LUKA 16:23 - Lacid Common Language Bible

²³ Nyang: gi moovo moug: moo gye" kyi" khyeug zi shau" nyid yoomo nyang: yu" kaid da" uri Abraham ri we' Abraham da" nam mo Lazaru ri we' myang kaid.

LUKA 16:23 교차 참조

COUNG" NGHEI 16:10

Khasu" wim gari nang gi ngoo ri moo: vo, moug: yoem: so' mo goem loem yu byid: bye:. Hau: lho: nang jheddab su: ri- moo: vo, moug: moo: she: pyam, too" wa zi anghoid.

COUNG" NGHEI 49:15

Nghoid loug we' Mangsoo gi ngoo ri lhoid pyoin yu wigi nyang: gi ngoo ri hid: da" yoem: so' mo khyoid khyu: yu wa zi nghoid.

COUNG" NGHEI 86:13

Re" da" geung: teung jhed khyeing: kang: khyeing: gi nga" shid re" khayhi' gyi: sheung: geung: teung jo, lha". Nang gi ngoo ri loeb duang: khoug: mo nyang: khyoid khyi: yu abye:.

COUNG" NGHEI 9:17

Mangsoo ri she: pyam bang: dangain" mo, yo' akhyeing" ashaoeb mo, dangain" da" khyoo: lo" thang moo: gi shid: lo" khyoo: za: nghoid.

DANG: ZHOEM 15:24

Phajhi" bo da" byu yigi moovo moug: khyoo: khyang: da" khyoo: moo: agyo" loo" loo: za: kangso' dei da" khyoo: moo: so" do' lo" nyid.

DANG: ZHOEM 5:5

Nyang: gi nang ri shid: loo" no, lo" da- moovo moug: khyoo: shu" gyoo" loo" wa. Nyang: so" lo" khyoo: gi shid: lo" jang" khyoo: yhe: lo.

DANG: ZHOEM 7:27

Nang hau: myiyi: myhi' da" yhoem: khyoo: dato' yhe: nghoid rigi nang gi moovo moug: khyoo: gyo" lo" nyid su: nyang: nghoid bye:. Hau: zigi shid: jang" moo: ju" lo" da" khyoo: kyang nghoid.

DANG: ZHOEM 9:18

Hau: myiyi: myhi' da" zoo: shoo" joem gi nya: yhoem: khyoo: yhi: bang: gi shid: lo" wigi houg: khyoo: vang loo" mo, gi akhid" moovo moug: moo: ju" nyid boem bye: ziri nyangnu" gi asi, aboin: nghoid ago".

ESAIA 14:15

Nghoid loug we' hau: gungthid nang gi moovo moug: mo no, thang da" joyoo khyoo: khyo' pyam zi shau" abye:.

ESAIA 14:9

«Moovo moug: gi Babelon khokham ri lhoem: tau yu wa jen" jen" nghoid abye:. Mougmyid dang mo yoem: so' bo da" soobyoo joem gi loeb re" ago". Soobyoo khokham joem gi nyangnu" zhungtang mo to re" nyid ago".

MATHE 11:23

Kaperna-um we"- nang we moug: moo thug sho tu: to zi shau" wa la". Houg: su" anghoid lang" moo vo moug ju" sho' khyo kaid zi nang shau" wa nghoid. Khasu" wim gari nang ri toin" shid' da" moozoo" zeing gi Sodom moo koid: nghoid rigi Hau: voo gi akhid" nyid" ju" sho' dageing: jo wa zi nghoid.

MATHE 18:9

Re" da" myojid" gi re" da" loem" jeung" khyoo: ri yu shoid nhang: nghoid rigi hau: myojid" ri thoid pyam we' ngarai" myi: thoem" moo myojid" joeb' ziyo' vang loo" wa tho' rigi myo, dajid" yoin" ziyo'- apyaid ato: kangso' dei jang" khyoo: vang loo" wa zigi je ge nyid.

MATHE 23:33

Myu joem yo" lhang: myu nya: myid nya: zoo: yi we"- nanu" gi ngarai mung" moo kham: zo: wa da" dam mo khasu" koid: se' loid lo" boem wa lha".

MATHE 5:22

Ngoo nanu" ri tid da" zigi nya: mang: nya: nhung" ri nheig yoo: su: hang" nghoid loug we' yooboo byid: wa zi moin: yi" nyid bye. Nya: mang: nya: nhung" ri yooboo hoeb' ga: tid su: we' hau: ludaid phung: mo dang: khoo' gi" bye. Hau: lho: koo" dau: he: zi ga: tid su: gi ngarai" myi: yo' moin: yi" nyid bye.

MATHE 5:29

Houg: su" nghoid yoomo re" lo, yo' myojid" nang ri yu" shoid nhang: nghoid rigi hau: myojid" ri kyung" thoid pyam' we' re" da" gung goin" ngarai" mung" moo gyoo" lo" tho' moo re" gung daja: te: yoin" zigi je ge nyid.

MATHE 8:29

Nya: eig yug gi «Mangso da" nya: zoo we"- nga" eig yug nang yo" cisen: lha". ayo, aju" shi" ri nga" eig yug ri shen" wa ein: nang ju" re" la"» ga: wigi nyho: tid ago".

LUKA 16:24

Sathi" phoo gi phoo Abraham we"- ngoori nheig myen: yu shi" we'. Ngoo gi he: da" myiyham: khoug: moo atho' tid loo:- kyi" khyeug shau" nyid. Lazaru da" lo, nyhoug" vhu" mo gyid jham" dazo, nga" yhoo: moo khyo, jham" byid: wa shid' re" nga" jhang khyoo: jen" nhang: kaid we' o"- ga: yoid tid.

LUKA 16:28

Houg: moo nga" nhung" yi wim: yug nyid shi"- nyangnu" we' hid: yhi' kyi" khyeug jamjau jang" moo azheing: ju" loo wa shid' re" nyangnu" ri lo" tid poin" nhang: we'.

LUKA 8:28

Yesu ri myang lang" nyang: gi yoid nyho: ngau lho: nya: shid' khoin" moo nyang: goeb pai wigi myhang: thang da" Mangso nya: zoo: Yesu we"- Nang gi ngoori ci: koid: nau lha". ngoori ashen" ayhen shi" lhe"- ga: yo" nyho: yoid kaid.

1Korinthians 15:55

Shid: zoug: we"- nang oung: lo" khyoo: gi khayoo: lha" Shid: zoug: we"- re" da" dug gi kha: khyoo: lha"

2PETRU 2:4

Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.