghoid.

LUKA 16:9 교차 참조

COUNG" NGHEI 73:26

Nga" nheigloem: yo' gung du: gi yoem neung: loo" wa nghoid. Nyang: gi apyaid atoo: mo nga" yhouggyen: da" jonu" nghoid.

DANG: ZHOEM 14:24

Phajhi" bo da" byu yigi jonu" yo' coung" nghei ngi: shab ziri shoug" kham: yu nyid. Nghoid loug we' ko" fang: da" byu yigi nyangnu" da" ko" fang: da" khyoo: moo: myonhoo: sho: nyid ago".

DANG: ZHOEM 19:17

Myung mo, ri: byid: zigi Aseing ri jhid" byid: ziyo' du nyid. Aseing gi nang ri doem tau" xab, byid: loo wa zi nghoid.

DANG: ZHOEM 23:5

Re" da: ngei sheing: gi dung dab, lo wigi dang: phang: lo" da" zoin, bung: yo' dakhyoo" ti" myo, damyeug moo: za: thang byug se' nyid.

PHAJHI" DANG: 11:1

Re" ngei ri tungbau meing: mo phaga: moo" moo arang" kaid too" we'. Houg: ri hau: gu mo danyid" nyid" ri nang atu" amyaid shoug" zoo: wa.

ESAIA 57:16

Nga" byumyu" yiri ngoo kangso' byid: wigi nyangnu" ri xo' lho: yooboo azhug wa. Apyaid atoo: moo we' nyangnu" ri ngoo anheig yoo: wa.

DANIELA 4:27

Houg: yoomo aseing: khokham we"- nga" phajhi" byid: dang: ri cang we' yooboo koid ziri theing: pyam we'. Jo ziri koid wigi sho" jhen: bang: ri nheig khyeug we' houg: lang" nang xo' lho: yoo" zoo: shug loo wa» ga: tid.

MATHE 19:21

Aseing Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.

MATHE 6:19

«Nhau: yo" zo: wi zo: shoin, lho: khoug" mo, yo" khau" baid' thoid yu lo" se' da:- myidjang: tho' moo nanu" da" ziyoo jonu" ri ayoung: too" goo.

MATHE 6:24

«Hang" nghoid loug we' Aseing: eig youg jang" moo lang: jhang yo" vang wa zi anghoid. Nyang: gi dayug ri ngheing" lho: dayug rigi jheddab wa zi nghoid. Houg: su" anghoid lang" gi dayug rigi vho: lho: dayug rigi anoug angei koid: zi nghoid. Nanu" gi Mangsoo ri we' moug myid ziyoo jonu" ri we' dage" lang: jhang yo" vang wa zi anghoid.

LUKA 11:41

Houg: su" nghoid loug we' Nanu" da" bain khu, moo bo ziri sho" jhen: mo ri byid: pyam ge'. Houg: lang" zi dangain" gi Nanu" shid' re" dangain" gyeungshang: loo wa.

LUKA 12:33

Nanu" gi nyang: nya: da" ziyoo jonu" oung" pyam lho: sho" jhen: mo, ri gam byid: ge' apyang: ayoin" se' da" ngei thung: ri daci: ge'. khoug" su: aju"- nhau: ayo" zo: da" mougkhung: tho' moo nanu" ziyoo jonu" ri dayoung: too" ge'.

LUKA 14:14

Houg: su" khi: lang" gi nang ngi lhoo wa. Khasu" wim gari houg: bang: gi nang ri jeju" yo" phug wa yoem: aboo mo, nghoid. Deung main" mo, shid: jang" mo doem dei to'' lo da" uri Mangsoo gi nang ri jeju" doem toug" byid: zi shau" wa ga: tid.

LUKA 16:11

Houg: su" nghoid yoomo nanu" mougmyid soidgain khyoo: moo lang" deung main" khyoo: ajo, rigi deung main" da" soidgain khyoo: moo khasu" nanu" ri yo" loem wa lha".

LUKA 16:13

Yhoem: seing: eig yug moo dei zoo: vang da" byu hang" we' anyid. nyang: gi dayug ri ngheing" lho: dayug rigi ngei wa. Nyang: gi dayug ri phau" myang: lho: dayug rigi aphoug" akhyoid koid: wa. Nanu" gi Mangsoo: yo"- ngei sheing: ri davhu" dam dei zoo: yo" koid: wa zi anghoid.

LUKA 16:4

Nga" aya gyo" thang: ri ngoo khasu" koid: wa zi akhid" si bye- ngoori nyangnu" yhoem: moo lhoem kham: yu wa da" byen cang" ngoo yo".

ACTS 10:31

Koneli we" re" da" akyu" mho' thui: ri Mangsoo shau" gyo: abye:- Re" da" khoug: loem, alu: gam, byid: da" khyoo: ri we' - myang abye:.

ACTS 10:4

Nyang: gi gyoug ziyo' Mouglagyoo: ri yu" zhug to" lho: «Aseing: we" ce: noem lha"» ga: myed: Mouglagyoo: nyang: ri «Mangsoo gi re" da" akyu" mho' thui: yo' re" alu jhung: shug ri, , ngei yoomo tu" byid: wa zi jen" jen" nghoid bye-

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.

YUDA 1:21

Mangso da" jheddab khoug: moo daloung" jo, ge'- Hougsu" Aseing Yesu Khristu gi-nya: nheig khyeig shoo" myen: da" khoug: moo nanu" ri byid: wa da" apyaid' ato: kangso' ri dalang" nyid ge'.