LUKA 16:8 - Lacid Common Language Bible

⁸ Hid: yhangti" yeug dakhyo" koid: da" adeung amain" khyo" koid: da" moo" pyeing" su: ri Aseing: gi coung" byid. Khasu" wim lha"» ga: ri Moug: myed byu yi gi Moug: myed moozoo" zei: jang" moo- bidbang zoo: yi da" tho' moo je yeug yoomo nghoid.

LUKA 16:8 교차 참조

APOEM AYANG: 3:1

Akhid" lhangmyu gi Aseing Mangsoo phain" so: jang" mo mhau fain" thang da" gougnyhoug nghoid. Lhangmyu gi myiyi: ri «Mangsoo gi khyam: khoug: shigam joem mo ashi" re" tang: ri azoo: wa shid re" gyeing" gyeing" tid to" la"» ga: myid:.

2 SAMUELA 13:3

Nghoid loug we' nyang: moo David da" nya: mang: Shamma da" nya: zoo:- Yonadab gi yeig da" byencang" dayug nyid da:.

2 KHOKHAM 10:19

Bala Lapi: yi dangain"- nyang: ri no' bang: dangain" yo' nya: khainjung yi dangain" ri khe: zheing" ge' dayug we' age theing: nyid. Ngoo gi Bala ri xoin" gye" gyi: zi ngei" byid: wa. Houg: lho: aju" re" yug ri said pyam wa» ga: tid da:. (Yehu gi Bala ri no' bang: dangain" ri said pyam nau yoomo nyang: phajhi" khyau" zi nghoid da:.)

COUNG" NGHEI 17:14

He: da" pyaid moo nyangnu" civhoo: ci yoo" mo, da" lo, mo ngoo ri khyoid yu we'. Nyangnu" shid re" nang shoung: to" da- sho" jhen kyi" khyeug da" khyoo: yo' nyangnu" ri yooboo dam kaid byid: we'.

THU' LO" MOUGSOUG" 1:10

Meing: zain: pui" bue" lo nghoid rigi nyangnu" gi ngoonu" ri gyi koid wa shid re" ngoonu" da" gyivoo yi yo' shoin" lho: mungdain: mo phang: loid loo" goo" wa. Ngoonu" gi nyangnu" myo: lug lo nyid boem ziri toem' pyam wa khyoo: shoo: ca" da» ga: tid da:.

DANG: ZHOEM 12:8

Nang lasi phajhi" boo su: nghoid rigi coung" nghei byid: zi nang shoug" wa nghoid. Nang ko" fang: su: nghoid ri koem gi subi" nang ri yu" nge pyam zi shoug" wa nghoid.

MATHE 12:32

Hang" nghoid loug we' Byu da" nya: zoo: ri nhoid yo" tid shoid da" yooboo gi yo" khyoid pyam byid:. Nghoidloug we' gyeungshang: da" Venyi: ri nhoid tid shoid da" yooboo rigi he: pyaid ri we' thang: phyang" pyaid ri we' yo" khyoid pyam byid: zi anghoid.

MATHE 17:26

Petru gi «gootu: byu yi jang" mo lhung khyu: yu ago"» ga: tid. Houg: lang" Yesu gi «houg: su" nghoid lang" gi nya: myid nya: zoo: yi gi kheing" khyu: jang" mo loid byoin da" akhang" yo" boem.

LUKA 16:10

Nge da" moo" moo deung main" su" gi gyi: da" moo" moo we' deung main" wa. Nge da" moo" moo adeung amain" su: gi gyi: da" moo" moo we' deung main" wa zi anghoid.

LUKA 16:4

Nga" aya gyo" thang: ri ngoo khasu" koid: wa zi akhid" si bye- ngoori nyangnu" yhoem: moo lhoem kham: yu wa da" byen cang" ngoo yo".

LUKA 16:7

Hau: thang: ri gootu: dayug ri we' nyang: doem myid: zigi nang khamyhoo jhen: dab, ga: myid. Hau: yug gi sungsoo: gug dakhyeing" tang bo ga: tid lang" moo" pyeing" su: gi hid: the, re" zhayen"- shed shoo: tang ein: lhid" too" we' ga: tid.

LUKA 18:6

Aseing: zo, tid zigi hid: adeung amain" da" tarha" agyi khyoo: ri gyo: yu" ge'.

LUKA 20:34

Yesu tid zigi he: pyaid mo byu yi gi loxo' deungkhu: qei" ago".

LUKA 20:35

Nghoidloug we' shid: da" jang" mo doem dei to' lo da bidnyid rigi loxo' deungkhu: aqei" boem loo.

YOHAN 12:36

Houg: su" nghoid yoomo bidbang jo, shi" da" uri hau: bidbang ri loem" jeing" ge'. Houg: su" nghoid ri za: nanu" gi bidbang da" byu yi bui" wa nghoid ga: tid. Hid: su" ga: bain tid thang: ri Yesu gi nyangnu" jang" mo phang: gau" loo bye.

1Korinthians 3:18

Hang" nghoid loug we'- nyang: gung nyang: ri amhau, nyid goo- nanu" mo byu dayug yug gi he: moug: myid da" zhang khyo" soin: lho: nyang: nya: gung ri phajhi" boo su: nghoid ga- si' boin" nyid nghoid rigi- gyeing" nyang: phajhi" boo su: bui" wa shid re" akoo" apyoid da" byu bui" ca" nyid.

Ephesu 5:8

Shid' phyang" gi nanu" we' moug: coid' khoug: moo nyid lid lo yu" boem bye- Nghoid loug we' akhid" gi Aseing: da" byumyu" yi bue" lo boem bye: yoomo bidbang khoug: moo ju" vang lo boem bye- hougsu" nghoid yoomo nanu" gi bidbang da" nya: zooyi yhang: ti" zei: so' nyid yab, loo: ge'.

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".

1THESALONI 5:5

Khasu" wim gari nanu" dangain" bang: gi bidbang mo nya: zoo: yi nghoid nyid boem bye: yoomo nyid" khyoug mo nya: myid: nya: zoo: yi we' nghoid boem bye- ngoonu" gi myen" mo nya: zoo: nya: myid: yi we' anghoid moug: coid' mo nya: zoo: nya: myid: yi we' anghoid loo.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

1YOHAN 3:10

Hau: khyoo: gi Mangso da" nya: myid: nya: zoo: yi yo' yu satan da" nya: myid: nya: zoo: yi gi gyi" sho' shai" go" da" khyoo: ri bang bang nyang: myang se' da" khyoo: nghoid. Hang" nghoid loug we' deing byeung" da" moo" ri azei: ziyo' houg: su" anghoid lang" gi - nya: mang: nya: nhung" yi ri ajheddab bang: gi Mangsoo da" nya: zoo: yi anghoid.