LUKA 16:25 - Lacid Common Language Bible

²⁵ Nghoidsho' loug- Abraham gi nga" zoo: we"- nang dei nyid shi" uri nyid di nyid ge shau" void shau" zo: da" khyoo: ri we' Lazaru gi sho" jhen: jamjau kham: kho" da" khyoo: ri we' myid boin: re. Akhid" koem nyang: gi myenjham" ngei pyoo: khyoo: shau" kham: zo: wigi nang koem gi kyi" khyeug shau" nyid bye.

LUKA 16:25 교차 참조

YOBA 22:18

Houg loug we' nyangnu" ri yoo" zoo: yoo" shug nhang: zigi Mangsoo nyang: nghoid. Akhyeing" bang: myid soin: khyoo: ri ngoo atho' se' gyoo: loo.

COUNG" NGHEI 17:14

He: da" pyaid moo nyangnu" civhoo: ci yoo" mo, da" lo, mo ngoo ri khyoid yu we'. Nyangnu" shid re" nang shoung: to" da- sho" jhen kyi" khyeug da" khyoo: yo' nyangnu" ri yooboo dam kaid byid: we'.

COUNG" NGHEI 49:11

Nyangnu" da" mungdain: ri dalheung: seung: yu" boem bye: nghoid loug we' nyangnu" da" loeb duang: khuang" joem gi nyangnu" da" apyaid atoo: mo yhoem: nghoid nyid boem ziyo' nyangnu" gi hau: joyoo moo ayo, dangain" moo: daloung" jo, boem ago".

COUNG" NGHEI 73:7

Nyangnu" da" nheigloem: ung: khoug: joem gi akhyeing" ashoeb khyoo: riza: foid, thu kaid nyid boem wigi nyangnu" da" nheigloem: emyed gi akhyeing" ashoeb khyo" myid soin: khyoo: joem yo' moo" myo: nyid ago".

NGOUG JI: 1:7

Akhid" jham" coug: youg byo, yoin" jo, da" Yerusalem voomoo" gi goonham' gyi: sheung: reung: lid: lo da" khyoo: ri myid boin: nyid da:. Nya: gyivoo yi lo, khoug: khyoo: gyo" vang lo" da" uri nyang: ri pang" thoug yu wa zi hang" anyid. Nyang: ri oung: pyam bang: gi nyang: gyoeb, gyo" lo" khyoo: ri yu" yi nyid ago".

DANIELA 5:30

Hau: myen jang: Babelon khokham Belshaza gi said pyam shoug" bye:.

MATHE 27:63

«Zoug: Phoo we"- hau: da" byu mhoug phoo gi dei nyid shi" uri ‹ngoo gi shid thang" mooseom" nyid ri doem dei loo wa› ga: nyang: tid tid zi ngoonu" xoem" too" shi.

MARKU 9:45

Re" khyid: gi re" loem" jeung" khyoo: ri ze" phyo' pyam byid: nghoid rigi hau" khyid: ri phyed pyam we' khyid: eig khyid: goin yo' Myi: khanham we ashid: ashoem: lo" da" myid mi: thoem" moo gyo" loo" wa tho' moo Khyid: dashoid adab loo: kang: so' dei khyoo: vang loo" wa zigi re" shid mo je ge nyid.

LUKA 16:20

Nya: yhoem: khoem" duang nam moo dagung goin" dam, joid, joid, su:- shojhen da" Lazaru ga: su: gi

LUKA 16:23

Nyang: gi moovo moug: moo gye" kyi" khyeug zi shau" nyid yoomo nyang: yu" kaid da" uri Abraham ri we' Abraham da" nam mo Lazaru ri we' myang kaid.

LUKA 16:26

Hau: tho' moo gootu: nanu" yo" ngoonu" da" agyoo: moo no, thang da" lang: khoug: daloem: kyo: to. Houg: yoomo nanu" tab mo zi ngoonu" tab khyoo:- ngoonu" tab mo zi nanu" tab khyoo:-gu: lid noug mo, hang" we' ayo" gu: lid ga: wigi tid.

LUKA 6:24

Nghoidloug we' Yoo" mo, jo, mo, nanu" gi joem: loo" goo" wa. Nanu" gi he: pyaid moo za: date: shau" pyo: nyid.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

Roma 8:7

Xangsu: gungshoo" nheigloem: za: dabo nyid su: gi - Mangso: gyi nghoid. Houg: te" nheigloem: za dabo nyid su: gi Mangso: mungdang: ri acang su: nghoid. Gyeing" nyang: ayo" cang su: nghoid.

TARHA" TID POIN" 28:17

«Aseing gi nanu" da" gugshi" meishi" yo' nanu" soin' to" da" zoo: noem joem moo: nheing" khoin" kaid byid: wa zi nghoid.

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".

1THESALONI 3:3

Nanu" mo hang" nghoid loug we' hid: akhid" thoung shau" nyid da" shen" yhen jam, jau khyoo: yoomo loem" jeung" khyoo: moo adei aloeb, goo" baja"- nanu" ri nheig teing ung: teung yoem: byid: wa shid re" nanu" jhang khyoo: nyang: ri nhang: kaid' boem- hid: su" shen" yhen nyid da" khyoo: joem ri ngoonu" thoung" shau" nyid boem zigi yha" shid' re" Mangsoo nyang: myid' soin: to" da" khyoo:- dakhyam" dayam, nghoid nyid ein: wigi nanu" nyang: se' nyid boem bye.

HEBRE 11:25

Nyang: gi dayo' daboin: za: yubag yoobo da" pyo: khyoo: moo Mangso da" byumyu" yi yo' dage" kyi" khyeug jamjau shau" wa ziri nyang: je vho: nyid.

1YOHAN 2:15

Moug: myid ri we' mougmyid moo jo, da" zi joem ri we' ajheddab nyid goo"- nanu" mougmyid ri jheddab nyid boem nghoid rigi nanu" da" nya: phoo ri ajheddab mo, nghoid.

Pang Shug 7:14

" Aseing: we" ngoo ase' Nang dase', ein: ngoo phoug tu". nyang: ngoori tid zigi " Houg: bang: gi sho" jhen: jamjau shen" yhen gyoug pho" akhoug: mo loid byoin thu' loo mo, nghoid- nyangnu" da" byisheing: joem ri yang nu" da" suid" wigi moin: phyu: sho' bain ced" phyu: boem bye.