LUKA 16:2 - Lacid Common Language Bible

² Sathi" phoo gi moo" pyeing" su: ri khe: yu lho: tid da" zigi re" da" khyoo: ngoo shaug" gyoo: bye. Khasu" koid: nyid? re" da" lo, mo nga" ziyoo jonu" zhayen" dangain" ngoori byid: we'. Khasu" wim gari nang gi nga" moo" ci: moo we' pyeing" wa zi amoin: yi" loo.

LUKA 16:2 교차 참조

PHAJHI" DANG: 12:14

Mangsoo gi nanu" koid zi ja: khang" moo" ri ge zi nghoid nghoid age zi nghoid nghoid zheig zoo: khau" koid da" moo" joem rilang" dang: phyed byid: loo wa.

MATHE 12:36

«Aseing Yesu tid zigi tarha" dang: khoo' da" bidnyid moo byu yug khang" moo" gi nyang: tid da" age da" dang: yo" dakhyoo" ti"- tarha"

MATHE 20:8

«Myenthang: ju" lang" hau: khyam: seing: gi moo" shu" vhu" shi: su: ri ‹moo" zei: mo, ri khe: zheung" lho: moo vang thang mo, mo wigi vang shid" bang: moo ju" sho' vhoo" kung: phoug" thug byid: we'› ga: tid.

LUKA 12:20

Nghoidloug we' Mangsoo gi Byu fang: phoo nang we"- akho: myen nyang: re" kangso' gi thang loo" wa. Houg: yoomo nang young: to" da" ziyoo jonu" joem gi hang" lo, moo vang loo" wa lha"» ga: tid.

LUKA 12:42

Yesu gi dang: zung" lho: phajhi" se' da" dei zoo: gi hang" nghoid la". Yhoem: seing: gi dei zoo: yi ri vhoeb khang" wa shid' re" yo"- ayo, ju" lang" vhu" kung: phoug" thug byid: wa shid' re" vhu" jhung: dayug nyeing to" ein: shang.

LUKA 16:1

Yesu nya: cangzoo: yi ri tid zigi sathi phoo yug gi moo" pyeing" su: dayug yo"- hau: yug gi sathi" pho da" ziyoo jonu" ri agoin: lhu: shoin' pyam nyid da" ziri byu yi gi sathi" phoo ri khyang" lo" shid: boem.

LUKA 16:3

Vhu" kung: phoo nya: gung nyang tid da" zigi Nga" Aseing: gi nga" moozoo" mo ngoori toem nyid bye. Ngoo khasu" koid: loo wa lha". ngoo myidjang: du: nhoug wa yoem we aboo mho' zo: yen" wa zi we' ngoo sho.

Roma 14:12

Houg: nghoid yoomo ngoonu" dangain" mo gi nyang: nyang: koid' da" moozoo" yo" dakhyoo" ti" Mangsoo: ri shau" tid khyo" da bidnyid ju" loo wa.

1Korinthians 1:11

Ci: yoomo ga: ri- nga" mang: nhung" yi we"- nanu" myeing" tid myoo: go" nyid da" khyoo: ri- khloe da" yheom: mo byu yi dayham" bang: gi ngoori bang bang nyang: re" tid kyo" boem bye.

1Korinthians 4:2

Houg: su" yoovoin yu lho: wigi- voin vu, nhang: da" dei zoo: yi moo: boo ca" da" nheigloem: daja" gi Aseing da" atho' moo: zid" lhid' lho: nheigloem: zung" ca" da" khyoo: nghoid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.

1 TIMOTHI 4:14

Lapi: yi kho" kyo" lho: phung ri shu" vhu" shi: bang: da" atho' moo lo, ke" lho: phung" void, kaid' byid: da" uri nang ri byid: to" da" nang moo bo jo, gyeung shang: venyi yo' sen: d a" jeju" jhung: shug ri aphoug" akhyoid koid lho: aci: phyoug pyam.

1 TIMOTHI 5:24

Byu dayham" bang: da" yooboo dayham" gi bang bang myang nyid zi nghoid wigi nyangnu" da" youg: noo yooboo joem gi nyangnu" da" shid' khyoo:- dang: phyed' wa joyoo moo yhe: lo" nyid bye- nghoid loug we' dayham" bang: da" youg: noo yooboo joem gi thang: ri she' bang bang myang lo.

1PETERU 4:10

Dangain" bang: gi venyi jhung: shug dayug daja: yo" kham: yu bang: za: nghoid nyid. Nanu" gi Mangso da" mainkaid jhung: shug aja: ja: ri zoem: ci: se' da" zi jung su: yhang: ti"- nyang: nya: shau' kham: yu bye: da"{ jeju" ri byu gooje akyu shid' re" we' bo ci: yhoung nyid ge'.

1PETERU 4:5

Nghoid loug we' nyangnu" gi dei nyid mo, yo' shid: loo" mo, ri tarha" dang: phyed' byid: wa jen" jen" nghoid da" Mangso shid' khoin" moo nyangnu" da" kangso' dei da" zhayen" ri toin" shed' ca" boem wa nghoid.

Pang Shug 20:12

Hau: lho: wigi shid: lo" byug bye: mo, gyi: zoo: nge, zoo: gi hau: zhung: tang shid khoin" moo to' yab, jo, boem ziri ngoo myang. Houg: lang" mougsoug" bug joem ri we' phang to" boem Kangso' mougsoug" ga: da" mougsoug" bug gootu: ri we' phang to. Shid: loo" bye: mo, gi nyang: nya: da" aved' asam" yo' dakhyoo" ti"- moug soug" bug moo lhid" to" khyo" canglho:- tarha" dang: phyed' zi shau" nyid boem ago".